BILANGAN 25
25
To Israel sin anbi Tubu Peor
1Leka fe to Israel sin namaika anbi Nonof Sitim, atoni-atoni mone Israel sin anmapaisa nok bife-bife Moab anbi nane. 2Bife-bife nane anfuli sin neu fesat-fesat fua tulu hen tola sin uisneno teta sin. Atoni Israel amsa sit nah fua tulu fuat nane ma naluli nabes neu uisneno teta atoni Moab. 3Natuin atoni Israel sin naluli nabes neu Baal anbi Peor, Uisneno nato'an sin ma nakua a'an neu Nai Musa nak, 4“Amheke ale atoni le sin anfani anakaf neu to nane ma amlolo sin anbi to sin matan anfani on nanaoba Au plenat, he nati' kais Au uto' ateni neu to nane.” 5Nalali te Nai Musa nak neu ale alef lasi Israel nak, “Hi mese-mese mes amlolo ale atoni anbi hi uf le naluli nabes nalali neu Baal anbi Peor.”
6Leka Nai Musa ma nonot ok-oke fe ankae anbi eno Um-ume Uisneno, sin nit atoni Israel mese neki bife Midian mese neu in um-ume. 7Leka Nai Pinehas, Nai Eleazar anmone, Ana' fuat knino Nai Harun upuf in nit lasi nane, in anfen ma nasaitan buat nane. In naiti neki auni mese 8oke te in anli'u atoni nane ma bife nane anbi um-ume. Atoni ma bife nane in napau nis sin neki auni nane ma lasi amle'ut le fe anfoe anbi Israel nane anfin ma an kon. 9Mes amates le fe anmate nane atoni 24.000.
10Oke te Uisneno nakua a'an neu Nai Musa nak, 11“Nai Pinehas, Nai Eleazar anmone, Ana' fuat knino Nai Harun upuf, nok matani in anpesi Au apinat anbi atoni Israel sin atnanan, talante Au to'as nasnas ma Au ka ule'un ani fa nonot nane. 12Es nane te muton nai neu Nai Pinehas mak Au mo'e lasi manba'an mese ok in. 13In ma in sufan sin Au utetab sin on Ana' fuat knino talante nabal-bal, natuin in nok matani anpesi Kau, in Uisneno, ma anmo'e nalali lasi halan sanat atoni Israel.”
14Atoni Israel le anlolo namate nok bife Midian nane in kanan Nai Zimri, Nai Salu anmone, nakaf na'ko ume toko mese na'ko uf Nai Simeon. 15Bife nane in kanan bi Kozbi; Nai Zur anfeto, anakaf mese neu nonot anbi Midian.
16 Uisneno anfe plenat i neu Nai Musa nak, 17“Amlaban atoni Midian nai, ma mile'un sin nai 18natuin lasi amle'ut le sin ansali neu ki anbi Peor, ma natuin bi Kozbi anfeto na'ko nakaf to Midian. Kozbi nane bife le anmate malolo anbi tabu amle'ut anbol natuin lasi le'uf anbi Peor.”
Currently Selected:
BILANGAN 25: AOZ
Highlight
Copy
Compare
Share
Want to have your highlights saved across all your devices? Sign up or sign in
