MIKHA 4
4
Uisneno naplenat pah pinan nok halan
(Yes. 2:2-4)
1Anbi neno-neno amnemat tubu, bale Ume Uisneno,
of anhake namep, ma an hun on amnanu
an nesin nuaf-nuaf ma tubu-tubu sin.
Ale uf na'lol'ok ma nao neune
2sin alsin of namolok nak,
“Aim he hit atsae neu Tubu Uisneno
teu Ume Uisneno Israel!
In of nanoina neu kit
sa' le hit atmo'e.
Of hit tatuin In lanan
natuin noina Uisneno nane nem na'ko Yerusalem;
na'ko Sion In namolok neu In to.”
3 Uisneno of nafek lasi neu ale uf-uf,
neu pah-pah abe'it,
le a'lot ma apaumakat.
Sin of antutu sin suni-suni nane anfani besi foi
ma sin suni-suni anfani besi eu.
Uf-uf of kan laban fa es nok es,
ma kan mu'i fa loitan balab neu makenat.
4Atoni mese-mese of anmoni nok nek tainine ma athoes
anbi in lene tua min kase ma in lene hau bubuk;
of kan mu'i fa hakataus neu in,
nane fef bela na'ko Uisneno Akuasat Afinit.
5Uf mese-mese anbi pah pinan
in fafon of naluli nabes nok nek aki'at neu in uisneno teta anmes.
Mes hit of ta'ki neu Uisneno hit Uisneno
ma taluli tabes neu In talantia nabal-bal.
Israel of anfani nem na'ko pah mapolin
6 Uisneno nakua a'an nak, “Of antia in etin ma in tabu of Au nibun atoni-atoni le Au kas ulali sin, esle' sin le nasusbok anbi bale mapolin. 7Sin an ole nalali ma na'lo na'ko sin kuan. Mes na'ko atoni-atoni nesif nane of Au fatan sufa ka'uf fe'u. Sin of anfani uf le anaek ma abe'it. Au of uplenat sin anbi Tubu Sion talantia nabal-bal.”
8Ma ho Yerusalem, bale Uisneno anpao ma antitu In to onle atukus mese anpanat in pukan bibi kase sin, ho of amfani on kot ainaf neu plenat onle afi anbi ahunut. 9Nansa' es hom kae muhel-helnom? Nansa' es ho munukbom onle bife le he nahoni? Ai natuin ho ka mu'i fa kesel, ma ho afainekat-afainekat sin anmate nalali? 10Hoi atokos Yerusalem, amfeunsom nai ma am ambai nai onle bife le he nahoni! Natuin tabu le i hi he misaitan kot ma mitua anbi mnela hufui. Of him nao neu Babel, mes anbi nane Uisneno of nafetin ki na'ko hi musu sin niman. 11Uf namfau nabua nalali he nati' anlaban ko, hoi Yerusalem! Sin namolok nak, “Yerusalem mes taskuku tani! Hai of amkiso kot nane anfani fatu atupuk!” 12Mes uf-uf nane ka nahin fa sa' le Uisneno natenab nani. Sin ka nahin fa nak Uisneno nabuab nalali sin he nati' ankas sin, onle aen kase anbiun nalali he naul nani.
13 Uisneno nakua a'an nak, “Hoi atokos Yerusalem, amnao nai ma amteli hi musu-musu sin! Of Au mo'e ki hi be'im nane onle bijae le in sunan na'ko besi ma in ku'en na'ko niti molo. Of hi miskuku uf namfau ma sin amaus le napeni anfani masikat sin nesan of ho mutulu neu Kau, Uisneno amu'it neno tunan ma pah pinan.”
14Hoi atokos Yerusalem, amtoti nok hi nekam oke, he nati' Uisneno antuntaku ki! Atoni antol nan nalali kit! Musu anlaban atopus Israel!
Currently Selected:
MIKHA 4: AOZ
Highlight
Copy
Compare
Share
Want to have your highlights saved across all your devices? Sign up or sign in
