IMAMAT 17
17
Lekat lulut neu na'
1 Uisneno anlenu Nai Musa 2anfe lekat lulut i neu Nai Harun, neu in anah sin ma neu nonot Israel ok-oke. 3-4Leka atoni Israel mese natulu ma natnat bijae, bibi kase ai bibi neu Uisneno, mu'it nane mes anlolo anbi eno matan Um-ume Uisneno. Kalu in anlolo anbi bale bian, in antanhai plenat natuin in naopan na'. Of kan so'i fa in on lokif taluf nonot Uisneno. 5Plenat nane natiaba nani he nati' nonot Israel neki neu Um-ume Uisneno ale mu'it tulu tnatas le anfoenanat sin anlolo anbi lene. Sin mes he neki tulu tnatas nane neu Ana' fuat knino anbi eno matan Um-ume Uisneno ma anlolo anbi bale nane neu fua tulu lasi halan. 6Ana' fuat knino mes anpofin mu'it nane in na' neu baki tulu in aon bian anbi eno matan Um-ume Uisneno oke te notu in balun he nati' in fon anhalin Uisneno In nekan. 7Nonot Israel mes na'ki nabala neu Uisneno ma ka nabe'i fa he haefes-haefes anlolo mu'it anbi lene sin neu tulu tnatas neu nitu-nitu amaufinut. Lekat lulut nane mes natuin nani talante nabal-bal.
8Leka atoni Israel mese ai atoni anao amnemat le natua nabala anbi atoni Israel sin mes natulu natnat fua tulu mnotu ai fua tulu bian, 9neu Uisneno, in mes natulu natnat anbi eno matan Um-ume Uisneno. Kalu in natulu natnat anbi bale bian, in ka nabe'i anteni fa anso'i in on lokif taluf nonot Uisneno.
10Kalu atoni Israel mese ai atoni anao amnemat le natua nabala anbi atoni Israel in nah na', Uisneno of ankas in ma kan so'i anteni fa in on In nonot. 11Smanaf ale amonit mese-mese anbi na' in nanan. Es nane te Uisneno anfe plenat he nati' ale na' anpofin neu baki tulu in fafon he nati' sanat-sanat na'ko nonot anose nani sin. Na' nane smanaf, in nose nani sanat. 12Es nane te nonot Israel ai atoni anao amnemat le natua nabala nok sin antal sin he nati' sin kais nah na'.
13Leka atoni Israel mese ai atoni anao amnemat le natua nabala anbi nonot Israel anheke kolo ai mu'it bian le ka naleko fa, in mes napoitan mu'it nane in na' ma ankub nani neki afu. 14Smanaf ale amonit mese-mese anbi in na', es nane te Uisneno nakain nonot Israel he nati' kais sin nah na'. Sekau esle' nanaoba taos mo'et le nakain nane kan so'i fa in anteni on lokif taluf nonot Abal-balat.
15Atoni Israel sin ai atoni anao amnemat le in nah sisi mu'it le anmate anmes ai anmate natuin mu'it abulalut anheke ai anpisu, mes anfase in blua pake oke te naniu ma anpao talante neno antes, oke te of in naknino anfani. 16Kalu in kan tao ma anmo'e fa lasi nane, in mes ansutai kun in amnekin.
Currently Selected:
IMAMAT 17: AOZ
Highlight
Copy
Compare
Share
Want to have your highlights saved across all your devices? Sign up or sign in
