HOSEA 14
14
1Samaria of Au kas ani natuin in anlaban Kau. In to nane of anmate anbi makenat in nanan; in anah-anah sin of mahapun, ma ale bife a'aput sin tain of anpe'.”
Nai Hosea antoti he nati' to Israel nate'un
2Amfani nai neu hi Uisneno, hoi to Israel! Hi sanat sin anmo'e ki anmo'e him pastun ma mitsel. 3Amfani nai neu Uisneno ma mitiab onen totis le i anfani tulu tnatas neune, “Uisneno, amsako kai ale hai sanat sin, ma amsimo man hai onen totis le i, es nane te of haim pules Ko onle afi haim ta'en milali. 4Asyur of ka nabe'i fa he nafetin kai, ma bikase makenat nane of kan tuntaku kai fa. Hai of ka mimolok amteni fa neu fatu ma hau mamasa le hai mo'e sin meki hai nimam nak sin le nane hai Uisneno. Koi Uisneno, Ho es amnek atoni-atoni le ka nafnek fa neu sekau am sekau.”
Uisneno anta'en monit fe'u neu to Israel
5 Uisneno nakua a'an nak,
“Au to le anbeo, of Au aiti ufani
ma Au nek ani eki Au nekak oke;
ma of Au ka uto'an ateni fa sin.
6Of au fani ulan neu atoni Israel
le napetab afu ametos.
Sin of anbo onle tuna
ma onle aijao le in ba'an ansenon.
7Of Sin anmoni ma namlia
onle hau sena le anmoni anbi me-me,
in masan onle hau saitun
ma in fobonan onle hau aijaob.
8Of sin anfani nem neu Kau ma of Au uneo ma uhafo sin.
Sin athoes nane of ansaton piut,
onle ane kase le anmoni anbi afu maafa
ma onle lene tua min kase.
Sin kanan of mateka onle tua min kase Libanon.
9Atoni Israel of anpolin sin hau ma fatu mamasa;
of Au panat sin ma utae sin onen totis.
Onle hau le in non nate'un,
Au of uneo ma uhafo sin.
Au le i uf tetus le he fe ani neu sin.
Au, Uisneno, es ukua ulali Au a'ak onane.”
Uab amsoput
10So nati' ale atoni nek ahinet sin nahin sa' le matui anbi sulat le i, ma anpanat nani. Lekat lulut na'ko Uisneno nane amneot kun, ma atoni le in anmoni nok nek ateb knino of natuin lekat lulut le nane. Mes atoni asanat of kan panat fa talantia in anpastun ma natsel.
Currently Selected:
HOSEA 14: AOZ
Highlight
Copy
Compare
Share
Want to have your highlights saved across all your devices? Sign up or sign in
