AMOS 7
7
Lamat
1Au upeni mnitas mese na'ko Uisneno Anesit Afinit. Au it In anlek ma anlulu lamat pukan anaek mese anbi tabu anlefi nalali hun neu kesel, ma hun nane fe anmoni anfani. 2Lamat-lamat le nane ala kle'o neku nalali hun sena anbi nain. Nalali te au umolok ak, “Uisneno Anesit Afinit amsako ho to sin sanat! Sin abaut ma aolet, of sin anhake na'ki ai kahaf?”
3 Uisneno nabaina In salit ma nakua a'an nak, “Le ho mit le amsa of kan bol fa.”
Ai
4Au it ateni mnitas mese na'ko Uisneno Anesit Afinit. Au it In naloitan nalali neu he nati' ankas In to neki ai. Ai nane anlami nameti oe tasi naek abit pah pinan in nupun ma nalali te notu nani ale lene. 5Au ak, “Koi Uisneno Anesit Afinit, musnasab ai le nane! Ho to le nane na'bau nis ma an oel, ma onme ka he nati' sin anhake nabe'i?”
6 Uisneno nabaina In salit anteni ma nak, “Le i amsa of kan bol fa.”
Tani lukut amneot
7Au upeni mnitas le teta kun na'ko Uisneno. Au it In anhake anbi baki lape mese in aon bian le sin nafena ma anpaka tani su'at amneot. Anbi In niman In na' tani su'at nane anbi In niman he nati' antae baki lape nane namneo ai kahaf. 8In natoti kau nak, “Ho mit sa' ka, Amos?”
Au utae ak, “Tani su'at amneot, koi Uisneno.”
Oke te Uisneno nak, “Au pake tani su'at le i neu he uton ak Au to nane onle baki lape le ka namneo fa. Of Au ka ubaina tenim-teni fa Au salit ma namneo of Au kas sin. 9Bale-bale le Nai Ishak in sufan anpake neu he nati' naluli ma nabes uf Au uskuku ani sin. Of Au utselab ani bale knino atoni Israel. Of Au umate Kesel Nai Yerobeam in sufan.”
Nai Amos ma Nai Amazia
10Nai Amazia, ana' fuat anbi Betel, ansonu etus tonas le i neu Nai Yerobeam Kesel Israel nak, “Nai Amos nabua nok to hen laban ko Usi. In nak sin le anhanoe to of nape' pah le i. 11In nak au Usi ko of ho mate anbi makenat in nanan, ma of neki atoni Israel neu bale mapolin, le na'lo na'ko sin pah anmes.”
12Oke te Nai Amazia nak neu Nai Amos nak, “Hoi mafefa knino, amfani nai meu Yehuda! Munoina nai ambi nane. Maut he nati' sin es anhao ko! 13Kais munoina amteni ambi Betel. Kot le i al neu kun kesel, ma bale luli besa neu pah anfun ma natef.”
14Nai Amos natae nak, “Au le i mafefa knino kau ka natuin fa toko. Namneo au le i atuku mu'it ma aseu hau fua bubuk kau. 15Mes Uisneno In naiti kau na'ko au mepu, ma anlenu kau he uton In fef ba'an neu atoni Israel. 16Es nane te amnen nai sa' le Uisneno namolok neu ko. Natuin hom penan kau he unoina laban to Israel. 17Uisneno nakua a'an nak ho fe of anfani bife amapaisa anbi kot in lanan sin, ma ho anah sin of sin anmate anbi makenat in nanan. Ho afu of anbati nani neu atoni bian, ma ho of amate ambi atoni pah le ka nahin fa Uisneno. To Israel of neki sin neu bale mapolin, le na'lo na'ko sin pah kun.”
Currently Selected:
AMOS 7: AOZ
Highlight
Copy
Compare
Share
Want to have your highlights saved across all your devices? Sign up or sign in
