JUNUS 3
3
Dioloi si Junus ma Tuhan
1Mangkuling ma Tuhan padua nolihon tu si Junus. 2Didok Ia ma, “Kehe ma ho tu Ninive, kota na godang i, jana palalu ma tu pangisi ni kota i tona na Hulehen tu ho.” 3Jadi dioloi si Junus ma Tuhan jana kehe ma ia tu Ninive, i ma sada kota na godang situtu; jabat do angkon adong tolu ari laho mandalanisa. 4Masuk ma si Junus tu kota i jana dung didalani ia sasadari mamungka ma ia marjamita, ning ia ma, “Opat pulu ari nari, maronco ma Ninive!”
5Halak Ninive porsaya tu Debata, dung i diumumkon ma puaso jana angka halak na magodang sangape dakdanak mamate abit paboa marsak ni roha.
6Di na tarbege tu raja ni Ninive barita i, manigor mijur ma ia sian habangsania. Dibuka ia ma baju harajaonnia i jana dipake ia ma abit goni, lalu juguk ma ia di abuan. 7Marhite parenta ni raja dohot angka pamimpinna dipabotohon halahi ma boa-boa on tu halak Ninive songon on, “Jolma dohot pahan-pahanan, lombu dohot biri-biri nada tola mangankon sanga aha, nada tola mangan ruput jana nada tola minum aek. 8Jolma dohot pahan-pahanan angkon mamake abit goni. Songon tanda ni panyolsolion angkon martangiang sude jolma sian situtu ni rohana tu Debata. Angkon padengganonna be pangalahona na jahat i dohot parangena na gok dosa i. 9Betak na ra do Debata manguba nietNia gabe nada muruk be, jadi nada tulus hita bunuonNia!”
10Diida Debata ma sude pangalaho ni halahi i; diida Ia ma na dung ditadingkon halahi pangalaho ni halahi na jat i. Jadi gabe dipauba Ia ma haputusanNia i, gabe nada tulus be halahi hona uhum dibaen Ia.
Currently Selected:
JUNUS 3: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
