HOSEA 6
6
Nada sian situtu ni rohana muba Israel
1“Beta ma mulak hita tu Tuhan. Ia do na mambaen marhancit hita, tapi laing Ia muse do na pamalumkon. Ia do na mambugangi hita, tapi laing Ia muse do na mambalut angka bugangta. 2Di bagasan dua tolu ari on sunggulanNia ma hita jana mangolu di bagasan pangondianNa. 3Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”
4Tapi didok Tuhan ma, “Ale Israel dohot Juda! Angkon bia noma hamu baenonKu? Tibu do mago holong ni rohamu tu Au songon nambur sanga ombun manyogot. 5Hara ni i do umbaen na Husuru angka panurirangKu laho palaluhon tu hamu haputusanKu na mandok angkon uhumon jana abiskonon noma hamu. Torang jana tangkas do na nipangido ni rohangKu sian hamu: 6GiotKu nian ditanda hamu ma Au jana tongtong dihaholongi hamu, nada anso dihaulkon hamu haul tu Au.
7Tapi songon si Adam, digagai hamu do janjimunu dohot Au. 8Gilead, i ma sada kota na gok parjahat dohot sibunu jolma. 9Songon punguan ni panyamun na mangambat halak pamolus do angka malim na di kota i. Salang di dalan laho tu inganan na badia di Sikem pe puluk do halahi mamunu jolma! Disangajo halahi do mambaen hajahatan i sude. 10Huida do sada hajorbuton di Israel: Hodar do dibaen bangsongKi dirina sandiri marhite na manyomba gana-ganaan.
11Taringot tu hamu ale halak Juda, madung Hutontuhon hatihana manguhumi hamu laing hara ni parbuatanmu.”
Currently Selected:
HOSEA 6: LAIAKB
Highlight
Copy
Compare
Share
Want to have your highlights saved across all your devices? Sign up or sign in
Indonesian Bible Society
