JEHESKIEL 35

Uhuman ni Debata maradopkon Edom

1Didok Tuhan ma tu au, 2“Ale jolma parsantongkinan, burai ma Luat Edom. 3Palalu ma tu halak luat i sanga aha na Hudok: ‘Musumu noma Au ale halak na maringanan di partoran Edom! Giot baenonKu tanomu gabe mamolngit. 4PadiaronKu jana mamolngit angka luatmu. Jadi botoonmunu ma Au do Tuhan. 5Sian najolo dihosomi hamu Israel jana dipadiar hamu hona sambol halahi di na hona parmaraan hara ni uhuman na parpudi patunda ni dosa ni halahi. 6Jadi hara ni i, mangasahon Au Na Mangolu, ninna Tuhan Debata, hamatean do bagianmu, jana nada tarbaen hamu malua sian i. Madung didalankon hamu na mamunu jolma, gabe ayak-ayakon ni pamunuon i ma hamu. 7Lungun baenonKu angka hutamu na di partoran ni Edom jana bunuonKu sanga ise na mamolus sian i. 8TutuponKu ma angka dolok dohot angka bangkemu, tor dohot rura gohanKu dohot na mate dipangan porang. 9BaenonKu ma tanomi gabe tombak longo-longo sapanjangna jana nada be inganan ni jolma angka kotami. Gabe botoonmunu ma Au do Tuhan.

10Anggo pandokmunu, hakmunu ma Juda bope Israel dohot tanona i, jana hamu ma torus nampunasa haru pe Au do Tuhan, Debata ni halahi. 11Hara ni i, mangasahon Au Na Mangolu, ninna Tuhan Debata, palaluonKu ma hosom tu hamu, hara ni na muruk hamu, mangiburu dohot margoyak ni roha mida halahi. Botoon ni halahi ma, na hona uhum hamu Hubaen hara ni pangalahomunu maradopkon halahi. 12Gabe botoonmunu ma na dung Hubege, Au Tuhan mambege pangincahimu di na nidokmunu: Madung gabe mamolngit angka dolok ni Israel jana dipasahat baen soroanta. 13Ale bangso Edom, siruak pamangan do hamu jana bulbul pangkulingmunu tu Au. Na dung Hubege do sudena i.

14Au Tuhan Debata mandok: Marjop ni roha ma na satano on muda jabat Hubaen sude tanomi gabe padang na mangalungun. 15Laing songon sonang ni rohamunu taran diida hamu Israel artangKi gabe mangalungun. Angka Dolok Seir, lalu sude tehe tano Edom, mamolngit noma i. Jadi gabe botoon ni sude jolma ma Au do Tuhan.’ ”

Currently Selected:

JEHESKIEL 35: LAIAKB

Highlight

Copy

Compare