SEULAWEUT AGONG 1
1
1 #
1Raj. 4:32
Seulaweut Agong nyang geucebta lé Nabi Sulaiman.
Ca-e nyang keuphon
Inong
2Neucöm kheueh ulôn deungon bibi gata;
cinta droeneueh leubeh nékmat nibak anggô!
3Droeneueh haröm meubhée meuhalak,
nan droeneueh lagée minyéuk mangat bhée nyang ro meuruwah;
sabab nyan kheueh dumna aneuëk dara jigalak ubak droeneueh!
4Beurijang kheueh geutanyoe, ya raja ulĂ´n,
neuba kheueh ulĂ´n udalam kama droeneueh.
Kareuna droeneueh kamoe banmandum meusukaria,
dan kamoe pujoe cinta droeneueh leubeh nibak anggĂ´;
pantaih kheueh dumna aneuëk dara jicinta ubak droeneueh!
5Bah kheueh itam, teuma ulĂ´n nyoe ceudah, hai putroe-putroe Yerusalem;
itam lagée khimah-khimah Kedar,
teuma lagak ngon ceudah lagée tirée-tirée nyang na di meuligoe Nabi Sulaiman!
6BĂ©k neukalon nibak kulet ulĂ´n nyang itam,
sabab ulĂ´n tutong deungon cahya mata uroe.
Aduen-aduen ulôn geubeungéh nibak ulôn,
dan geuyue ulĂ´n jak meubuet nibak lampĂ´h anggĂ´;
ulôn ka hana le watée keu lôn useuha droe keudroe ulôn.
7Neupeugah kheueh, hai geunaséh ulôn,
dipat droeneueh neurabe dumna domba-domba gata,
dipat neupeuéh jihnyan óh watée uroe ka seupôt?
Masakan ulôn lagée ureuëng peungeumbara
lamkawan kawan bubiri atawa domba rakan-rakan gata?
Agam
8Ék kheueh gata hana neutupat teumpat tinggai jih,
hai inong ceudah lamkawan ureuëng inong nyang laén?
NeuseutĂ´t laju bakat bubiri domba,
dan neurabe kheueh dumna kaméng-kaméng gata
nyang tô deungon khimah ureuëng meurabe.
9Geunaséh ulôn, gata lagée guda inong
nyang jitarék geuritan raja nanggroe Meusé.
10Mieng gata lagak deungon piasan nyang teupeungui,
takue gata indah watée teupeungui talo takue peumata.
11Kamoe peugöt piasan méuh keu gata,
deungon manek-manek pirak disök disinan.
Inong
12Teungoh raja lĂ´n mantong nibak teumpat Ă©h,
haröm bhée nyang mangat lazat lagoena.
13Geunaséh ulôn na lagée mur mangat bhée jih,
watée geupeureubah droe ateueh dada lôn.
14Geunaséh ulôn siumpama sibak-bak bungöng gaca
di lampĂ´h-lampĂ´h anggĂ´ En-Gedi.
Agam
15Gata gagah ngon jeulita, hai geunaséh ulôn nyang maméh,
luwa biasa gata ceudah nibak mata lĂ´n!
Mata gata lagée cicém mirah pati.
Inong
16Droeneueh gagah, sayang,
sunggoh that gagah droeneueh nibak mata lĂ´n!
Teu Ă©h-Ă©h geutanyoe ateueh naleueng nyang ijo.
17Bak kayée aras jeuet keutaméh rumoh geutanyoe,
dan bak kayée ceumara jeuet keu langét-langét jih.
Currently Selected:
SEULAWEUT AGONG 1: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
