ZABUR 59
59
Doá teulakée peulindongan
1 #
1Sam. 19:11
Keu teupimpén kor. Meunurot lagu: Bék peumuseunah. Zabur Nabi Daud, bak watée Saul geuyue ureuëng laén jak kawai rumoh gobnyan sabab jikeuneuk poh maté gobnyan.
2Ya Allah ulĂ´n, peuseulamat kheueh ulĂ´n nibak bandum musoh lĂ´n,
neulindong kheueh ulôn nibak ureuëng nyang keuneuk jak seurang ulôn.
3Neupeulheuh kheueh ulôn nibak ureuëng nyang keuneuk peubuet jeuhet,
neupeusie kheueh ulôn nibak ureuëng-ureuëng nyang keuneuk poh maté lôn.
4Ngieng kheueh, awaknyan ka jihampeueng keuneuk jipoh maté lôn,
ureuëng-ureuëng keujam meusaho keuneuk lawan lôn;
padahai kon sabab ulĂ´n ka lĂ´n peubuet desya
atawa ulĂ´n peubuet peulanggaran, ya Tuhan.
5Meunan cit kon teuma sabab salah lĂ´n,
awaknyan meudab-dab dan meusiab-siab.
6BeudĂ´h kheueh, Allah Nyang Mahamanyang, tulĂ´ng kheueh ulĂ´n.
Ya Allah Israel, neukalon keudroe.
Beudôh kheueh dan neuhuköm kheueh bansa-bansa,
bék neugaséh keu ureuëng jeuhet nyang meukhianat.
7Bak watée uroe ka sinja awaknyan jiwo lom teuma,
meuôe-ôe lagée asée sira jikeulileng banda.
8Hana jipiĂ´h awaknyan nariet meupansi sira meuhina;
tutoe haba awaknyan tajam lagée mata peudeueng,
jipike lé awaknyan hana nyang deungoe peue nyang jipeugah nyan.
9Teuma Droeneueh neupeukém awaknyan, ya Tuhan,
banmandum bansa nyan Droeneueh peuhina.
10Droeneueh kheueh teunaga ulĂ´n, ulĂ´n meuharab that ubak Droeneueh,
Droeneueh teumpat ulôn meungungsé, ya Allah.
11Sabab keubaiékan Allah kheueh, Gobnyan teuka ubak ulôn,
Gobnyan geupeubiyeu mantong lĂ´n kalon bubena musoh lĂ´n teupeutaloe.
12Bék kheueh neupoh maté awaknyan, ya Tuhan,
mangat bansa ulĂ´n hana jituwoe.
Peu crebre kheueh dan neupeutaloe kheueh awaknyan deungon kuasa Droeneueh,
ya Tuhan peulindong ulĂ´n.
13Sabab awaknyan meudesya deungon tutoe haba jih keudroe;
bah kheueh awaknyan meucarueh deungon meubagoe keusombongan jih,
sabab awaknyan galak that jiseurapa dan meusulet ngon haba nyang hana beuna.
14Peubinasa kheueh awaknyan lam beungéh Droeneueh, ya Allah,
peubinasa kheueh awaknyan sampoe án habéh.
Dan tieb-tieb ureuëng jiteupeue bahwa Allah geupeurintah Israel,
dan peumeurintah Gobnyan luwah jimeu Ă©ue bansaboh bumoe.
15Óh watée sinja awaknyan jigisa,
meuôe-ôe lagée su asée sira jikeulileng banda.
16Awaknyan jimeurawoh keudeh keunoe sira jimita uempeuen,
dan laju jimeurawöng meunyoe pruet jih hana troe.
17Teuma di ulĂ´n meuca-e keuhai teunaga Droeneueh;
tieb-tieb beungoh ulĂ´n meuca-e deungon su nyang nyareng
keuhai gaséh dan seutia Droeneueh.
Sabab Droeneueh kheueh teumpat ulĂ´n peusiblah droe,
teumpat ulôn meulindong bak watée susah.
18Ya Allah, teunaga lĂ´n, ulĂ´n meuca-e lagu puja ngon pujoe ubak Droeneueh,
sabab Droeneueh kheueh teumpat ulĂ´n meulindong.
Ya Allah, geunaséh ulôn.
Currently Selected:
ZABUR 59: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
