ZABUR 58
58
Doá lakée tulông jeuet geubalaih keu ureuëng jeuhet
1Keu teupimpén kor. Meunurot ca-e: Bék peumuseunah. Zabur Nabi Daud.
2Hai bubena peunguasa,#peunguasa atawa: dewa. peu kheueh ade keuputosan gata nyan?
Peu kheueh gata jujoe bak watée gata peuhakém manusia?
3Hánjeuet, gata reuncana nyang jeuhet,
dan tapeubuet keukeurasan di nanggroe nyoe.
4Ureuëng jeuhet ka sisat yoh mantong lam pruet ma
awaknyan ka jiteumipée watée jihnyan ka lahé.
5Awaknyan meuracön lagée uleue meubisa,
dan jisumpai punyueng jih lagée uleue kobra nyang tulo
6nyang hana teudeungoe su pawang nyang carĂ´ng,
atawa su ureuëng meurajah nyang malem.
7Ya Allah, neuwiet kheueh gigo-gigo awaknyan,
neulot kheueh tarieng singa-singa muda nyan, ya Tuhan.
8Bah kheueh awaknyan gadôh lagée ié paseung nyang teungoh jiék,
lagée aneuk panah nyang ka tumpoi mata.
9Bah kheueh awaknyan lagée sipot nyang meuliléh meujantang jeuet keu geuneuhéut,
lagée aneuëk manyak maté sigohlom jingieng peungéuh.
10Sigohlom teupeusadar, awaknyan ka binasa,
lagée tamah meupaya nyang mantong ijo dan gohlom raya
habéh jipupo lé angén, siulah-ulah nyan na kheueh sinaman tho.
11Jikalon ureuëng jeuhet teuhuköm,
ureuëng jujoe lumpah galak,
dan teu rhah gaki jih lam darah nyang doraka.
12Ureuëng ramé jipeugah, “Biet ureuëng nyang jroh meuteumé pahala,
keubit, na Po teu Allah nyang jeuet keuhakém di ateueh bumoe.”
Currently Selected:
ZABUR 58: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
