ZABUR 42
42
KITAB KEU DUA:
ZABUR 42–72
Doá nibak tanoh teumpat teuböih
1Keu teupimpén kor. Ca-e peulajaran kawöm Korah.
2Lagée rusa jihawa keu ié krueng,
meunan kheueh jiwa lĂ´n rindu ubak Droeneueh, ya Allah.
3UlĂ´n rindu ubak Allah nyang udeb,
pajan ulôn jeuet lônjak meuiébadat di Baét Gobnyan?
4Uroe malam lalée ulôn mo,
na kheueh ié mata peunajoh ulôn.
Sipanyang uroe musoh lĂ´n jitanyong,
“Dipat Allah gata?”
5Até ulôn peudeh meunyoe teuingat yohmasa ilée,
watée ulôn jak ubak Baét Tuhan
meusajan ngon ureuëng nyang jipeuna peurayaan.
UlĂ´n lĂ´njak dikeue arak-arakan
deungon seumurak nyang meuhubo dan ca-e ngon lagu puja dan pujoe.
6Pakon até ulôn seudeh ngon geulisah?
UlĂ´n meuharab ubak Po teu Allah.
Teuma ulĂ´n meusyuko lom ubak Gobnyan,
ubak Allah lĂ´n dan nyang peuseulamat ulĂ´n.
7-8Nibak tanoh teumpat teuböih nyoe até ulôn ka hanco ngon reumok,
sababnyan ulĂ´n ingat ubak Tuhan.
Jiwa lĂ´n hanyot u dalam arus keuseudehan,
ulôn ka jiba lé ié raya keukacauan;
lagée su umbak ié grob nibak Krueng Yordan
nibak Gunong Hermon dan Gunong Mizar.
9Seumoga Tuhan geutunyok geunaséh Gobnyan
óh watée uroe,
mangat watée malam ulôn hase meuca-e,
dan meudoá ubak Allah mata ié udeb lôn.
10UlĂ´n peugah ubak Allah, nyang bila ulĂ´n,
“Pakon Droeneueh neutuwoe keu ulôn?
Pakon ulĂ´n nyoe harĂ´h meudeurita,
sabab jiteugom lé musoh-musoh lôn?”
11Até lôn hanco meukeupeng-keupeng sabab jipeuhina lé musoh.
Awaknyan hana piôh jiteumanyong, “Dipat Allah gata?”
12Pakon até lôn seudeh dan geulisah?
UlĂ´n meuharab ubak Po teu Allah.
Teuma ulĂ´n meusyuko lom ubak Gobnyan,
ubak Allah lĂ´n nyang ka geupeuseulamat ulĂ´n.
Currently Selected:
ZABUR 42: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
