Popular Bible Verses from ZABUR 42

Share

Até lôn hanco meukeupeng-keupeng sabab jipeuhina lé musoh. Awaknyan hana piôh jiteumanyong, “Dipat Allah gata?”

Keu teupimpén kor. Ca-e peulajaran kawöm Korah. Lagée rusa jihawa keu ié krueng, meunan kheueh jiwa lôn rindu ubak Droeneueh, ya Allah.

Até ulôn peudeh meunyoe teuingat yohmasa ilée, watée ulôn jak ubak Baét TUHAN meusajan ngon ureuëng nyang jipeuna peurayaan. Ulôn lônjak dikeue arak-arakan deungon seumurak nyang meuhubo dan ca-e ngon lagu puja dan pujoe.

Ulôn rindu ubak Allah nyang udeb, pajan ulôn jeuet lônjak meuiébadat di Baét Gobnyan?

Pakon até ulôn seudeh ngon geulisah? Ulôn meuharab ubak Po teu Allah. Teuma ulôn meusyuko lom ubak Gobnyan, ubak Allah lôn dan nyang peuseulamat ulôn.