ZABUR 149
149
Lagu seumujoe
1Pujoe kheueh Tuhan!
Meuca-e kheueh lagu barô keu Tuhan,
pujoe kheueh Gobnyan lamkawan umat Geuh!
2Meusuka cita kheueh hai Israel, sabab Peucebta gata;
meugeumbira kheueh, hai meududuek Sion sabab Raja gata!
3Pujoe kheueh nan Gobnyan deungon meubagoe likak dan tari,
dan pujoe kheueh Gobnyan deungon keucapi dan rapa-i!
4 Tuhan geutung keu umat Gobnyan;
Gobnyan geubri meunang keu ureuëng nyang miyueb até.
5Bah kheueh umat Allah meusuka ria sabab keujayaan Gobnyan,
dan meuca-e geumbira simalam suntok.
6Bah kheueh awaknyan jipujoe Po teu Allah deungon su nyang meutaga,
sira jimat peudeueng nyang ka teu asah
7keu geubalaih bansa-bansa,
dan geuhuköm sukée-sukée bansa;
8keu geubeuleunggu raja-raja,
dan geubôh ranté ubak bubena peunguasa awaknyan;
9keu teuhuköm bansa-bansa ateueh peurintah Allah.
Nyan kheueh keumeunangan umat nyang geugaséh.
Pujoe kheueh Tuhan!
Currently Selected:
ZABUR 149: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
