ZABUR 148
148
Langét dan bumoe, pujoe kheueh Tuhan!
1Pujoe kheueh Tuhan!
Pujoe kheueh Tuhan, hai banmandum asoe syeuruga!
Banmandum nyang tinggai di teumpat nyang manyang, pujoe kheueh Gobnyan!
2Pujoe kheueh Tuhan hai banmandum malaikat Gobnyan,
dan pujoe kheueh Gobnyan, hai banmandum tantra syeuruga!
3Pujoe kheueh Tuhan, hai mata uroe ngon buleuen,
dan pujoe kheueh Gobnyan, hai bintang-bintang nyang hu ble-ble cahya!
4Pujoe kheueh Gobnyan, hai langét nyang paleng manyang,
dan pujoe kheueh Gobnyan, hai ié nyang na di ateueh langét!#ié nyang na di ateueh langét: Kalon Keuj. 1:6-7.
5Bah kheueh awaknyan banmandum jipujoe nan Tuhan,
sabab banmandum geupeujeuet ateueh peurintah Gobnyan.
6Gobnyan nyang peuteuntée teumpat awaknyan maséng-maséng,
keuteutapan Gobnyan meulaku keu siumu masa.#Gobnyan … siumu masa atawa: Gobnyan ka geupeuteuntée teumpat awaknyan keu siumu masa, deungon peurintah nyang teutab teupeujak óh lheueh nyan teuma.
7Pujoe kheueh Tuhan, hai banmandum asoe bumoe,
hai naga-naga laôt dan banmandum samudra raya;
8hai kilat dan ujeuen éeh, salju dan awan,
angén kancang nyang jiturot peurintah Tuhan!
9Pujoe kheueh Gobnyan, hai bukét-bukét dan gunong-gunong,
bak kayée nyang muboh meubagoe rupa dan banmandum gle;
10banmandum beulatang peulara dan beulatang kleut,
banmandum beulatang meulata dan cicém-cicém!
11Pujoe kheueh Tuhan, hai raja-raja dan meubagoe bansa,
ureuëng bansawan dan banmandum ureuëng mat kuasa;
12banmandum aneuëk muda ngon aneuëk dara,
ureuëng tuha dan ureuëng muda.
13Bah kheueh awaknyan banmandum jipujoe nan Tuhan,
sabab nan Gobnyan leubeh agong nibak banmandum nan;
keuagongan Gobnyan ék teuatasi langét ngon bumoe.
14Gobnyan ka geupeukong bansa Geuh,
sampoe Gobnyan jipujoe-pujoe lé umat Geuh,
Israel umat nyang paleng geusayang.
Pujoe kheueh Tuhan!
Currently Selected:
ZABUR 148: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
