ZABUR 141
141
Doá óh watée malam
1Zabur Nabi Daud.
Ulôn meulakée ubak Droeneueh, ya Tuhan,
neutulĂ´ng kheueh ulĂ´n deungon sigra!
Neudeungoe kheueh ulôn meunyoe ka ulôn meulakée ubak Droeneueh.
2 #
Why. 5:8
Neuteurimong kheueh doá ulôn sibagoe peuseumahan dupa,
dan jaroe ulĂ´n nyang meureuntang sibagoe keureubeuen malam.
3Ya Tuhan, neujaga kheueh babah ulĂ´n
dan neuawasi kheueh bibi ulĂ´n.
4Neupeujiôh kheueh ulôn nibak niet dalam até keu teupeubuet jeuhet,
Bék neupeubiyeu ulôn meugabong deungon ureuëng nyang doraka
dan meusajan-sajan pajoh bu dalam khanuri awaknyan.
5Meunyoe na sidroe ureuëng jroh jisapa ulôn,
dan deungon jujoe ji heuntam ulĂ´n,
nyan na kheueh lagée minyéuk nyang paleng gét nibak ulôn.
Seumoga hainyan hana ulĂ´n tulak,
sabab hana lôn piôh ulôn meudoá keu lôn lawan awaknyan.
6Meunyoe nyang mat kuasa nibak awaknyan
teugeulawa u dalam reuleueng-reuleueng batée,
awaknyan jiaku bahwa tutoe haba ulĂ´n na kheueh beuna.
7Tuleueng-tuleueng geutanyoe geuhambo bak binéh jrat
lagée sineuk batée nyang geupeuhanco ateueh tanoh.
8Teuma ulĂ´n teutab meuharab ubak Droeneueh, ya Tuhan Allah ulĂ´n,
bék neupeubiyeu ulôn nyoe maté, sabab ulôn meulindong ubak Droeneueh.
9Lindong kheueh ulĂ´n nibak taron nyang ka meucarueh bak takue lĂ´n,
dan nibak peurangkab banmandum ureuëng jeuhet nyan.
10Bah kheueh awaknyan reubah u dalam taron jih keudroe,
dan seumoga ulĂ´n teutab seulamat.
Currently Selected:
ZABUR 141: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
