TEUBILEUENG PEU INTAT HABA
PEU INTAT HABA
Kitab Teubileueng nyoe teucalitra keuhai peujuangan bansa Israel nyang treb jih rab peuet ploh thon, phon awaknyan jitinggai Gunong Sinai sampoe trok ubak bataih bagian timu nanggroe Kanaan, na kheueh nanggroe nyang geupeujanji lé Po teu Allah keuteujok keu awaknyan. Nan Teubileueng teucok nibak peuristiwa nyang paleng peunteng lam kitab nyoe, na kheueh seunsus bansa Israel. Seunsus phon that geupeuna lé Nabi Musa di Gunong Sinai sigohlom bansa nyan jibeurangkat, dan nyang keudua watée awaknyan na lam wilayah bansa Moab, siblaih u timu Krueng Yordan, kira-kira saboh angkatan teuma óh lheueh nyan. Lam watée seunsus nyang phon ngon seunsus nyang keudua, bansa Israel jijak u Kades-Barnea nibak bataih seulatan Kanaan. Nibak teumpat nyan awaknyan jicuba jikeuneuk tamong u nanggroe Kanaan, teuma hana hase. Óh ka lheueh meuthon-thon treb jih awaknyan tinggai lam daerah wilayah Kades-Barnea nyan, awaknyan laju jijak u wilayah siblah u timu Krueng Yordan. Siladum nibak bansanyan tinggai teutab disinan, dan nyang laén nyan ka siab-siab keuneuk jijeumeurang krueng nyan keujitamong lam nanggroe Kanaan.
Kitab Teubileueng na kheueh kisah keuhai saboh bansa nyang kayém that cut até dan teumakot that meunyoe meuhadab ngon nyang sulet-sulet. Awaknyan ji-iengkeue ubak peurintah Po teu Allah dan hana jitem seutôt peue nyang geukheun lé Nabi Musa nyang ka geutunyok lé Tuhan keuteupimpén awaknyan. Kitab nyoe pi teukisah keuhai pakriban Tuhan deungon seutia dan saba geupeulara bansa Gobnyan. Bahpi awaknyan leumoh dan hana taát. Dan meunan cit teukisah keuhai Nabi Musa, nyang kadang-kadang kureueng saba, teuma teutab peutimang Tuhan dan bansa Israel deungon tabah.
Asoe jih
Bansa Israel meusiab-siab keuneuk jitinggai Gunong Sinai 1:1–9:23
a. Seunsus keuphon 1:1–4:49
b. Meubagoe huköm dan peuratoran 5:1–8:26
c. Paskah nyang keudua 9:1-23
Nibak Gunong Sinai u wilayah bansa Moab 10:1–21:35
Keujadian-keujadian di Moab 22:1–32:42
Keusimpolan haba meuneujak phon di Meusé u Moab 33:1-49
Peurintah-peurintah sigohlom teujeumeurang Krueng Yordan 33:50–36:13
Currently Selected:
TEUBILEUENG PEU INTAT HABA: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.