AYUB 36
36
1-2Deungoe kheueh sikeujab teuk dan saba kheueh,
mantong na nyang keuneuk ulĂ´n peugah deumi Allah.
3Peungeutahuan lĂ´n luwah; ulĂ´n peuguna nyan
keu ulĂ´n bri bukeuti bahwa ade that nyang cebta ulĂ´n.
4Tutoe haba lĂ´n hana nyang peuleusu;
ureuëng nyang biet-biet áreh na dikeue droeneueh.
5Po teu Allah nyan peukasa! Peue-peue mantong geumeuphom.
Hana meusidroe pih nyang geupandang hina.
6Ureuëng nyang meudesya hana geupeubiyeu udeb jih treb that,
Gobnyan geubri keuadelan keu ureuëng nyang meudeurita.
7Ureuëng nyang jujoe geupeurati sabe,
geupeujeuet awaknyan meukuasa lagée raja-raja,
deungon nyan awaknyan jihoreumat siumu masa.
8Teuma meunyoe ureuëng teuranté ngon ranté beuso,
meudeurita lé sabab buet jih keudroe,
9teuma desya dan keuhai sombong awaknyan
teuma geubuka lé Po teu Allah.
10Geuyue awaknyan mangat jideungoe peuingat Gobnyan
dan jitinggai buet nyang jeuhet nyang jipeubuet lé awaknyan.
11Meunyoe awaknyan jiturot peue kheun Po teu Allah dan meubakti ubak Gobnyan,
awaknyan udeb damé dan makmu sampoe akhé hayat jih.
12Teuma meunyoe awaknyan hana jideungoe,
awaknyan teuma maté lam bangai jih.
13Ureuëng nyang hana meutuhan nibak jih jikeubah beungéh;
bahle geuhuköm lé Tuhan, teutab hana jitem lakée tulông.
14Awaknyan maté lam keuadaan payah lam umu mantong that muda,
sabab udeb jih peunoh ngon hina.
15Po teu Allah geupeurunoe manusia rot deurita,
Gobnyan geupeuguna rot nyang sosah mangat jihnyan sada.
16Po teu Allah ka geupeubeubaih droeneueh nibak nyang sulet that,
deungon nyan droeneueh hase tanekmat keudaméan,
dan meuja hidangan droeneueh peunoh ngon peunajoh.
17Teuma jinoe sisuai deungon buet droeneueh nyang jeuhet,
droeneueh tateurimong huköman jih.
18Waspada kheueh, bék sampoe droeneueh teutipée ngon péng sugok;
bék droeneueh jipeusisat lé sabab keukayaan.
19Sia-sia mantong droeneueh meulakée beugeutem tulông,
peucuma mantong banmandum teunaga dan upaya droeneueh.
20BĂ©k droeneueh hawa ubak malam nyang seupĂ´t,
saát jih bansa-bansa museunah dan leunyab.
21Waspada kheueh, bék meupaleng ubak nyang doraka.
Deurita droeneueh teumeukeusut mangat droeneueh tinggai nyang jeuhet.
22Ingat kheueh, Allah nyan keubiet rayeuk that kuasa Gobnyan.
Peu kheueh na gurée nyang hebat jih lagée Gobnyan?
23Soe kheueh nyang hase jipeuteuntée rot keu Gobnyan
atawa jijeuet tudĂ´h Gobnyan geupeubuet salah?
24Sabe Gobnyan jipujoe sabab lé karya Geuh,
dan droeneueh pih patot taseuĂ´n Gobnyan.
25Banmandum ureuëng jikalon buet Gobnyan;
teuma hana meusidroe pih nyang biet-biet muphom Gobnyan.#hana meusidroe pih … muphom Gobnyan, atawa tanyoe takalon rot jiôh mantong.
26Po teu Allah keubiet mulia, hana hase tanyoe seunom keunan
atawa taitong jeumeulah thon jih.
27Po teu Allah nyang tarék ié ateueh bumoe jeuet keu awan
laju geuubah teuma jeuet keu ié ujeuen.
28Gobnyan geupeutron ujeuen rot langét manyang;
laju geusibu ateueh umat manusia.
29Hana meusidroe pih jimeuphom grak awan-awan
dan su gogo di langét bak teumpat Po teu Allah tinggai.
30Gobnyan geupeutrang banmandum langét deungon kilat,
teuma dasai laĂ´t teutab seupĂ´t glab.
31Nyan kheueh cara jih Gobnyan geupeu udeb#Keumungkenan that makna jih geupeu udeb; Ibrani: teupeusidang. bansa-bansa
dan geujĂ´k peunajoh nyang jai meulimpah.
32Gobnyan geudrob kilat ngon jaroe Gobnyan
dan geuyue kilat nyan jisama hoho nyang geupeurintah.
33Su gogo sibagoe tanda bahwa angén badée reujang jiteuka,
beulatang peulara pi jiteupeue bahwa angén badée reujang that jiteuka.
Currently Selected:
AYUB 36: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
