AYUB 14
14
1Yoh phon lahé manusia nyan leumoh hana meudaya;
udeb jih paneuk dan peunoh ngon deurita.
2Jihnyan meukeumang dan layée lagée bungöng;
gadôh lagée bubayang, dan laju gadôh hán teutuhoe.
3Ya Allah, Ă©k kheueh Droeneueh neutem ngieng ulĂ´n,
dan neupeuhadab ulĂ´n ubak peungadelan Droeneueh!
4Peu kheueh meuteumé manusia nyang meudesya
jipeuteuka hai nyang sampoereuna?
5Jeumeulah umu manusia ka Droeneueh peuteuntée;
jeumeulah buleuen jih ka Droeneueh peupasti.
Droeneueh peuteutab teuma bataih-bataih udeb jih;
hana mungken jiliengkeue lé jihnyan.
6Peubiyeu mantong kheueh jihnyan meureuhat, bék peukaru jihnyan;
mangat jihnyan hase jinekmat udeb jih sampoe seuleusoe tugaih jih.
7Mantong na harapan keu bak kayée nyang teuteubang;
bak kayée nyan meutarôk lom, laju meucabeueng.
8Bahpi lam tanoh ukeue jih jeuet keuleupĂ´k,
dan ukeue tunggai jih maté lé sabab brôk,
9teuma meunyoe keunong ié, jihnyan timoh lom;
lagée seunaman muda, tarôk-tarôk jih meutuneh lom.
10Teuma meunyoe manusia maté, habéh kheueh riwayat jih;
jihnyan meuninggai donya, laju ho jijak?
11Lagée ié meuasab didalam mon,
lagée ié krueng surot sampoe habéh ié jih,
12meunan cit teuma manusia nyang ka meuninggai donya:
jihnyan hana hase jibeudĂ´h lom teuma.
Jihnyan hana jaga meunyoe langet mantong na,
hántom na le jibeudôh nibak teumpat éh jih.
13Som kheueh lôn nibak donya ureuëng maté;
lindong kheueh ulôn sampoe Droeneueh hana beungéh le.
Teuma peuteuntée kheueh watée
keu teuingat droe ulĂ´n.
14Sabab, meunyoe manusia maté,
peu kheueh jihnyan hase udeb lom teuma?
Uroe-uroe deumi uroe ulĂ´n preh sabe
sampoe watée phet lôn nyoe jijak teuma.
15Teuma Droeneueh Neutawök ulôn,
dan ulĂ´n pih teuma lĂ´n jaweueb;
Droeneueh teuma neusayang lom ubak ulĂ´n,
makhlok nyang Droeneueh cebta.
16Laju Neukawai tieb-tieb langkah lĂ´n,
teuma hanale Droeneueh kalon desya lĂ´n.
17Desya ulôn teuma Droeneueh peuamphon dan Droeneueh böih;
salah ulôn yoh watée ilée teuma Droeneueh sampôh.
18Teuma, gunong-gunong reuloh teupeurĂ´ meutabu beba,
dan gunong batée nyang kong teuma teugéesée nibak teumpat jih.
19Batée-batée teuma jikreh habéh lé ié nyang ile tajam;
tanoh teuma jipeuhanyot lé ujeuen nyang teuga.
Meunan kheueh Droeneueh peuhanco harapan manusia.
20Droeneueh peutaloe jihnyan keu siumu masa;
Droeneueh yue jihnyan beujijak dan Droeneueh ubah ruman jih.
21Aneuëk-aneuëk jihnyan jeuet keu ureuëng mulia,
teuma gobnyan hana geuteupeue.
Dan meunyoe awaknyan ka jeuet keu hina,
hana nyang peugah nyan ubak geuhnyan.
22Teuma linu-linu tuboh geuhnyan nyang geurasa;
teuma seudeh até geuh nyang geudeurita.”
Currently Selected:
AYUB 14: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
