AYUB 13
13
1Banmandum nyan ka lheueh lĂ´n kalon dan lĂ´n deungoe keudroe,
dan biet-biet ulĂ´n peuphom.
2Peue nyang droeneueh teupeue, ulĂ´n pih teupeue;
bék tapike ulôn taloe ngon gata.
3Teuma ulĂ´n keuneuk peugah haba ngon Nyang Mahakuasa;
ulĂ´n keuneuk bila peukara ulĂ´n dikeue Po teu Allah.
4Sabab droeneueh tatôb-tôb bangai droeneueh nyan deungon tipée muslihat,
hana ubah lagée dukun-dukun peuleusu.
5Seukira jih droeneueh hana tapeugah haba,
mungken gata teupeugah bijaksana.
6LĂ© sababnyan deungoe kheueh bantah ulĂ´n nyoe;
kalon kheueh peumbelaan ulĂ´n.
7Peu kheueh deumi Allah droeneueh meusulet?
Peu kheueh jeuet droeneueh meusulet keu keupeuntengan Gobnyan?
8Peu kheueh jeuet droeneueh dong blah Po teu Allah,
dan gata bila Gobnyan sibagoe peungacara?
9Meunyoe Po teu Allah geupareksa droeneueh, peu kheueh get hase jih?
Peu kheueh hase gata tipée Gobnyan lagée droeneueh tipée manusia?
10Meunyoe droeneueh dong siblah, bahpi deungon seungab-seungab,
gata teuma geuhuköm lé Po teu Allah deungon keujam.
11Peu kheueh keuagongan Po teu Allah hana teukeujĂ´t jiwa droeneueh?
Peu kheueh deungon dahsyat Geuhnyan hana yo até droeneueh?
12Banmandum naseuhat droeneueh lagée abée nyang hana meuguna;
peumbelaan droeneueh lagée tanoh lumpôk nyang bagaih beukah.
13LĂ© sababnyan seungab kheueh, bah kheueh ulĂ´n peugah haba!
UlĂ´n hana lĂ´n pakoe pakriban mantong akibat jih!
14Ulôn#Saboh teujeumahan kuno: Ulôn, Ibrani: Pakon ulôn … ka siab lôn peusabông nyawöng!
15UlĂ´n neukad sabab ka putĂ´h asa!
Meunyoe Po teu Allah keuneuk poh maté lôn, ulôn meunyeurah mantong,
teuma teutab lĂ´n bila pi-e ulĂ´n dikeue Gobnyan.
16Mungken lé sabab beurani ulôn nyan ulôn seulamat,
sabab ureuëng jeuhet hana jijeuet meuhadab Po teu Allah!
17Jinoenyoe deungoe kheueh beuget-get tutoe haba lĂ´n;
simak kheueh nyang ulĂ´n peutrang.
18Peukara ka siab ulĂ´n peutrok ubak kantĂ´ peungadelan;
ulôn yakén, hana hase ulôn jipeusalah!
19 Tuhan, meunyoe Droeneueh teuka dan Neutudoh ulĂ´n,
ulĂ´n teuma seungab dan lĂ´n preh ajai lĂ´n.
20Teuma teurimong kheueh dua boh nyang ulôn lakée nyoe,
mangat ulĂ´n kujeuet meuhadab Droeneueh lom:
21piĂ´h kheueh Neuseksa ulĂ´n,
dan bék kheueh neupeutingkeh ulôn deungon keudahsyatan Droeneueh!
22Mariet kheueh, teuma ulĂ´n jaweueb.
Atawa, bah kheueh ulĂ´n meututoe, lheueh nyan bri kheueh balasan jih!
23Padub na salah dan desya nyang ulĂ´n peubuet?
Banmandum nyang ulĂ´n langgeh bah kheueh Droeneueh peugah!
24Pakon Droeneueh peusie dan NeupeujiĂ´h droe nibak ulĂ´n?
Peue sabab jih Droeneueh anggab ulĂ´n nyoe sibagoe musoh Droeneueh?
25Ulôn na kheueh ôn nyang lurôh lé sabab angén teuka,
Ă©k kheueh Neupeuyo ulĂ´n!
Ulôn na kheueh jumpung nyang tho dan layée,
panena jeuet Neupeulet-peulet ulĂ´n!
26Droeneueh peuteuntée naseb nyang phet keu ulôn;
Droeneueh balaih salah ulôn watée ulôn mantong muda.
27 #
Ayb. 33:11
Gaki ulôn Droeneueh ikat ngon ranté beuso;
banmandum grak grik ulĂ´n Droeneueh kawai.
Meunan cit tapak gaki lĂ´n,
hana leukang nibak mata Droeneueh.
28Lé sababnyan ulôn jeuet keurapôh lagée kayée nyang brôk;
lagée ija jipajoh lé keuraleub, ulôn ka jeuet rapôh.
Currently Selected:
AYUB 13: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
