KITAB NABI YESAYA 25
25
Ca-e-ca-e seumujoe
1 Tuhan, Droeneueh kheueh Allah ulĂ´n,
lĂ´n peuagong Droeneueh dan lĂ´n pujoe nan Droeneueh.
Sabab karya-karya Droeneueh keubit that takjub;
Droeneueh nyang reuncana phon yoh ilée,
dan neupeubuet deungon seutia.
2Banda nyan ka neupeuhanco;
banda meukuta nyan ka jeuet keu rungka-rungka.
Meuligoe nyang jipeudong lé ureuëng aséng ka habéh hanco,
dan hana jipeudong le keu siumu masa.
3Droeneueh jipujoe lé bansa-bansa nyang teuga,
dan jitakot di banda-banda bansa-bansa nyang keujam.
4Sabab Droeneueh jeuet keuteumpat meu-ungsé keu ureuëng nyang leumoh,
teumpat nyang aman nibak ureuëng gasien watée meukarat.
Droeneueh kheueh peulindong nibak angén badée,
teumpat meupayong lé uroe criet nyang meutala.
Sabab ureuëng keujam jiseurang lagée angén puteng beuliong watée ujeuen#Keumungkenan that makna jih angén puteng beuliong watée ujeuen; meunurot naseukah Ibrani: angén badée jiheuntam beuton. teuka,
5lagée angén seu-uem bak tanoh nyang tho kreng.
Teuma Droeneueh neupeujeuet musoh kamoe hana jeuet jipeuhah babah,
neupeupiôh su ureuëng-ureuëng keujam nyang meudumpék,
lagée meupayong bak awan nyang teupeugadôh tutông uroe tarek.
Po teu Allah geupeusiab peujamuan khanuri
6Di Bukét Sion, Tuhan Nyang Mahakuasa geupeusiab peujamuan keu banmandum bansa di ateueh donya. Gobnyan geuhidang peunajoh nyang paleng lazat dan ié anggô nyang teupiléh. 7Di ateueh bukét nyan, Gobnyan teusalôb awan keuseudehan nyang teupeukeulubong bubena bansa. 8#1Kor. 15:54 #Why. 7:17, 21:4 Tuhan Nyang Mahakuasa geupeubinasa mawöt keu siumu masa! Gobnyan geusampôh ié mata di tieb-tieb muka, dan geupeujiôh keuhinaan nyang jitanggong lé umat Gobnyan bansaboh bumoe. Tuhan ka geumeufeureuman, dan hainyan pasti teujadi.
9Bak watée nyan ureuëng laén jipeugah,
“Sikeubit jih, Gobnyan kheueh Po teu Allah geutanyoe;
Gobnyan kheueh nyang ta preh-preh,
mangat geutanyoe geupeuseulamat.
BeutĂ´i that, nyoe kheueh Tuhan;
Gobnyan kheueh nyang ta preh-preh.
Jinoenyoe tanyoe seumurak meuhubĂ´,
sabab Gobnyan ka geupeuseulamat geutanyoe.”
Po teu Allah teuma huköm Moab
10 #
Yes. 15:1–16:14; Yer. 48:1-47; Yeh. 25:8-11; Am. 2:1-3; Zef. 2:8-11 Tuhan geulindong Bukét Sion, teuma Moab geu gilo-gilo lagée jumpueng lam teumpat bröh. 11Peunduduek disinan jisunyueng jaroe Lagée ureuëng keuneuk meulangue. Teuma Tuhan geupeuhina keu angkohan awaknyan sampoe awaknyan hana meudaya. 12Kuta-kuta Moab meunan cit deungon beuton-beuton jih nyang manyang-manyang geureulöh dan laju geutiek u ateueh tanoh sampoe hanco meuabée.
Currently Selected:
KITAB NABI YESAYA 25: LAIACE
Highlight
Share
Compare
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.
