Popular Bible Verses from KITAB NABI YESAYA 25

Share

TUHAN, Droeneueh kheueh Allah ulôn, lôn peuagong Droeneueh dan lôn pujoe nan Droeneueh. Sabab karya-karya Droeneueh keubit that takjub; Droeneueh nyang reuncana phon yoh ilée, dan neupeubuet deungon seutia.

TUHAN Nyang Mahakuasa geupeubinasa mawöt keu siumu masa! Gobnyan geusampôh ié mata di tieb-tieb muka, dan geupeujiôh keuhinaan nyang jitanggong lé umat Gobnyan bansaboh bumoe. TUHAN ka geumeufeureuman, dan hainyan pasti teujadi.

Bak watée nyan ureuëng laén jipeugah, “Sikeubit jih, Gobnyan kheueh Po teu Allah geutanyoe; Gobnyan kheueh nyang ta preh-preh, mangat geutanyoe geupeuseulamat. Beutôi that, nyoe kheueh TUHAN; Gobnyan kheueh nyang ta preh-preh. Jinoenyoe tanyoe seumurak meuhubô, sabab Gobnyan ka geupeuseulamat geutanyoe.”

Di ateueh bukét nyan, Gobnyan teusalôb awan keuseudehan nyang teupeukeulubong bubena bansa.

Di Bukét Sion, TUHAN Nyang Mahakuasa geupeusiab peujamuan keu banmandum bansa di ateueh donya. Gobnyan geuhidang peunajoh nyang paleng lazat dan ié anggô nyang teupiléh.