2 Sámìɔ̀ Kwi pǝ̀ɥzɔ̃̀wò
Kwi pǝ̀ɥzɔ̃̀wò
Sámìɔ̀ Kwì Pèètɛzǝ̀ ɓɛ é ye Sámìɔ̀ Bìɛ̀zǝ̀ píéɛ é tɔɔ wɔ̃́ zii gɛ̃̀ é gbã̀ kíŋlɛ̀ yùɔ̀ é Dèɓé yà kǝɛ̀ ɓàɛ̀. È ɓɔ̀ukǝ̀ goúzɛ̃̀ã Zúdà sɛ̀ gɥ́ bìɛ̀zǝ̀ (kɛ̀àpìtà 1–4) é gomɥ́ é ɓɔ̀ukǝ̀ sɛ́gɔ̀ kpɔ̀n é dàa Ézrɛ̀ sɛ̀ é lúúzɛ̃̀ãɛ̃ ɓààɛ̀ gɥ́ (kɛ̀àpìtà 5–24). Yà zɔ̃̀ pápálɵ zɛ̃ã é Dèɓéè wàɓɵ̀a e dǝgbɵnù wó Ézrɛ̀ sɛ̀ gɥ́ɛ wãã̀ píígbéèlɛ̀ gbúnù wó kǝ̀ à zɥ̀tópíéɛ kwɛ kǝ nyɛ̀ɛ̀ yaa kiŋsɛ̀ kǝ nyɛ̀ɛ̀ ɓɛ̀ɛ̀ ĩ́ĩ́ kǝ píígbéèlɛ̀ nyɛ̀ɛ̀ kǝà gɔ̀ɛ̀ ká. Dèɓé zɔ̃̀ sɥ̀ mɥ̀ nɛ̀ɛ̀ àɓà wɔ̃́lɛ̀-wɔ̃́dèsɥ̀ è kǝ̀ và éye dè nu Aaɓi lǝ̀, é kǝ̀ mɛ àɓà mɛnù wóo dè nuàlǝ̀ dèèdèɛ̀ ká. Kǝǝ à zɔ̃̀sɥ̀ mɥ̀ pɵ́ nɛ̀ɛ̀ yàkǝɛ è kɛ̃̀ãyaa wɔ̃̀ kǝ̀ à zòɔ grûlì yigbúká nyɛ̀ɛ̀ kǝpǝ̀yaa gblɥ́nzǝ̀ nù kǝ kǝ à mɛ̀ɛ̀awɔ̃̀ nyɛ̀ɛ̀ yeyíà ĩ́ĩ́ kǝ à tɔ́ nyɛ̀ɛ̀ ɓɔ. Kǝǝ àyé dɔ̀-Aaɓilílàmɛ̀ Nétàn yàà ɓà sɔ̀nyaa zɔ̃̀ à lǝ̀ɛ̀, è wè yaa sɔ̀nyaanù ɓà éye kɔ̀yà à króɓole Aaɓi lɵ́ bɔlàɛ̀ gɔ̀.
Dèɓé niilà wãã̀ àɓà yuɔ srǝ̀ǝ̀bɔ̀ ê kǝ̀ɛ̀, è Ézrɛ̀mɛ̀nù zòkũ̀ fɛ́fɛ́lɵ, àmɔ́ɔ̀wɔ̃̀ yinù wó toàpíéɛ káɛ, àyé sɛ́ zòɔ yà dàzrɥɵ wàà mɛɛ̀ kíŋ ɓáá káɛ, è kǝ̀ mɛ é lo kǝ “Dèɓé dùnkáɛ ká,” à gɥ́ tɔɔ Dèɓé dùn é lo ɓɔà ɓàɛ̀.
Wɔ̃́ gɔ̀gɔ̀ dɔ̀kpàɥsɥ̀
Dèɓéa ɓɔ̀u ê kǝ̀ Zúdà sɛ̀ làɛ̀ (1.1–4.12)
Dèɓéa ɓɔ̀u ê kǝ̀ Ézrɛ̀ sɛ̀ sáálɵɛ làɛ̀ (5.1–24.25)
a. Kwɛ̀ bìɛ̀zǝ̀nù ɓɛ (5.1–10.19)
b. Dèɓé wãã̀ Bàsíbà (11.1–12.25)
ɓ. Króɓole wãã̀ yigbéènù (12.26–20.26)
d. Kwɛ̀ kã̀ã̀làzǝ̀nù ɓɛ (21.1–24.25)
Currently Selected:
2 Sámìɔ̀ Kwi pǝ̀ɥzɔ̃̀wò: DHB
Highlight
Copy
Compare
Share
Want to have your highlights saved across all your devices? Sign up or sign in