1 Sámìɔ̀ 31
31
Sɔ́ɔ̀ wãã̀ e gbɵnù wo gasɥ̀
(1 Krɔ́nékò 10.1-12)
1À yi ɓɛɛ káɛ Félésã́ã̀mɛ̀nù wò kózǝ̀ Ézrɛ̀mɛ̀nù píé Gébòà Tɔ̃̀píé, wó Ézrɛ̀mɛ̀nù zǝ và dèèdè. Gɔ̃ɔ̃̀nù wó toɛ wãã̀ kíŋ Sɔ́ɔ̀nù, à gbɵnu wó dùà mɛnù ɓɛɛ lǝ̀. 2Kǝǝ Félésã́ã̀mɛ̀nù wòo kũ̀ wó Sɔ́ɔ̀ gbɵnù yààka Zɔ̃̀nátã̀, Ábínádà, wãã̀ Màkísùà zǝ. 3Grùɓɛɛ à kɔ̀ è nyǝ̀ǝ̀ kíŋ Sɔ́ɔ̀ là é srunganù wó ye àɓà é gĩ̀ e gɥ́ dèèdè. 4Lɛ̀kɔ̀ɔɛ Sɔ́ɔ̀à pɵ yaa grùgɔ̃̀ã pǝnù bũmɛ̀ lǝ̀, “Ƃò ɓa làà gã́ã́ kwèè gɥ́ ɥ́ n zǝá, kɵ́kǝ̀ dɛ̃̀ã̀nù wó nɛ̀ wó nu n króɓo waà grúli kǝ̀ n là.” Kǝǝ à ɓà grùgɔ̃̀ã pǝ̀nù bũmɛ̀ ká wéàɓà ɓií è sùò dèèdè. Àmɔ́ɔ̀wɔ̃̀gɥ́ɛ Sɔ́ɔ̀ èye dè yaa làà sɥ̀ é pɥ̀ɵ̀ à là. 5Lɛ̀ àɓà grùgɔ̃̀ã pǝ̀nù bũmɛ̀à ye nɛ̀ɛ̀ Sɔ́ɔ̀ yà gaɛ, é pɥ̀ɵ̀ e ɓà làà là pɵ́ é ga à píé. 6Lɛ̀ nɛ̀ ɓàɛ̀ Sɔ́ɔ̀ è ga, à gbɵnù yààka wò ga, àɓà grùgɔ̃̀ã pǝ̀nù bũmɛ̀ è ga, wãã̀ àɓà gɔ̃ɔ̃̀nù sáálɵɛ wó ga wo kóá lɛ̀kpààyì do ɓɛ ká. 7Lɛ̀ gɔ̃ɔ̃̀nù wó go Ézrɛ̀ wó kǝ̀ goo píélɛ̀ ɓɛ à kɔ̀pɛ̃́ã́ gbɛ làɛ̀, wãã̀ à yé wó kǝ̀ Zɔ́dàn Yì zrɵ̀ɵ̀ɛ̀ wô ye nɛ̀ɛ̀ Ézrɛ̀ gɔ̃ɔ̃̀nù wà dùà, ĩ́ĩ́ Sɔ́ɔ̀ wãã̀ e gbɵnù yààka wà gaɛ, wó dùà wó go waa pɵ vàvànù gɥ́, é Félésã́ã̀mɛ̀nù wó nu wo yà pɵnù ɓɛ gɥ́ píé.
8À lɛ̀ é pòɛ̀, Félésã́ã̀mɛ̀nù wó nu gɵ̀ɵ̀kpǝ̀nù mààkpoòlɛ̀àɛ̀, wó Sɔ́ɔ̀ wãã̀ e gbɵnù yààka gɵ̀ɵ̀kpǝ̀nù ye Gébòà Tɔ̃̀tuo. 9Wó Sɔ́ɔ̀ gɔ̀ kã̀, wó àɓà pìɛ̀sɔ ɓoà ɓà, wô kpà àɓà kózǝ̀a-pǝ̀nù ɓà wó waa bɔmɛ̀nù bɔ Félésã́ã̀ sɛ̀ sáálɵɛ gɥ́, wɔ̃̀ɔ̃̀ ló wɔ̃́tààsǝ̀ ká waa kwikponù, wãã̀ waa mɛnù píé. 10Wó àɓà pìɛ̀sɔ wãã̀ àɓà kózǝ̀a-pǝ̀nù ɓɛ kpɔ waa aaɓimu Àtárɔ̀a kɔ́ và gɥ́, é wó à gɵ̀ɵ̀ dũ Bɛ́sàn pɵ̀ tróó ɓà.
11Kǝǝ lɛ̀ Zébɛ́mɛ̀nù wó go Gélìɛ̀ sɛ̀ gɥ́ɛ wó wɔ̃́ Félésã́ã̀mɛ̀nùà kǝ Sɔ́ɔ̀ káɛ maɛ, 12waa gɔ̃ɔ̃̀nù zògbéèzǝ̀ wò lò gben gben wó Sɔ́ɔ̀ wãã̀ e gbɵnù yààka ɓɛɛ wo gɵ̀ɵ̀kpǝ̀nù ɓo Bɛ́sàn pɵ̀ tróó bũã̀, wó nu woá Zébɛ̀ wóo gɥ̀ɵ̀ má. 13Lɛ̀kɔ̀ɔɛ wóo gaganù sɥ wô bĩ̀ támárè xlɥ̀ gɛ̀n Zébɛ̀ pɵɵ, wóo bɛ̃̀to lɛ̀kpààyì lɔ́ɔ́yià ɓà.
Currently Selected:
1 Sámìɔ̀ 31: DHB
Highlight
Share
Compare
Copy
Want to have your highlights saved across all your devices? Sign up or sign in
