Zɛ́kɔ̀wáɖádyà 10
10
Bounɓoɔ̀ ɖáìn ɔ nyɔ ɓěɔ̀ nyɛ́nɛ́ín kà ɔ mu wa póìn nyɛ
1Ɓě zɔ̀ìn Bounɓoɔ̀, ɓɛ́ ní ké ɖaɓa ɖé zɔ̃ɔ̀ ní-ɖaɓa-tì kĩ́ín-kĩ́ínɔ̀ ɓaɖa. Bounɓoɔ̀ mɔ̀ nyɔ nyuɛ ké ní-kpò ɓěɔ̀ kpɔ̃ ɖé dyií dyi, ké ɔ mɔ̀ nyɔ nyuɛ ké ní ɖaɓa, ké ɓáá-ɖɛ̀ séín nì ɖé geɖe ɓěɔ̀ gboɛɛ mɛ ɓó nyɔ séín bìì. 2Kũùn-kpò ɓěɔ̀ cɛ̃ nyɔ-cá-wùɖù, ké sɛ̀ɛ̀-po-nyɔ̀ ɓěɔ̀ dyé dyí-tɛ̀mɛ̀ìn-ɖɛ̀ ɓě ɓɛ́ wa se jǎà kɛ, ké dya-nyɔ̀ ɓěɔ̀ po se-dyà-wùɖù. Wa dè ɓěɛ̀ hwòɖǒ dyi ɖé wuɖu fóɖóún mú. Ɔ jèɛɛ, ɓě nì dyi téɛń kà ɓáɖáá sè xwáɖáún ɓě nìà kɛ. Ɓě nì fũ̀à-fṹá mú, sepóɛɖé ɓě se nàìn-nyɔ̀ ɖò ɓéɖé.
3Bounɓoɔ̀ ɖá, “Ḿ kpáìn ní nyɔ ɓěɔ̀ nàìn-nyɔ̀ ɓě hwɔìn ɓáɖáá-dyí-gmɔ̀-nyɔ̀ ɓěɔ̀ dyoɖoún mìɔ, ké ní mu wa gǎ kɔ̃ tòùn. Sepóɛɖé mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ kàmà ní nyɔ ɓě mɔ̀à Júɖà-nyɔ̀ ɓěɔ̀ kɛɛ jè. Wa mu ní toún-vɔ̃̀ìn-sǒ ɓě ɓɛ́ wa ɓéɖé gana kɛɛ jǔùn. 4Gbǒ-gãún-sɔ̀ɔ̌-kpò kè jàɖàìn-gbò hwuɖu-pòìn-cù ɔ kè to-vɔ̃̀ìn-pɔ̀nɔ̀ mu ɖé wa mú sɔ̀ùn. Ɔ xwíníín mɔ̀ nyɔ-wuɖuí-kɔ̃̀-nyɔ̀ séín mu ɖé wa mú sɔ̀ùn. 5Wa séín poìn dyí mu gàa-zà-nyɔ̀ hwɔìn ɖé to gbo. Wa mu waà mú-nyɛ́-nyɔ̀ ɓěɔ̀ kɔ̃in síìn ɖé bàɖà nì ɖé hwìè gba kɛɛ mú. Wa mu vɔ̃ùn, sepóɛɖé mɔ̄ Bounɓoɔ̀ nì ɓó wa gbo. Ké wa mu sǒ-kɔ̃ún-kò-nyɔ̀ ɓěɔ̀ toún ɖuùn.
6“Ní mu Júɖà-nyɔ̀ ɓěɔ̀ kpéí poùn,
ké ní mu Jòséɛ̀ xwíníín-dyù ɓěɔ̀ póìn.
Ní mu wa nɔ̄ wa ɓíɖí ɖe dyàùn,
sepóɛɖé ḿ dyé wa wìǐn jè.
Wa mu nììn pū kà ḿ seɔ́ kà wa ɓɔ́ɛ,
sepóɛɖé mɔ̄ mɔ̀ Bounɓo mɔ̀à waà Gèɖèpɔ́ɔ̀ kɛ̀, ké ní mu wa gɔ̃̌ jǔùn.
7Éézùɖùɛ̀-dyù ɓěɔ̀ mu nììn kà gàa-zà-nyɔ̀ nìà kɛ.
Waà hwòɖǒ mu múàǔn kpáùn kà nyɔ ɖò dyi wã́ìn ná ní, ɔ hwòɖǒ nyuà múàǔn kpáa kɛ.
Waà dyú ɓě muɛ dyéìn, ké wa mu múàǔn kpáùn.
Waà hwòɖǒ mu múàǔn kpáuń zi mìɔ ɖé mɔ̄ Bounɓoɔ̀ mú.
8“Ní mu ní nyɔ ɓěɔ̀ ɖáùn,
ɓɛ́ wa séín ké dyí poìn,
sepóɛɖé ḿ ɖǎ wa gbǎà.
Wa mu dúún zaìn ɖe, ɓɛ́ wa ké dyí vò,
kà wa nyu zɔ̃̌ɔ̀ kà nìɛ̀ kĩ́ín nyɛ.
9Ḿ gbɛ̀ìn wa dyi ɖé ɓóɖó-dù ɓěɔ̀ hwìɛ̀ dyɛo,
kɛɛ wɛ̃́ɛ́ kɛɛ, ní jè mu wa hwìɖǐi nììn ɖé ɓóɖó vɛ̃in ɓěɔ̀ kɔ̃.
Wa kè waà dyú ɓěɔ̀ mu cĩ́ìn,
ké wa mu wa ɓíɖí ɖe kɔ́ìn.
10Ní mu wa nɔ̄ wa ɓíɖí ɖe dyàùn sɔ̀ìn ɖé Íjè-ɓòɖòɔ̀ kɔ̃,
ké ní mu wa dyí poìn sɔ̀ìn ɖé Àsíwíɖíà-ɓòɖòɔ̀ kɔ̃.
Ní mu wa nɔ̄ Gíɖèà-ɓòɖòɔ̀ kè Ɖɛ́ɓèɖɔ́ùn-ɓòɖòɔ̀ kɔ̃ ɖe dyàùn,
ɓɛ́ wa ké ɖé dyi dyíìn,
ɓɛ́ pá ɖò ké se ɖé wa bìì nì ɖe.
11Wa mu waà fũ̀à-fṹá-dyòǒɔ̀ mú zĩ̀ìn, ké wa muɛ péɖéìn.
Dyóó-kpɛ̀ ku wɔ̃ ɓěɔ̀ mu ɓɔ́í kpáùn,
ké Náà-nìɔ̀ nɔɔ̀ ɓěɔ̀ mu ɓó dyi maùn.
Àsíwíɖíà-nyɔ̀ ɓěɔ̀ wa mìɔùn dyí-ɓúáìn-ɓúáìnɔ̀ mu ɓíɖíi dyi kpáùn,
ké Íjè-ɓòɖòɔ̀ nyɔ-wuɖuí-kɔ̃̀-kpèɔ̀ muɛ mú sɔ̀ùn.
12Ní muɛ nyuùn ɓɛ́ ní nyɔ ɓěɔ̀ ké kpé ɓéɖé ɖé ḿ mú,
ké wa mu ní nyɛ́nɛ́ɔ̀ mú nàìn.
Mɔ̄ Bounɓoɔ̀ mɔ̀ nyɔ cɛ̃à kɛ̀.”
Currently Selected:
Zɛ́kɔ̀wáɖádyà 10: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Zɛ́kɔ̀wáɖádyà 10
10
Bounɓoɔ̀ ɖáìn ɔ nyɔ ɓěɔ̀ nyɛ́nɛ́ín kà ɔ mu wa póìn nyɛ
1Ɓě zɔ̀ìn Bounɓoɔ̀, ɓɛ́ ní ké ɖaɓa ɖé zɔ̃ɔ̀ ní-ɖaɓa-tì kĩ́ín-kĩ́ínɔ̀ ɓaɖa. Bounɓoɔ̀ mɔ̀ nyɔ nyuɛ ké ní-kpò ɓěɔ̀ kpɔ̃ ɖé dyií dyi, ké ɔ mɔ̀ nyɔ nyuɛ ké ní ɖaɓa, ké ɓáá-ɖɛ̀ séín nì ɖé geɖe ɓěɔ̀ gboɛɛ mɛ ɓó nyɔ séín bìì. 2Kũùn-kpò ɓěɔ̀ cɛ̃ nyɔ-cá-wùɖù, ké sɛ̀ɛ̀-po-nyɔ̀ ɓěɔ̀ dyé dyí-tɛ̀mɛ̀ìn-ɖɛ̀ ɓě ɓɛ́ wa se jǎà kɛ, ké dya-nyɔ̀ ɓěɔ̀ po se-dyà-wùɖù. Wa dè ɓěɛ̀ hwòɖǒ dyi ɖé wuɖu fóɖóún mú. Ɔ jèɛɛ, ɓě nì dyi téɛń kà ɓáɖáá sè xwáɖáún ɓě nìà kɛ. Ɓě nì fũ̀à-fṹá mú, sepóɛɖé ɓě se nàìn-nyɔ̀ ɖò ɓéɖé.
3Bounɓoɔ̀ ɖá, “Ḿ kpáìn ní nyɔ ɓěɔ̀ nàìn-nyɔ̀ ɓě hwɔìn ɓáɖáá-dyí-gmɔ̀-nyɔ̀ ɓěɔ̀ dyoɖoún mìɔ, ké ní mu wa gǎ kɔ̃ tòùn. Sepóɛɖé mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ kàmà ní nyɔ ɓě mɔ̀à Júɖà-nyɔ̀ ɓěɔ̀ kɛɛ jè. Wa mu ní toún-vɔ̃̀ìn-sǒ ɓě ɓɛ́ wa ɓéɖé gana kɛɛ jǔùn. 4Gbǒ-gãún-sɔ̀ɔ̌-kpò kè jàɖàìn-gbò hwuɖu-pòìn-cù ɔ kè to-vɔ̃̀ìn-pɔ̀nɔ̀ mu ɖé wa mú sɔ̀ùn. Ɔ xwíníín mɔ̀ nyɔ-wuɖuí-kɔ̃̀-nyɔ̀ séín mu ɖé wa mú sɔ̀ùn. 5Wa séín poìn dyí mu gàa-zà-nyɔ̀ hwɔìn ɖé to gbo. Wa mu waà mú-nyɛ́-nyɔ̀ ɓěɔ̀ kɔ̃in síìn ɖé bàɖà nì ɖé hwìè gba kɛɛ mú. Wa mu vɔ̃ùn, sepóɛɖé mɔ̄ Bounɓoɔ̀ nì ɓó wa gbo. Ké wa mu sǒ-kɔ̃ún-kò-nyɔ̀ ɓěɔ̀ toún ɖuùn.
6“Ní mu Júɖà-nyɔ̀ ɓěɔ̀ kpéí poùn,
ké ní mu Jòséɛ̀ xwíníín-dyù ɓěɔ̀ póìn.
Ní mu wa nɔ̄ wa ɓíɖí ɖe dyàùn,
sepóɛɖé ḿ dyé wa wìǐn jè.
Wa mu nììn pū kà ḿ seɔ́ kà wa ɓɔ́ɛ,
sepóɛɖé mɔ̄ mɔ̀ Bounɓo mɔ̀à waà Gèɖèpɔ́ɔ̀ kɛ̀, ké ní mu wa gɔ̃̌ jǔùn.
7Éézùɖùɛ̀-dyù ɓěɔ̀ mu nììn kà gàa-zà-nyɔ̀ nìà kɛ.
Waà hwòɖǒ mu múàǔn kpáùn kà nyɔ ɖò dyi wã́ìn ná ní, ɔ hwòɖǒ nyuà múàǔn kpáa kɛ.
Waà dyú ɓě muɛ dyéìn, ké wa mu múàǔn kpáùn.
Waà hwòɖǒ mu múàǔn kpáuń zi mìɔ ɖé mɔ̄ Bounɓoɔ̀ mú.
8“Ní mu ní nyɔ ɓěɔ̀ ɖáùn,
ɓɛ́ wa séín ké dyí poìn,
sepóɛɖé ḿ ɖǎ wa gbǎà.
Wa mu dúún zaìn ɖe, ɓɛ́ wa ké dyí vò,
kà wa nyu zɔ̃̌ɔ̀ kà nìɛ̀ kĩ́ín nyɛ.
9Ḿ gbɛ̀ìn wa dyi ɖé ɓóɖó-dù ɓěɔ̀ hwìɛ̀ dyɛo,
kɛɛ wɛ̃́ɛ́ kɛɛ, ní jè mu wa hwìɖǐi nììn ɖé ɓóɖó vɛ̃in ɓěɔ̀ kɔ̃.
Wa kè waà dyú ɓěɔ̀ mu cĩ́ìn,
ké wa mu wa ɓíɖí ɖe kɔ́ìn.
10Ní mu wa nɔ̄ wa ɓíɖí ɖe dyàùn sɔ̀ìn ɖé Íjè-ɓòɖòɔ̀ kɔ̃,
ké ní mu wa dyí poìn sɔ̀ìn ɖé Àsíwíɖíà-ɓòɖòɔ̀ kɔ̃.
Ní mu wa nɔ̄ Gíɖèà-ɓòɖòɔ̀ kè Ɖɛ́ɓèɖɔ́ùn-ɓòɖòɔ̀ kɔ̃ ɖe dyàùn,
ɓɛ́ wa ké ɖé dyi dyíìn,
ɓɛ́ pá ɖò ké se ɖé wa bìì nì ɖe.
11Wa mu waà fũ̀à-fṹá-dyòǒɔ̀ mú zĩ̀ìn, ké wa muɛ péɖéìn.
Dyóó-kpɛ̀ ku wɔ̃ ɓěɔ̀ mu ɓɔ́í kpáùn,
ké Náà-nìɔ̀ nɔɔ̀ ɓěɔ̀ mu ɓó dyi maùn.
Àsíwíɖíà-nyɔ̀ ɓěɔ̀ wa mìɔùn dyí-ɓúáìn-ɓúáìnɔ̀ mu ɓíɖíi dyi kpáùn,
ké Íjè-ɓòɖòɔ̀ nyɔ-wuɖuí-kɔ̃̀-kpèɔ̀ muɛ mú sɔ̀ùn.
12Ní muɛ nyuùn ɓɛ́ ní nyɔ ɓěɔ̀ ké kpé ɓéɖé ɖé ḿ mú,
ké wa mu ní nyɛ́nɛ́ɔ̀ mú nàìn.
Mɔ̄ Bounɓoɔ̀ mɔ̀ nyɔ cɛ̃à kɛ̀.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.