Zɛ́kɔ̀wáɖádyà 11
11
Wuɖuí-kɔ̃̀-kpè ɓěɔ̀ ɓíɖíi-dyi-kpá-kpá
1Ɖɛ́ɓèɖɔ́ùn-ɓòɖò wè, kaà nì ɓóɖó gànáɔ̀ dyí,
ɓɛ́ nyɛ ké nì síɖà-cù-gɔ̃̀ ɓěɔ̀ fɔ̃.
2Pã́ìn-cù ɓě, ɓě vĩ̌,
sepóɛɖé síɖà-cù ɓěɔ̀ ɖǎ ɓuɖu.
Cu kpa ɖɛ ɓěɔ̀ ɖǎ mú gbɔɔ̀.
Óò-cù ɓě, ɓě nìà ɖé Básàùn-ɓòɖòɔ̀ kɔ̃ɛɛ, ɓě vĩ̌,
sepóɛɖé wa ɖǎ xwáɖá-kpòò kuún-kuúnɔ̀ ɖaɓa.
3Ɓě tò ɓáɖáá-dyí-gmɔ̀-nyɔ̀ ɓěɔ̀ kpé-po-wùɖùɔ̀ ɖùǔ gbo,
sepóɛɖé waà dĩ́ín-dĩ̀ìnɔ̀ ɖǎ mu.
Ɓě tò ganìǎ ɓěɔ̀ kuɖu-wùɖùɔ̀ ɖùǔ gbo,
sepóɛɖé Jɔ́nì-nìɔ̀ xwáɖá-kpòòɔ̀ ɖǎ dyi wáɖá.#11:1-3 Cu-gɔ̃̀ ɓěɛ̀ kè ɓáɖáá-dyí-gmɔ̀-nyɔ̀ ɓě ɔ kè ganìǎ ɓě kɔ̃̀ jè vɔ́sì ɓěɛ̀ cɛ̃à kɛɛ mɔ̀ ɓóɖó-nàìn-nyɔ̀ ɓě.
Ɓáɖáá-dyí-gmɔ̀-nyɔ̀ sɔ̃́ ɓěɔ̀ jè
4Ké Bounɓo mɔ̀à ní Gèɖèpɔ́ɔ̀ kɛɛ cɛ̃ɛ ma ḿ gbo, ké ɔ ɖá, “Mu, ɓɛ́ m̀ ké ɓáɖáá ɓě ɓɛ́ wa ɖǎ wáká kpá ɓó ɖáɓá jèɛɛ dyí-gmɔ̀-nyɔ̀ jǔ. 5Nyɔ ɓě ɓɛ́ wa dɔ̃ wa kɛɛ ɖáɓá wa, ké wa seɛ gǎ ɖò dyí dyé. Ké nyɔ ɓě ɓɛ́ wa peɖe wa kɛɛ ɖá, ‘À po Bounɓoɔ̀ zùo. À ɖǎ bã.’ Ké ɓáɖáá ɓěɔ̀ mìɔùn nììn dyí-gmɔ̀-nyɔ̀ ɓěɔ̀ se wa wìǐn dyé dyɛ mɔ̀ùn. 6Kà dyúáɖòɔ̀ kǎà ɔ nyu nìɛ̀ ɓá ní nyɔ ɓěɛ̀ jè dyí. Ḿ se nyɔ ɓě nìà ɓóɖóɛ̀ kɔ̃ cĩ́ɛń nyɛɛ wìǐn dyéɛ mu ɖe. Gmɔ̀ nɔ̄, ní mu nyɔ ɖò-ɖò séín ɔ mǔè ɖò kè ɔ kã́áɔ̀ xwáɖáún zàìn, ké wa mu wa mìɔùn nììn ɓóɖóɔ̀ mú gbɔɔ̀ùn, ké ḿ se nyɔ ɖò póɛ̌n mu.”
7Ɔ jèɛɛ, ḿ mɔ̀ ma ɓáɖáá ɓě ɓɛ́ wa ɖǎà wáká kpá ɓó ɖáɓá jèɛɛ dyí-gmɔ̀-nyɔ̀ ɓó waà kɔ̃̀-nyɔ̀ ɓěɔ̀ bìì. Ké ḿ ɖú ma kùì-kpà sɔ̃́ dyí, ké ḿ jǔìn ma wa nyɛ́nɛ́. Ɖòɛ̀ nyɛ́nɛ́ mɔ̀ Jĩ́á-Jè, ké ɖòɛ̀ nyɛ́nɛ́ mɔ̀ Gbo-Kpɔ̃ìn-Kpɔ̃ìn. Ké ḿ gmɔ̀ ma ɓáɖáá ɓěɔ̀ dyí. 8Dɛ̀nɛ̀ ɖò ɖá ɔ kéá jɛ̀ɖɛ̀ɛ, ḿ se ma ɓáɖáá-dyí-gmɔ̀-nyɔ̀ tã ɓě ɓɛ́ ḿ kè wa nì ma ɓáɖáá ɓěɔ̀ dyí gmɔ̀ǔn wɛ̃ɛ kpeɖe hwìɖǐi kùɛ̀n ɓɛ́ìn ɖe, ké wa nyɛ́ ma ḿ mú. Ɔ jèɛɛ, ḿ zà ma wa kũ̀à kɔ̃ún. 9Sɔ̀ìn ɓóɛ gboɛɛ, ḿ cɛ̃ɛ ma ɓáɖáá ɓěɔ̀ gbo, ké ḿ ɖá, “Ḿ se ɓěɛ̀ dyí-gmɔ̀-nyɔ̀ jǔɛ mu ɖe. Ɖɛ ɓéɖé ɔ ké mɛ́ɛ mɛ mɛ́, ké ɖɛ ɓéɖé ɔ ké mú gbɔɔ̀ kɛɛ mɛ gbɔɔ̀ mú. Ké nyɔ ɓě sè ɓóɛɛ mɛ taìn tàìn.” 10Ké ḿ ɖú ma ní kùì-kpà kɔ̃̀ nyɛ́nɛ́ mɔ̀à Jĩ́á-Jèɛɛ dyí, ké ḿ jaɖaa kpó, ɓɛ́ ɔ ké dèè-wùɖù nì ma kà ɓó ḿ kè nyɔ séín ɓěɔ̀ pṹa kɛɛ ɓó dyi gbaà. 11Ké dèè-wùɖù nì ma ɓó ḿ kè nyɔ ɓěɔ̀ pṹa kɛɛ gbaà ma ɓó dyi ɓó wéa ɓaɖa. Ké ɓáɖáá ɓěɔ̀ kɔ̃̀-nyɔ̀ ɓěɔ̀ dè ma ní nyuu-ɖɛ̀ ɓěɔ̀ dyéɖé gbo, ké wa wɔ̃́ɔ ma múin kà Bounɓoɔ̀ mɔ̀ nyɔ nì ma kà ḿ mú wùɖùɛ̌n nyɛ̀. 12Hwɛ̀ ké ḿ cɛ̃ɛ ma wa gbo, ké ḿ ɖá, “Ɓěɛ̀ hwòɖǒ dyi wɔ̃́ ní, ɓě pɛ́ɛ̀ ḿ, kɛɛ ɓěɛ̀ hwòɖǒ se wɔ̃́ ní, ɓě ɓɔ́ɔ náa nyuɛ.” Ké wa pɛ́ɛ̀ìn ma ḿ séɓàɖà-cɛ̀kò kpáɖá-nyɔ ɓaɖa-bùè ɖòùn nyɛ̀nɛ̀ɛ̀.
13Ké Bounɓoɔ̀ cɛ̃ɛ ma ḿ gbo, ké ɔ ɖá, “Poɛ ɖéɛ ní gbǒɔ̀ wíɖí-dyi-dèìn-naínɔ̀.” Ɔ jèɛɛ, ḿ ɖú ma séɓàɖà-cɛ̀kò kpáɖá-nyɔ ɓaɖa-bùèɔ̀ dyí, ké ḿ poɛ ɖéɛ Bounɓoɔ̀ gbǒɔ̀ wíɖí-dyi-dèìn-naínɔ̀. Ɖɛ nìà kɛ mɔ̀ wíɖí jĩ̀ kà ɓɛ́ wa ɖá ḿ kpa kɛ. 14Hwɛ̀ ké ḿ ɖú ma ní kùì-kpàɔ̀ sɔ̃́ nììn kɔ̃̀ nyɛ́nɛ́ mɔ̀à Gbo-Kpɔ̃ìn-Kpɔ̃ìn nyɛɛ dyí, ké ḿ jaɖaa kpó. Ɖɛ nìà kɛ gbaà ma gbo-kpɔ̃ìn-kpɔ̃ìn nì ma ɓó Júɖà-ɓòɖòɔ̀ kè Éézùɖùɛ̀-ɓòɖòɔ̀ pṹa kɛɛ dyi.
15Sɔ̀ìn ɓóɛ gboɛɛ, Bounɓoɔ̀ cɛ̃ɛ ma ḿ gbo ɖe, ké ɔ ɖá, “Mu, ɓɛ́ m̀ ké ɓáɖáá-dyí-gmɔ̀-nyɔ̀ se kpáná ɖò mú nìɛɛ jǔ. 16Gmɔ̀ nɔ̄, ḿ nì ɓáɖáá-dyí-gmɔ̀-nyɔ̀ ɖò dyí sɔ̀ǐn ɖé ɓóɖóɔ̀ kɔ̃, ké ɔ mɔ̀ nyɔ se ɖé ɓáɖáá nì mú gbɔɔ̀ǔn wɛ̃ɛ jè gbo kɔ̃̀ɔ̌ mu, mɔɔ ké ɔ se ɓáɖáá sè xwáɖáún wɛ̃ɛ dyi mɔ́ɔ mu, mɔɔ ké ɔ se ɓáɖáá nì gbùàǔn nàǐn nyɛɛ hwǒòɛ̌ mu, mɔɔ ké ɔ se ɓáɖáá ɓě ɓɛ́ wa wóɖó múɛɛ ɖii-ɖɛ̀ nyíɛ mu. Kɛɛ ɔ mu ɓáɖáá ɓúá-ɓúá ɓěɔ̀ ɖáɓáùn, ɓɛ́ ɔ ké wa tà. Ɔ mu wa bǎ ɓěɔ̀ ɓoún zàùn. 17Gboò-wùɖù nì ɓáɖáá-dyí-gmɔ̀-nyɔ̀ se kpáná ɖò mú nìɔ̀ kɔ̃, sepóɛɖé ɔ wã ɓáɖáá ɓěɔ̀ kɔ̃. Gàsíà mɛ kpɔ̃ ɔ sɔ̃ɔ̀ kè ɔ ɖiaún-dyèɖèɔ̀. Ɔ sɔ̃ɔ̀ mɛ mɛ́, ɓɛ́ ɔ ɖiaún-dyèɖèɔ̀ ké múin kpè gàná cá.”
Currently Selected:
Zɛ́kɔ̀wáɖádyà 11: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Zɛ́kɔ̀wáɖádyà 11
11
Wuɖuí-kɔ̃̀-kpè ɓěɔ̀ ɓíɖíi-dyi-kpá-kpá
1Ɖɛ́ɓèɖɔ́ùn-ɓòɖò wè, kaà nì ɓóɖó gànáɔ̀ dyí,
ɓɛ́ nyɛ ké nì síɖà-cù-gɔ̃̀ ɓěɔ̀ fɔ̃.
2Pã́ìn-cù ɓě, ɓě vĩ̌,
sepóɛɖé síɖà-cù ɓěɔ̀ ɖǎ ɓuɖu.
Cu kpa ɖɛ ɓěɔ̀ ɖǎ mú gbɔɔ̀.
Óò-cù ɓě, ɓě nìà ɖé Básàùn-ɓòɖòɔ̀ kɔ̃ɛɛ, ɓě vĩ̌,
sepóɛɖé wa ɖǎ xwáɖá-kpòò kuún-kuúnɔ̀ ɖaɓa.
3Ɓě tò ɓáɖáá-dyí-gmɔ̀-nyɔ̀ ɓěɔ̀ kpé-po-wùɖùɔ̀ ɖùǔ gbo,
sepóɛɖé waà dĩ́ín-dĩ̀ìnɔ̀ ɖǎ mu.
Ɓě tò ganìǎ ɓěɔ̀ kuɖu-wùɖùɔ̀ ɖùǔ gbo,
sepóɛɖé Jɔ́nì-nìɔ̀ xwáɖá-kpòòɔ̀ ɖǎ dyi wáɖá.#11:1-3 Cu-gɔ̃̀ ɓěɛ̀ kè ɓáɖáá-dyí-gmɔ̀-nyɔ̀ ɓě ɔ kè ganìǎ ɓě kɔ̃̀ jè vɔ́sì ɓěɛ̀ cɛ̃à kɛɛ mɔ̀ ɓóɖó-nàìn-nyɔ̀ ɓě.
Ɓáɖáá-dyí-gmɔ̀-nyɔ̀ sɔ̃́ ɓěɔ̀ jè
4Ké Bounɓo mɔ̀à ní Gèɖèpɔ́ɔ̀ kɛɛ cɛ̃ɛ ma ḿ gbo, ké ɔ ɖá, “Mu, ɓɛ́ m̀ ké ɓáɖáá ɓě ɓɛ́ wa ɖǎ wáká kpá ɓó ɖáɓá jèɛɛ dyí-gmɔ̀-nyɔ̀ jǔ. 5Nyɔ ɓě ɓɛ́ wa dɔ̃ wa kɛɛ ɖáɓá wa, ké wa seɛ gǎ ɖò dyí dyé. Ké nyɔ ɓě ɓɛ́ wa peɖe wa kɛɛ ɖá, ‘À po Bounɓoɔ̀ zùo. À ɖǎ bã.’ Ké ɓáɖáá ɓěɔ̀ mìɔùn nììn dyí-gmɔ̀-nyɔ̀ ɓěɔ̀ se wa wìǐn dyé dyɛ mɔ̀ùn. 6Kà dyúáɖòɔ̀ kǎà ɔ nyu nìɛ̀ ɓá ní nyɔ ɓěɛ̀ jè dyí. Ḿ se nyɔ ɓě nìà ɓóɖóɛ̀ kɔ̃ cĩ́ɛń nyɛɛ wìǐn dyéɛ mu ɖe. Gmɔ̀ nɔ̄, ní mu nyɔ ɖò-ɖò séín ɔ mǔè ɖò kè ɔ kã́áɔ̀ xwáɖáún zàìn, ké wa mu wa mìɔùn nììn ɓóɖóɔ̀ mú gbɔɔ̀ùn, ké ḿ se nyɔ ɖò póɛ̌n mu.”
7Ɔ jèɛɛ, ḿ mɔ̀ ma ɓáɖáá ɓě ɓɛ́ wa ɖǎà wáká kpá ɓó ɖáɓá jèɛɛ dyí-gmɔ̀-nyɔ̀ ɓó waà kɔ̃̀-nyɔ̀ ɓěɔ̀ bìì. Ké ḿ ɖú ma kùì-kpà sɔ̃́ dyí, ké ḿ jǔìn ma wa nyɛ́nɛ́. Ɖòɛ̀ nyɛ́nɛ́ mɔ̀ Jĩ́á-Jè, ké ɖòɛ̀ nyɛ́nɛ́ mɔ̀ Gbo-Kpɔ̃ìn-Kpɔ̃ìn. Ké ḿ gmɔ̀ ma ɓáɖáá ɓěɔ̀ dyí. 8Dɛ̀nɛ̀ ɖò ɖá ɔ kéá jɛ̀ɖɛ̀ɛ, ḿ se ma ɓáɖáá-dyí-gmɔ̀-nyɔ̀ tã ɓě ɓɛ́ ḿ kè wa nì ma ɓáɖáá ɓěɔ̀ dyí gmɔ̀ǔn wɛ̃ɛ kpeɖe hwìɖǐi kùɛ̀n ɓɛ́ìn ɖe, ké wa nyɛ́ ma ḿ mú. Ɔ jèɛɛ, ḿ zà ma wa kũ̀à kɔ̃ún. 9Sɔ̀ìn ɓóɛ gboɛɛ, ḿ cɛ̃ɛ ma ɓáɖáá ɓěɔ̀ gbo, ké ḿ ɖá, “Ḿ se ɓěɛ̀ dyí-gmɔ̀-nyɔ̀ jǔɛ mu ɖe. Ɖɛ ɓéɖé ɔ ké mɛ́ɛ mɛ mɛ́, ké ɖɛ ɓéɖé ɔ ké mú gbɔɔ̀ kɛɛ mɛ gbɔɔ̀ mú. Ké nyɔ ɓě sè ɓóɛɛ mɛ taìn tàìn.” 10Ké ḿ ɖú ma ní kùì-kpà kɔ̃̀ nyɛ́nɛ́ mɔ̀à Jĩ́á-Jèɛɛ dyí, ké ḿ jaɖaa kpó, ɓɛ́ ɔ ké dèè-wùɖù nì ma kà ɓó ḿ kè nyɔ séín ɓěɔ̀ pṹa kɛɛ ɓó dyi gbaà. 11Ké dèè-wùɖù nì ma ɓó ḿ kè nyɔ ɓěɔ̀ pṹa kɛɛ gbaà ma ɓó dyi ɓó wéa ɓaɖa. Ké ɓáɖáá ɓěɔ̀ kɔ̃̀-nyɔ̀ ɓěɔ̀ dè ma ní nyuu-ɖɛ̀ ɓěɔ̀ dyéɖé gbo, ké wa wɔ̃́ɔ ma múin kà Bounɓoɔ̀ mɔ̀ nyɔ nì ma kà ḿ mú wùɖùɛ̌n nyɛ̀. 12Hwɛ̀ ké ḿ cɛ̃ɛ ma wa gbo, ké ḿ ɖá, “Ɓěɛ̀ hwòɖǒ dyi wɔ̃́ ní, ɓě pɛ́ɛ̀ ḿ, kɛɛ ɓěɛ̀ hwòɖǒ se wɔ̃́ ní, ɓě ɓɔ́ɔ náa nyuɛ.” Ké wa pɛ́ɛ̀ìn ma ḿ séɓàɖà-cɛ̀kò kpáɖá-nyɔ ɓaɖa-bùè ɖòùn nyɛ̀nɛ̀ɛ̀.
13Ké Bounɓoɔ̀ cɛ̃ɛ ma ḿ gbo, ké ɔ ɖá, “Poɛ ɖéɛ ní gbǒɔ̀ wíɖí-dyi-dèìn-naínɔ̀.” Ɔ jèɛɛ, ḿ ɖú ma séɓàɖà-cɛ̀kò kpáɖá-nyɔ ɓaɖa-bùèɔ̀ dyí, ké ḿ poɛ ɖéɛ Bounɓoɔ̀ gbǒɔ̀ wíɖí-dyi-dèìn-naínɔ̀. Ɖɛ nìà kɛ mɔ̀ wíɖí jĩ̀ kà ɓɛ́ wa ɖá ḿ kpa kɛ. 14Hwɛ̀ ké ḿ ɖú ma ní kùì-kpàɔ̀ sɔ̃́ nììn kɔ̃̀ nyɛ́nɛ́ mɔ̀à Gbo-Kpɔ̃ìn-Kpɔ̃ìn nyɛɛ dyí, ké ḿ jaɖaa kpó. Ɖɛ nìà kɛ gbaà ma gbo-kpɔ̃ìn-kpɔ̃ìn nì ma ɓó Júɖà-ɓòɖòɔ̀ kè Éézùɖùɛ̀-ɓòɖòɔ̀ pṹa kɛɛ dyi.
15Sɔ̀ìn ɓóɛ gboɛɛ, Bounɓoɔ̀ cɛ̃ɛ ma ḿ gbo ɖe, ké ɔ ɖá, “Mu, ɓɛ́ m̀ ké ɓáɖáá-dyí-gmɔ̀-nyɔ̀ se kpáná ɖò mú nìɛɛ jǔ. 16Gmɔ̀ nɔ̄, ḿ nì ɓáɖáá-dyí-gmɔ̀-nyɔ̀ ɖò dyí sɔ̀ǐn ɖé ɓóɖóɔ̀ kɔ̃, ké ɔ mɔ̀ nyɔ se ɖé ɓáɖáá nì mú gbɔɔ̀ǔn wɛ̃ɛ jè gbo kɔ̃̀ɔ̌ mu, mɔɔ ké ɔ se ɓáɖáá sè xwáɖáún wɛ̃ɛ dyi mɔ́ɔ mu, mɔɔ ké ɔ se ɓáɖáá nì gbùàǔn nàǐn nyɛɛ hwǒòɛ̌ mu, mɔɔ ké ɔ se ɓáɖáá ɓě ɓɛ́ wa wóɖó múɛɛ ɖii-ɖɛ̀ nyíɛ mu. Kɛɛ ɔ mu ɓáɖáá ɓúá-ɓúá ɓěɔ̀ ɖáɓáùn, ɓɛ́ ɔ ké wa tà. Ɔ mu wa bǎ ɓěɔ̀ ɓoún zàùn. 17Gboò-wùɖù nì ɓáɖáá-dyí-gmɔ̀-nyɔ̀ se kpáná ɖò mú nìɔ̀ kɔ̃, sepóɛɖé ɔ wã ɓáɖáá ɓěɔ̀ kɔ̃. Gàsíà mɛ kpɔ̃ ɔ sɔ̃ɔ̀ kè ɔ ɖiaún-dyèɖèɔ̀. Ɔ sɔ̃ɔ̀ mɛ mɛ́, ɓɛ́ ɔ ɖiaún-dyèɖèɔ̀ ké múin kpè gàná cá.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.