Fèɖópĩ̀à 3
3
Jǎà dyí-sɛ́ɖɛ́ìn-sɛ́ɖɛ́ìn
1Ḿ ɖíí ɓě, ɖɛ hwɛ̀ìn-gbɔɔ̀ mɔ̀, ɓě mɛ kpá múàǔn ɖé Bounɓoɔ̀ mú. Ɔ se ḿ fũ̀à-fṹá nyùìn, ɓɛ́ ḿ ké ɓě ɖɛ dyúáɖòɔ̀ gbo céè ɖe. Ɔ mu ɓě gbo kpáùn, ɓɛ́ ɔ ké ɓě dyí gmɔ̀. 2Ɓě màìn gbe ɓě ɓɛ́ wa mɔ̀ nyɔ ɓě nyuà ɖɛ gbà kɛɛ mú. Ɓě màìn nyɔ ɓě ɖaɓaìn nyɔǔn dyiɛɛ mú. 3Sepóɛɖé nyɔ ɓě ɓɛ́ wa ɓéɖé sàà-mɛ́-mɛ́ nyɔ mɔ̀à jǎà kɛɛ mɔ̀ à mɔ̀, kɛɛ ɔ se wa mɔ̀ùn. Sepóɛɖé à ɓiè Gèɖèpɔ́ɔ̀ dyììn ɖé ɔ Zùùɔ̀ mú. Ké ɖɛ kɔ̃̀ jè à ɓɔ́ɖɔ́ kɛɛ mɔ̀ Kɛ́ɖɛ́ì Jízɛ̀ jè. À se ku-kɔ̃in-ɖɛ̀ ɓěɔ̀ hwòɖǒ kɔ̃ taɓa. 4Ḿ ɓɛ́ìn dyɛ̀ ɖɛ ɓě nì kà kɛɛ hwòɖǒ kɔ̃ taɓaa. Nyɔ ɖò dyiɛ hwìɖǐi poìn kà ɓɛ́ ɔ ɓéɖé ɖɛ kɔ̃̀ jè ɔ ké ku-kɔ̃in-ɖɛ̀ nì kà kɛɛ hwòɖǒ kɔ̃ taɓaa ní, nìí, mɔ́ún ɓéɖé ɖɛ kɔ̃̀ jè ḿ ké ná hwìɖǐi poìn nyɛɛ pàɖǎ. 5Wa ɖáɓá ma ḿ sàà ti ɓɛ́ ḿ nyu ma wé mɛ̀nɛ̌ìn-tã kɛ. Ḿ mɔ̀ Éézùɖùɛ̀-nyɔ̀ ɓěɔ̀ ɖò. Ḿ sɔ̀ Bɛ̃́címàà xwéɖé-dùɔ̀ mú. Híìbúɖúù-nyɔ̀ mɔ̀ nyɔ wóɖóìn ma ḿ. Ɓá gmaɔ̀ dyi kpɔ̃ jè dyíɛɛ, ḿ mɔ̀ Fáɖòsíì-nyɔ̀. 6Ní hwòɖǒɔ̀ fṹà ma, ké ḿ dyéìn ma cɔ́cì-nyɔ̀ ɓěɔ̀ gǎ. Ɓá dyí-sɛ́ɖɛ́ìn-sɛ́ɖɛ́ìn ɓɛ́ gmaɔ̀ dyi-kpɔ̃-kpɔ̃ɔ̀ nyuɛ ké nyɔ ɓéɖéɛɛ jè dyíɛɛ, ḿ se ma kɛɛ ɖò ɓéɖé. 7Ɖɛ ɓě nìàǒ wɛɛ mɔ̀ ma ɖɛ ɓě kɔ̃̀ mú ḿ dyéìn ma ɖɛɛ, kɛɛ ḿ ɖáìn wa ɖɛ se ɖɛ kpa ɓě kàǔn ɓó Kɛ́ɖɛ́ì jè. 8Ɔ se ɖɛ ɓěa ɖòùn, kɛɛ ḿ ɖáìn ɖɛ séín ɖɛ se ɖɛ kpa pū ɓó ɖɛ ɓɛ́ ɔ kpa ɖɛ ké ɔ zi ɖɛ ɓě nìàǒ wɛɛ dyí vɛ̃in nyɛɛ jè. Ɔ mɔ̀ Kɛ́ɖɛ́ì Jízɛ̀ mɔ̀à ní Bounɓoɔ̀ kɛɛ dyí-dyuò-dyuò. Ɓó ɔ jè, ḿ ɖǎ ɖɛ séín xwáɖáún sè. Ḿ ɖáìn wa séín sĩ̀ɔ̌, ɓɛ́ ḿ ké Kɛ́ɖɛ́ì ɓéɖé, 9ɓɛ́ ḿ kèɔ̀ kè ké nyɔ dyúáɖò jǔ. Ḿ se ḿ mìɔùn nììn dyí-sɛ́ɖɛ́ìn-sɛ́ɖɛ́ìn mɔ̀ nyɔ ɓɛ́ gmaɔ̀ dyi-kpɔ̃-kpɔ̃ɔ̀ nyíà ḿ wɛ̃ɛ ɖò ɓéɖé ɖe. Ɖɛ ḿ ɓéɖéà kàǔn wɛ̃ɛ, ɔ mɔ̀ dyí-sɛ́ɖɛ́ìn-sɛ́ɖɛ́ìn ɓɛ́ ɔ dyììn ɖé Kɛ́ɖɛ́ì hwìɖǐǐ-taɓa-taɓa múɛ. Ɔ mɔ̀ dyí-sɛ́ɖɛ́ìn-sɛ́ɖɛ́ìn ɓɛ́ ɔ sɔ̀àìn ɖé Gèɖèpɔ́ɔ̀ gbo, ké ɔ ɓá hwìɖǐǐ taɓa jè dyíɛ. 10Kɛɛ ɖɛ séín ḿ mɔ́ɛɛ, ɔ mɔ̀ ɓɛ́ ḿ ké Kɛ́ɖɛ́ì dyí dyuò, ɔ kè ɓɛ́ ḿ ké ɔ kpé ɓɛ́ ɔ ɓéɖé ma, ké ɔ wóɖó ma gĩɔ kɛɛ dyí dyuò. Ḿ mɔ́ ɓɛ́ ḿ kèɔ̀ kè ké ɔ gǎ-dyé-dyé ɓěɔ̀ mú peɖeìn, ɓɛ́ kà ɔ nì ma ɓɛ́ ɔ dyià mɛ́ɛ, mɔ́ún ké ná nì, 11ɓɛ́ ɔ dyi ná nìɛ̀ ɓɛ́ìn ní, ḿ ké gĩɔ wóɖó.
À mɔ́ ɓɛ́ à ké ɖɛ kɔ̃̀ jè à vɔ̃à kɛɛ dyé
12Ḿ séèɛ̀ cɛ̃ɛ ɓɛ́ìn kà ɓɛ́ ḿ ɖǎ ɖɛ ɓě nìà kɛ mú mùɛ̀n hwɔ kɛ, ɔ kè kà ɓɛ́ ḿ ɖǎ dyí sɛ́ɖɛ́ìn hwɔɛ. Kɛɛ ḿ nì vɔ̃uń ke, ɓɛ́ ḿ ké ɖɛ kɔ̃̀ jè Kɛ́ɖɛ́ì kpɔ̃ ma kà ḿ dyiɛɛ dyi kpɔ̃. 13Ḿ ɖíí ɓě, ḿ seɛ hwìɖǐi poìn kà ɓɛ́ ḿ ɖǎa dyi kpɔ̃ nɔ̀ɔ̀ kɛ. Kɛɛ ɖɛ dyúáɖò ɓɛ́ ḿ nyuɛɛ, ɔ kɛ̀. Ɔ mɔ̀, ɖɛ ɓě ɓɛ́ ḿ ɖǎà dyíin zi, ké wa nìà ɖé ḿ ɖeín nyɛɛ jè sɔ̀ ḿ hwìɖǐi, ké ḿ vɔ̃ ɓɛ́ ḿ ké ɖɛ nì ɖé dyúa kɛɛ gbo nyini. 14Ḿ nì ɖɛ kɔ̃̀ jè ḿ nìà vɔ̃uń wɛ̃ɛ kíɖíí nɛ́iń, ɓɛ́ ḿ ké ɖɛ kɔ̃̀ jè ḿ nìà vɔ̃uń wɛ̃ɛ dyé. Ɔ mɔ̀ ɖáa ɓɛ́ Gèɖèpɔ́ɔ̀ ɖáà à nììn, ɓɛ́ dyììn ɖé Kɛ́ɖɛ́ì Jízɛ̀ múɛɛ, à ké fɛ̀ɛ̀ nìà ɖé dyɔún wɛ̃ɛ ɓéɖéɛ. 15À séín-sèǐn ɓɛ́ à ɖǎà ɖɛ hwɛ̀ ɖé Gèɖèpɔ́ɔ̀-ɖɛ̀ ɓěɔ̀ múɛɛ mɛ ɓéɖé hwìɖǐi-poìn-poìn nì kàǒ wɛ. Ɔ jǔ ké ɓě ɖíɛ́ ɓě dyi hwìɖǐi-poìn-poìn kò-kò ɓě ɓéɖéín, nìí, Gèɖèpɔ́ɔ̀ mu ɖɛ nìà kɛ ɓě dyí tɛ̀mɛ̀ìn. 16Kɛɛ ɖɛ ɓě ɓɛ́ à ɖǎ dyi kpɔ̃ kĩ́ín nyɛɛ, à mɛ kpɔ̃ wa dyi kánáá pū.
17Ḿ ɖíí ɓě, ɓě séín mɛ dyéìn ḿ, ɓɛ́ ɓě ké ɖò nyu. À ɖǎ dyí-tɛ̀mɛ̀ìn-ɖɛ̀ jǔ ɖé ɓě gbo. Ɔ jèɛɛ, ɓě mɛ dè nyɔ ɓě nyu ɖò kɛɛ dyéɖé gbo. 18Ḿ ɖǎ ma ɓě ɖɛ nìà kɛ gbo cɛ̃ mìɔ ɖé ti kĩ́ín mú, ké ḿ nì vĩ̌ɛń, ké ḿ nìɛ̀ ɓě gbo cɛ̃iń ɖe. Ɔ mɔ̀, nyɔ ɓáún-ɓáún nì, ké waà cĩ́-cĩ́ɔ̀ nyuɛ ké wa mɔ̀ Kɛ́ɖɛ́ì kè ɔ kɔ́ɖɔ́sìɔ̀ mú-nyɛ́-nyɔ̀ ɓě. 19Ɖé mánáín nyɛɛ, wa mu mú gbɔɔ̀ùn. Wa xwíɖíɔ̀ mɔ̀ waà gèɖèpɔ́ɔ̀. Ɖɛ ɓě kɔ̃̀ jè wa ɓɔ́ɖɔ́à kɛɛ mɔ̀ ɖɛ kɔ̃̀ jè dɛ̃ ɓéɖé ɓɛ́ ɔ kéɔ́ wa nyuɛ. Wa poìn ɓóɖó-kpàà ɖɛ ɓě jè hwìɖǐi ɖòùn. 20À nììn ɓíɖí nì ɖé dyɔún, ké à nì hwìǐ gmɔ̀ǔn, ɓɛ́ à Póìn-nyɔ̀ mɔ̀à Bounɓo Jízɛ̀ Kɛ́ɖɛ́ì kɛɛ ké ɖé sɔ̀, ɓɛ́ ɔ ké nɔ̄ à gbo dyi. 21Ɔ mu à kpóɖó-dyùà se ɖɛ kpa ɓěɔ̀ gbo zĩàìn, ɓɛ́ wa ké nì kà ɔ mìɔùn nììn kpóɖó-dyùà zi dyíin nɔ̀mɔ̀ǔnɔ̀ nìà kɛ. Ɔ mu kpé ɓɛ́ ɔ ɓéɖéà, ké ɔ nyuà ké ɖɛ séín nìà ɔ xwíɖíiɛɛ dyí ɖúùn, ɓɛ́ ɔ kéɛ nyùìn.
Currently Selected:
Fèɖópĩ̀à 3: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Fèɖópĩ̀à 3
3
Jǎà dyí-sɛ́ɖɛ́ìn-sɛ́ɖɛ́ìn
1Ḿ ɖíí ɓě, ɖɛ hwɛ̀ìn-gbɔɔ̀ mɔ̀, ɓě mɛ kpá múàǔn ɖé Bounɓoɔ̀ mú. Ɔ se ḿ fũ̀à-fṹá nyùìn, ɓɛ́ ḿ ké ɓě ɖɛ dyúáɖòɔ̀ gbo céè ɖe. Ɔ mu ɓě gbo kpáùn, ɓɛ́ ɔ ké ɓě dyí gmɔ̀. 2Ɓě màìn gbe ɓě ɓɛ́ wa mɔ̀ nyɔ ɓě nyuà ɖɛ gbà kɛɛ mú. Ɓě màìn nyɔ ɓě ɖaɓaìn nyɔǔn dyiɛɛ mú. 3Sepóɛɖé nyɔ ɓě ɓɛ́ wa ɓéɖé sàà-mɛ́-mɛ́ nyɔ mɔ̀à jǎà kɛɛ mɔ̀ à mɔ̀, kɛɛ ɔ se wa mɔ̀ùn. Sepóɛɖé à ɓiè Gèɖèpɔ́ɔ̀ dyììn ɖé ɔ Zùùɔ̀ mú. Ké ɖɛ kɔ̃̀ jè à ɓɔ́ɖɔ́ kɛɛ mɔ̀ Kɛ́ɖɛ́ì Jízɛ̀ jè. À se ku-kɔ̃in-ɖɛ̀ ɓěɔ̀ hwòɖǒ kɔ̃ taɓa. 4Ḿ ɓɛ́ìn dyɛ̀ ɖɛ ɓě nì kà kɛɛ hwòɖǒ kɔ̃ taɓaa. Nyɔ ɖò dyiɛ hwìɖǐi poìn kà ɓɛ́ ɔ ɓéɖé ɖɛ kɔ̃̀ jè ɔ ké ku-kɔ̃in-ɖɛ̀ nì kà kɛɛ hwòɖǒ kɔ̃ taɓaa ní, nìí, mɔ́ún ɓéɖé ɖɛ kɔ̃̀ jè ḿ ké ná hwìɖǐi poìn nyɛɛ pàɖǎ. 5Wa ɖáɓá ma ḿ sàà ti ɓɛ́ ḿ nyu ma wé mɛ̀nɛ̌ìn-tã kɛ. Ḿ mɔ̀ Éézùɖùɛ̀-nyɔ̀ ɓěɔ̀ ɖò. Ḿ sɔ̀ Bɛ̃́címàà xwéɖé-dùɔ̀ mú. Híìbúɖúù-nyɔ̀ mɔ̀ nyɔ wóɖóìn ma ḿ. Ɓá gmaɔ̀ dyi kpɔ̃ jè dyíɛɛ, ḿ mɔ̀ Fáɖòsíì-nyɔ̀. 6Ní hwòɖǒɔ̀ fṹà ma, ké ḿ dyéìn ma cɔ́cì-nyɔ̀ ɓěɔ̀ gǎ. Ɓá dyí-sɛ́ɖɛ́ìn-sɛ́ɖɛ́ìn ɓɛ́ gmaɔ̀ dyi-kpɔ̃-kpɔ̃ɔ̀ nyuɛ ké nyɔ ɓéɖéɛɛ jè dyíɛɛ, ḿ se ma kɛɛ ɖò ɓéɖé. 7Ɖɛ ɓě nìàǒ wɛɛ mɔ̀ ma ɖɛ ɓě kɔ̃̀ mú ḿ dyéìn ma ɖɛɛ, kɛɛ ḿ ɖáìn wa ɖɛ se ɖɛ kpa ɓě kàǔn ɓó Kɛ́ɖɛ́ì jè. 8Ɔ se ɖɛ ɓěa ɖòùn, kɛɛ ḿ ɖáìn ɖɛ séín ɖɛ se ɖɛ kpa pū ɓó ɖɛ ɓɛ́ ɔ kpa ɖɛ ké ɔ zi ɖɛ ɓě nìàǒ wɛɛ dyí vɛ̃in nyɛɛ jè. Ɔ mɔ̀ Kɛ́ɖɛ́ì Jízɛ̀ mɔ̀à ní Bounɓoɔ̀ kɛɛ dyí-dyuò-dyuò. Ɓó ɔ jè, ḿ ɖǎ ɖɛ séín xwáɖáún sè. Ḿ ɖáìn wa séín sĩ̀ɔ̌, ɓɛ́ ḿ ké Kɛ́ɖɛ́ì ɓéɖé, 9ɓɛ́ ḿ kèɔ̀ kè ké nyɔ dyúáɖò jǔ. Ḿ se ḿ mìɔùn nììn dyí-sɛ́ɖɛ́ìn-sɛ́ɖɛ́ìn mɔ̀ nyɔ ɓɛ́ gmaɔ̀ dyi-kpɔ̃-kpɔ̃ɔ̀ nyíà ḿ wɛ̃ɛ ɖò ɓéɖé ɖe. Ɖɛ ḿ ɓéɖéà kàǔn wɛ̃ɛ, ɔ mɔ̀ dyí-sɛ́ɖɛ́ìn-sɛ́ɖɛ́ìn ɓɛ́ ɔ dyììn ɖé Kɛ́ɖɛ́ì hwìɖǐǐ-taɓa-taɓa múɛ. Ɔ mɔ̀ dyí-sɛ́ɖɛ́ìn-sɛ́ɖɛ́ìn ɓɛ́ ɔ sɔ̀àìn ɖé Gèɖèpɔ́ɔ̀ gbo, ké ɔ ɓá hwìɖǐǐ taɓa jè dyíɛ. 10Kɛɛ ɖɛ séín ḿ mɔ́ɛɛ, ɔ mɔ̀ ɓɛ́ ḿ ké Kɛ́ɖɛ́ì dyí dyuò, ɔ kè ɓɛ́ ḿ ké ɔ kpé ɓɛ́ ɔ ɓéɖé ma, ké ɔ wóɖó ma gĩɔ kɛɛ dyí dyuò. Ḿ mɔ́ ɓɛ́ ḿ kèɔ̀ kè ké ɔ gǎ-dyé-dyé ɓěɔ̀ mú peɖeìn, ɓɛ́ kà ɔ nì ma ɓɛ́ ɔ dyià mɛ́ɛ, mɔ́ún ké ná nì, 11ɓɛ́ ɔ dyi ná nìɛ̀ ɓɛ́ìn ní, ḿ ké gĩɔ wóɖó.
À mɔ́ ɓɛ́ à ké ɖɛ kɔ̃̀ jè à vɔ̃à kɛɛ dyé
12Ḿ séèɛ̀ cɛ̃ɛ ɓɛ́ìn kà ɓɛ́ ḿ ɖǎ ɖɛ ɓě nìà kɛ mú mùɛ̀n hwɔ kɛ, ɔ kè kà ɓɛ́ ḿ ɖǎ dyí sɛ́ɖɛ́ìn hwɔɛ. Kɛɛ ḿ nì vɔ̃uń ke, ɓɛ́ ḿ ké ɖɛ kɔ̃̀ jè Kɛ́ɖɛ́ì kpɔ̃ ma kà ḿ dyiɛɛ dyi kpɔ̃. 13Ḿ ɖíí ɓě, ḿ seɛ hwìɖǐi poìn kà ɓɛ́ ḿ ɖǎa dyi kpɔ̃ nɔ̀ɔ̀ kɛ. Kɛɛ ɖɛ dyúáɖò ɓɛ́ ḿ nyuɛɛ, ɔ kɛ̀. Ɔ mɔ̀, ɖɛ ɓě ɓɛ́ ḿ ɖǎà dyíin zi, ké wa nìà ɖé ḿ ɖeín nyɛɛ jè sɔ̀ ḿ hwìɖǐi, ké ḿ vɔ̃ ɓɛ́ ḿ ké ɖɛ nì ɖé dyúa kɛɛ gbo nyini. 14Ḿ nì ɖɛ kɔ̃̀ jè ḿ nìà vɔ̃uń wɛ̃ɛ kíɖíí nɛ́iń, ɓɛ́ ḿ ké ɖɛ kɔ̃̀ jè ḿ nìà vɔ̃uń wɛ̃ɛ dyé. Ɔ mɔ̀ ɖáa ɓɛ́ Gèɖèpɔ́ɔ̀ ɖáà à nììn, ɓɛ́ dyììn ɖé Kɛ́ɖɛ́ì Jízɛ̀ múɛɛ, à ké fɛ̀ɛ̀ nìà ɖé dyɔún wɛ̃ɛ ɓéɖéɛ. 15À séín-sèǐn ɓɛ́ à ɖǎà ɖɛ hwɛ̀ ɖé Gèɖèpɔ́ɔ̀-ɖɛ̀ ɓěɔ̀ múɛɛ mɛ ɓéɖé hwìɖǐi-poìn-poìn nì kàǒ wɛ. Ɔ jǔ ké ɓě ɖíɛ́ ɓě dyi hwìɖǐi-poìn-poìn kò-kò ɓě ɓéɖéín, nìí, Gèɖèpɔ́ɔ̀ mu ɖɛ nìà kɛ ɓě dyí tɛ̀mɛ̀ìn. 16Kɛɛ ɖɛ ɓě ɓɛ́ à ɖǎ dyi kpɔ̃ kĩ́ín nyɛɛ, à mɛ kpɔ̃ wa dyi kánáá pū.
17Ḿ ɖíí ɓě, ɓě séín mɛ dyéìn ḿ, ɓɛ́ ɓě ké ɖò nyu. À ɖǎ dyí-tɛ̀mɛ̀ìn-ɖɛ̀ jǔ ɖé ɓě gbo. Ɔ jèɛɛ, ɓě mɛ dè nyɔ ɓě nyu ɖò kɛɛ dyéɖé gbo. 18Ḿ ɖǎ ma ɓě ɖɛ nìà kɛ gbo cɛ̃ mìɔ ɖé ti kĩ́ín mú, ké ḿ nì vĩ̌ɛń, ké ḿ nìɛ̀ ɓě gbo cɛ̃iń ɖe. Ɔ mɔ̀, nyɔ ɓáún-ɓáún nì, ké waà cĩ́-cĩ́ɔ̀ nyuɛ ké wa mɔ̀ Kɛ́ɖɛ́ì kè ɔ kɔ́ɖɔ́sìɔ̀ mú-nyɛ́-nyɔ̀ ɓě. 19Ɖé mánáín nyɛɛ, wa mu mú gbɔɔ̀ùn. Wa xwíɖíɔ̀ mɔ̀ waà gèɖèpɔ́ɔ̀. Ɖɛ ɓě kɔ̃̀ jè wa ɓɔ́ɖɔ́à kɛɛ mɔ̀ ɖɛ kɔ̃̀ jè dɛ̃ ɓéɖé ɓɛ́ ɔ kéɔ́ wa nyuɛ. Wa poìn ɓóɖó-kpàà ɖɛ ɓě jè hwìɖǐi ɖòùn. 20À nììn ɓíɖí nì ɖé dyɔún, ké à nì hwìǐ gmɔ̀ǔn, ɓɛ́ à Póìn-nyɔ̀ mɔ̀à Bounɓo Jízɛ̀ Kɛ́ɖɛ́ì kɛɛ ké ɖé sɔ̀, ɓɛ́ ɔ ké nɔ̄ à gbo dyi. 21Ɔ mu à kpóɖó-dyùà se ɖɛ kpa ɓěɔ̀ gbo zĩàìn, ɓɛ́ wa ké nì kà ɔ mìɔùn nììn kpóɖó-dyùà zi dyíin nɔ̀mɔ̀ǔnɔ̀ nìà kɛ. Ɔ mu kpé ɓɛ́ ɔ ɓéɖéà, ké ɔ nyuà ké ɖɛ séín nìà ɔ xwíɖíiɛɛ dyí ɖúùn, ɓɛ́ ɔ kéɛ nyùìn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.