Fèɖópĩ̀à 2
2
Kɛ́ɖɛ́ì mìɔùn ɓíɖíi-dyà-dyà kè ɔ dyií-ɖú-ɖú
1Kà ɓě nìà Kɛ́ɖɛ́ì múɛɛ, kpé kpá ɓě dyíì? Ɔ ɖɛ̀ɓɛ̀ǐn-ɖɛ̀ɓɛ̀ǐnɔ̀ dè ɓěɛ̀ hwòɖǒ dyiì? Ɓě kè Zùùɔ̀ ɓéɖé gbo-kpɔ̃ìn-kpɔ̃ìnǹ? Ɓě ɓéɖé ɖɛ̀ɓɛ̀ǐn-ɖɛ̀ɓɛ̀ǐn kè wìì? 2Ɔ dyi ná nìǐn, ɓěɛ̀ hwìɖǐi-poìn-ɖɛ̀ mɛ nì dyúáɖò, ké ɓěɛ̀ ɖɛ̀ɓɛ̀ǐn-ɖɛ̀ɓɛ̀ǐn mɛ nì dyúáɖò, ké ɓě mɛ ɓéɖé hwòɖǒ dyúáɖò kè fɔ̀nɔ̀-hwòɖǒ dyúáɖò, ɓɛ́ ɔ kéɛ nyu ɓɛ́ ní múàɔ̀ ké gbɔ hwɛ̀. 3Ɓěǐn ɖá ɓɛ́ ɓě ké ɖɛ ɖò nyu ɓó ɓě mìɔùn bìì vɔ̃ jè, mɔɔ ɓó ɓě mìɔùn bìì ɓɔ́ɖɔ́ jè. Kɛɛ ɓě mɛ dyà ɓě mìɔùn ɓíɖíi, ké ɓě mɛ ɓɔ́ɔ hwìɖǐi poɛ̀n kà ɓě kpa ɖɛ ké ɓě zi nyɔ tɔ̀ɔ̀ ɓě dyíɛ. 4Ké ɓě mɛ poìn nyɔ tɔ̀ɔ̀ ɓě jè hwìɖǐi. Ɓě ní poìn ɓě mìɔùn jè hwìɖǐi ɖòùn. 5Kpeɖe ɓɛ́ ɓě mɛ ɓéɖé ɓó nyɔ tɔ̀ɔ̀ ɓě bììɛɛ mɛ mɔ̀ nyɔ ɓɛ́ Kɛ́ɖɛ́ì Jízɛ̀ ɓéɖé ma kà kɛ. 6Ɔ nì ma kà Gèɖèpɔ́ɔ̀ nìà kɛɛ dyɛo, kɛɛ ɔ seɛ ma hwìɖǐi poìn, ɓɛ́ ɔ ké ma vɔ̃ gana-kà, ɓɛ́ ɔ nììn kpé kè Gèɖèpɔ́ɔ̀ nììn kpé ké ma wɔ̃ ɓɛ́ìn. 7Kɛɛ ɔ nyu ma ɔ mìɔùn, ké ɔ se ma ɖɛ kpa, ké ɔ nyu ma ɔ mìɔùn kà gbo-nì-nyɔ̀ nìà kɛ. Ɔ kè nyɔǔn-dyù hwɔìn ma ní. Ti ɔ wóɖó ma xwáɖáún wɛ̃ɛ, ɔ nì ma kà nyɔǔn-dyù nìà kɛ. 8Ɔ dyà ma ɔ mìɔùn ɓíɖíi, ké ɔ nyu ma Gèɖèpɔ́ɔ̀ wuɖu tee, ké ɔ mɛ́ ma ɖé hwòɖǒɛ̀-wɔ̃́-wɔ̃́ mú. Ɔ mɔ̀ ma kɔ́ɖɔ́sìɔ̀ kɔ̃ mɛ́ìn-mɛ́ìn. 9Ɔ jèɛɛ, Gèɖèpɔ́ɔ̀ ɖǎ ɔ dyií ɖú, ké ɔ ɖǎ ɔ ɖéé ɖé dyií kpa. Ké ɔ dè ma ɔ nyɛ́nɛ́, ké nyɛ́nɛ́ɔ̀ ɓúá dyí ké ɔ zi nyɛ́nɛ́ séín dyí, 10ɓɛ́ nyɔ séín ɓě nì ɖé dyɔún kè nɔ̄ ɓóɖó-kpàà kɔ̃ ɔ kè ɖé ɓóɖó-kpàà hwuɖuɛɛ, wa dyi Jízɛ̀ɛ̀ nyɛ́nɛ́ɔ̀ wɔ̃́ ní, wa ké kɔ́-dù hwuɖu taɓa. 11Ké nyɔǔn séín múɛ mú wɔ̃́ìn wáɖáá kà ɓɛ́ Jízɛ̀ Kɛ́ɖɛ́ì mɔ̀ Bounɓoɔ̀ kɛ, ɓɛ́ Gèɖèpɔ́ɔ̀ mɔ̀à Ɓǎɔ̀ kɛɛ ké ɓàìn-ɓàìn ɓéɖé.
À mɛ jǔ ce ɖé ɓóɖó-kpàà kɔ̃
12Ɔ jèɛɛ, ní ɖɛ̀ɓɛ̀-nyɔ̀ ɓě, kà ɓě nyu ma ní wuɖu tee ti ɓɛ́ ḿ nì ma ɖé ɓě gboɛɛ, ɔ zi ɖɛ kpauń mìɔ ɓɛ́ ɓě ké ní wuɖu nyu kàǔn, kà ɓɛ́ ḿ seà ɖé ɓě gbo nì ɖeɛ. Ɓě mɛ fɛ̃̀ìn, ɓɛ́ ɓě ké tɛɖɛ, ɓɛ́ ɓě ké ɓě mìɔùn nììn pó-póɔ̀ kũ̀à mú nyùìn, 13sepóɛɖé Gèɖèpɔ́ɔ̀ nì ɓě kũ̀à mú nyùɛ̌n, ɓɛ́ ɔ kéɛ nyu ɓɛ́ ɓěɛ̀ hwòɖǒɔ̀ ké wɔ̃́, ɓɛ́ ɓě ké kpé ɓɛ́ìn, ɓɛ́ ɓě ké ɖɛ ɔ hwòɖǒɔ̀ po gbɔɛɛ nyu.
14Ɓě mɛ nyu ɖɛ séín, ké ɓě ní ɖá ɓɛ́ ɓě ké jɛ, ɓɛ́ ɓě ké dòǐn zà, 15ɓɛ́ ɓě ké se kɛɛ kè ɖɛ gbà ɖò ɓéɖé, ɓɛ́ ɓě ké Gèɖèpɔ́ɔ̀ dyú sɛ́ɖɛ́ìn dyí ɓɛ́ wa cĩ́ ɖé nyɔǔn se dyí sɛ́ɖɛ́ìn, ké wa nyìnììn hwòɖǒ kɔ̃in nyɛɛ hwìɛ̀ kɛɛ jǔ. Ɓě mɛ fã ɖé wa hwìɛ̀ kà dɛ̀nɛ̀-dyù fãà ɖé ɓóɖó-kpàà kɔ̃ɛ, 16kà ɓě nyíà wa bɔ̃̌ ɓɛ́ ɔ ɓá fɛ̀ɛ̀ dyíɛ. Ɓě dyiɛ náa nyuín, nìí, ní mu ɖɛ kɔ̃̀ jè ḿ ké ɓɔ́ɖɔ́ ɓó Kɛ́ɖɛ́ì nììn wéɔ̀ múɛɛ ɓéɖéìn. Ɔ mu dyí-tɛ̀mɛ̀ìn-ɖɛ̀ jǔùn kà ɓɛ́ ɖɛ ɓě kɔ̃̀ jè ḿ vɔ̃ maa, ɔ kè kũ̀à ɓɛ́ ḿ nyu maa, ḿ se ma wa nyu pídyiɛ. 17Ti ɖòɛ̀ ɓaɖaín, wa mu ní nyɔmɔɔ̀ púèìn, ɓɛ́ ɔ ké sáa-zàìn-ɖɛ̀ ɓɛ́ ɓěɛ̀ hwìɖǐǐ-taɓa-taɓaɔ̀ zàìn Gèɖèpɔ́ɔ̀ xwáɖáún wɛ̃ɛ kɔ̃ wáɖá. Ɔ dyi ná nìǐn, ḿ kpá múàǔn, ké ḿ kè ɓě séín mu ní múàɔ̀ mú peɖeìn. 18Kà dyúáɖòɔ̀ kǎà ɓě mɔ̀ùn mɛ kpá múàǔn, ɓɛ́ ḿ kè ɓě ké ɓě nììn múàɔ̀ mú peɖeìn.
Tímétè kè Ìpáfòɖòdátà
19Ḿ dè Bounɓo Jízɛ̀ hwòɖǒ kɔ̃ kà ɓɛ́ ní mu Tímétè ɖé ɓě gbo tòùn wàɖà kɛ, ɓɛ́ bɔ̃̌ ɓě ɓɛ́ ní mu ɖé ɓě gbo wɔ̃́ùn wɛ̃ɛ ké ḿ kpéí po. 20Ɔ mɔ̀ nyɔ ké ɔ poìn hwìɖǐi kà mɔ́ún poàìn hwìɖǐiɛ, ké nyɔ ɖò se ɓó ɔ wáún nì ɖe. Ɔ kɔ̃̀ ɖɛ ɓě ɓá ɓě dyíɛɛ jè gbo jɛ́ɛ́. 21Kɛɛ nyɔ tɔ̀ɔ̀ séín ɓěɔ̀ kɔ̃̀ wa mìɔùn nììn ɖɛ ɓě jè gbo ɖòùn. Wa se Jízɛ̀ Kɛ́ɖɛ́ì jè gbo kɔ̃̀. 22Ɓě mìɔùn dyuò kà Tímétè nyu ɖɛ kpaa kɛ. Ḿ kèɔ̀ kè nyùìn ma bɔ̃̌ nɔ̀mɔ̀ dyíinɔ̀ kũ̀à mú kà ɔ mɔ̀ɔ̌ kà ní dyú, ké ḿ mɔ̀ɔ̌ kà ɔ ɓǎa. 23Ɔ jèɛɛ, ḿ dyiɛ dyé kà ní jè mu nìɛ̀ nyuùn wɛ̃ɛ nyɛ̀nɛ̀ɛ̀ ní, ḿ dèɛ̀ hwòɖǒ kɔ̃ kà ɓɛ́ ní mu ɔ ɖé ɓě gbo tòùn wɛ̃. 24Ké ḿ dè Bounɓoɔ̀ hwòɖǒ kɔ̃ kà ḿ mìɔùn mu ɖé dyiìn wàɖà kɛ.
25Ḿ poɛ̀n hwìɖǐi kà ɓɛ́ ɔ nɔ̀mɔ̀ dyíin ɓɛ́ ḿ ké à ɖíí Ìpáfòɖòdátà ɖé ɓě gbo tòɛ. Ɔ mɔ̀ ḿ mǔè kũ̀à-nyu-nyɔ̀, ké à sɔ̃́ɔ̀ vɔ̃ ma to. Ɔ mɔ̀ ɓěɛ̀ ɖoɓo-nyɔ̀, ké ɔ ɖǎ ḿ gbo kpá ɓó ɖɛ ɓě ḿ mɔ́ɛɛ jè. 26Ɓěɛ̀ tó nì ma ɔ nyuɛń. Ɔ hwòɖǒɔ̀ kpá ɖé ɖei, sepóɛɖé ɓě ɖǎ ɔ wɛ́ jèɔ̀ wɔ̃́. 27Ɔ wɛ́ ma jǎà, ké ɔ táà ma mɛ́ɛ. Kɛɛ Gèɖèpɔ́ɔ̀ dyé ma ɔ wìǐn. Ɔ se ɔ ɖòùn, kɛɛ ɔ dyé mɔ́ún wìǐn ɖekè, ɓɛ́ ní wììɔ̀ ní kɔ̃̀ ɖà kɔ̃in deìn. 28Ɖɛa kɔ̃̀ jè, ɔ kpɔ̃ ḿ hwòɖǒ mìɔ, ɓɛ́ ḿ ké ɔ ɖé ɓě gbo ɖoɓo, ɓɛ́ ɓě dyi ɔ dyé ɖeín, ɓɛ́ ɓě ké múàǔn kpá, nìí, ní wììɔ̀ mu kɔ̃ sɔ̀ùn. 29Ɔ jèɛɛ, ɓě mɛ kpɔ̃ ɔ jè dyi ɖé Bounɓoɔ̀ mú, ɔ kè ɖé múà mú gàná. Ɓě mɛ dyé nyɔ ɓě nì kà ɔ mɔ̀ùn nìà kɛɛ kpéín, 30sepóɛɖé ɔ zà ɔ fɛ̀ɛ̀ɔ̀ jè hwòɖǒ gbo, ké ɔ táà ma mɛ́ɛ ɓó Kɛ́ɖɛ́ì kũ̀àɔ̀ jè, ɓɛ́ ɔ ké gbo-kpá-kpá ɓɛ́ ɓě se ma kà tòɛ̀ ɓɛ́ìn nyɛɛ tò.
Currently Selected:
Fèɖópĩ̀à 2: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Fèɖópĩ̀à 2
2
Kɛ́ɖɛ́ì mìɔùn ɓíɖíi-dyà-dyà kè ɔ dyií-ɖú-ɖú
1Kà ɓě nìà Kɛ́ɖɛ́ì múɛɛ, kpé kpá ɓě dyíì? Ɔ ɖɛ̀ɓɛ̀ǐn-ɖɛ̀ɓɛ̀ǐnɔ̀ dè ɓěɛ̀ hwòɖǒ dyiì? Ɓě kè Zùùɔ̀ ɓéɖé gbo-kpɔ̃ìn-kpɔ̃ìnǹ? Ɓě ɓéɖé ɖɛ̀ɓɛ̀ǐn-ɖɛ̀ɓɛ̀ǐn kè wìì? 2Ɔ dyi ná nìǐn, ɓěɛ̀ hwìɖǐi-poìn-ɖɛ̀ mɛ nì dyúáɖò, ké ɓěɛ̀ ɖɛ̀ɓɛ̀ǐn-ɖɛ̀ɓɛ̀ǐn mɛ nì dyúáɖò, ké ɓě mɛ ɓéɖé hwòɖǒ dyúáɖò kè fɔ̀nɔ̀-hwòɖǒ dyúáɖò, ɓɛ́ ɔ kéɛ nyu ɓɛ́ ní múàɔ̀ ké gbɔ hwɛ̀. 3Ɓěǐn ɖá ɓɛ́ ɓě ké ɖɛ ɖò nyu ɓó ɓě mìɔùn bìì vɔ̃ jè, mɔɔ ɓó ɓě mìɔùn bìì ɓɔ́ɖɔ́ jè. Kɛɛ ɓě mɛ dyà ɓě mìɔùn ɓíɖíi, ké ɓě mɛ ɓɔ́ɔ hwìɖǐi poɛ̀n kà ɓě kpa ɖɛ ké ɓě zi nyɔ tɔ̀ɔ̀ ɓě dyíɛ. 4Ké ɓě mɛ poìn nyɔ tɔ̀ɔ̀ ɓě jè hwìɖǐi. Ɓě ní poìn ɓě mìɔùn jè hwìɖǐi ɖòùn. 5Kpeɖe ɓɛ́ ɓě mɛ ɓéɖé ɓó nyɔ tɔ̀ɔ̀ ɓě bììɛɛ mɛ mɔ̀ nyɔ ɓɛ́ Kɛ́ɖɛ́ì Jízɛ̀ ɓéɖé ma kà kɛ. 6Ɔ nì ma kà Gèɖèpɔ́ɔ̀ nìà kɛɛ dyɛo, kɛɛ ɔ seɛ ma hwìɖǐi poìn, ɓɛ́ ɔ ké ma vɔ̃ gana-kà, ɓɛ́ ɔ nììn kpé kè Gèɖèpɔ́ɔ̀ nììn kpé ké ma wɔ̃ ɓɛ́ìn. 7Kɛɛ ɔ nyu ma ɔ mìɔùn, ké ɔ se ma ɖɛ kpa, ké ɔ nyu ma ɔ mìɔùn kà gbo-nì-nyɔ̀ nìà kɛ. Ɔ kè nyɔǔn-dyù hwɔìn ma ní. Ti ɔ wóɖó ma xwáɖáún wɛ̃ɛ, ɔ nì ma kà nyɔǔn-dyù nìà kɛ. 8Ɔ dyà ma ɔ mìɔùn ɓíɖíi, ké ɔ nyu ma Gèɖèpɔ́ɔ̀ wuɖu tee, ké ɔ mɛ́ ma ɖé hwòɖǒɛ̀-wɔ̃́-wɔ̃́ mú. Ɔ mɔ̀ ma kɔ́ɖɔ́sìɔ̀ kɔ̃ mɛ́ìn-mɛ́ìn. 9Ɔ jèɛɛ, Gèɖèpɔ́ɔ̀ ɖǎ ɔ dyií ɖú, ké ɔ ɖǎ ɔ ɖéé ɖé dyií kpa. Ké ɔ dè ma ɔ nyɛ́nɛ́, ké nyɛ́nɛ́ɔ̀ ɓúá dyí ké ɔ zi nyɛ́nɛ́ séín dyí, 10ɓɛ́ nyɔ séín ɓě nì ɖé dyɔún kè nɔ̄ ɓóɖó-kpàà kɔ̃ ɔ kè ɖé ɓóɖó-kpàà hwuɖuɛɛ, wa dyi Jízɛ̀ɛ̀ nyɛ́nɛ́ɔ̀ wɔ̃́ ní, wa ké kɔ́-dù hwuɖu taɓa. 11Ké nyɔǔn séín múɛ mú wɔ̃́ìn wáɖáá kà ɓɛ́ Jízɛ̀ Kɛ́ɖɛ́ì mɔ̀ Bounɓoɔ̀ kɛ, ɓɛ́ Gèɖèpɔ́ɔ̀ mɔ̀à Ɓǎɔ̀ kɛɛ ké ɓàìn-ɓàìn ɓéɖé.
À mɛ jǔ ce ɖé ɓóɖó-kpàà kɔ̃
12Ɔ jèɛɛ, ní ɖɛ̀ɓɛ̀-nyɔ̀ ɓě, kà ɓě nyu ma ní wuɖu tee ti ɓɛ́ ḿ nì ma ɖé ɓě gboɛɛ, ɔ zi ɖɛ kpauń mìɔ ɓɛ́ ɓě ké ní wuɖu nyu kàǔn, kà ɓɛ́ ḿ seà ɖé ɓě gbo nì ɖeɛ. Ɓě mɛ fɛ̃̀ìn, ɓɛ́ ɓě ké tɛɖɛ, ɓɛ́ ɓě ké ɓě mìɔùn nììn pó-póɔ̀ kũ̀à mú nyùìn, 13sepóɛɖé Gèɖèpɔ́ɔ̀ nì ɓě kũ̀à mú nyùɛ̌n, ɓɛ́ ɔ kéɛ nyu ɓɛ́ ɓěɛ̀ hwòɖǒɔ̀ ké wɔ̃́, ɓɛ́ ɓě ké kpé ɓɛ́ìn, ɓɛ́ ɓě ké ɖɛ ɔ hwòɖǒɔ̀ po gbɔɛɛ nyu.
14Ɓě mɛ nyu ɖɛ séín, ké ɓě ní ɖá ɓɛ́ ɓě ké jɛ, ɓɛ́ ɓě ké dòǐn zà, 15ɓɛ́ ɓě ké se kɛɛ kè ɖɛ gbà ɖò ɓéɖé, ɓɛ́ ɓě ké Gèɖèpɔ́ɔ̀ dyú sɛ́ɖɛ́ìn dyí ɓɛ́ wa cĩ́ ɖé nyɔǔn se dyí sɛ́ɖɛ́ìn, ké wa nyìnììn hwòɖǒ kɔ̃in nyɛɛ hwìɛ̀ kɛɛ jǔ. Ɓě mɛ fã ɖé wa hwìɛ̀ kà dɛ̀nɛ̀-dyù fãà ɖé ɓóɖó-kpàà kɔ̃ɛ, 16kà ɓě nyíà wa bɔ̃̌ ɓɛ́ ɔ ɓá fɛ̀ɛ̀ dyíɛ. Ɓě dyiɛ náa nyuín, nìí, ní mu ɖɛ kɔ̃̀ jè ḿ ké ɓɔ́ɖɔ́ ɓó Kɛ́ɖɛ́ì nììn wéɔ̀ múɛɛ ɓéɖéìn. Ɔ mu dyí-tɛ̀mɛ̀ìn-ɖɛ̀ jǔùn kà ɓɛ́ ɖɛ ɓě kɔ̃̀ jè ḿ vɔ̃ maa, ɔ kè kũ̀à ɓɛ́ ḿ nyu maa, ḿ se ma wa nyu pídyiɛ. 17Ti ɖòɛ̀ ɓaɖaín, wa mu ní nyɔmɔɔ̀ púèìn, ɓɛ́ ɔ ké sáa-zàìn-ɖɛ̀ ɓɛ́ ɓěɛ̀ hwìɖǐǐ-taɓa-taɓaɔ̀ zàìn Gèɖèpɔ́ɔ̀ xwáɖáún wɛ̃ɛ kɔ̃ wáɖá. Ɔ dyi ná nìǐn, ḿ kpá múàǔn, ké ḿ kè ɓě séín mu ní múàɔ̀ mú peɖeìn. 18Kà dyúáɖòɔ̀ kǎà ɓě mɔ̀ùn mɛ kpá múàǔn, ɓɛ́ ḿ kè ɓě ké ɓě nììn múàɔ̀ mú peɖeìn.
Tímétè kè Ìpáfòɖòdátà
19Ḿ dè Bounɓo Jízɛ̀ hwòɖǒ kɔ̃ kà ɓɛ́ ní mu Tímétè ɖé ɓě gbo tòùn wàɖà kɛ, ɓɛ́ bɔ̃̌ ɓě ɓɛ́ ní mu ɖé ɓě gbo wɔ̃́ùn wɛ̃ɛ ké ḿ kpéí po. 20Ɔ mɔ̀ nyɔ ké ɔ poìn hwìɖǐi kà mɔ́ún poàìn hwìɖǐiɛ, ké nyɔ ɖò se ɓó ɔ wáún nì ɖe. Ɔ kɔ̃̀ ɖɛ ɓě ɓá ɓě dyíɛɛ jè gbo jɛ́ɛ́. 21Kɛɛ nyɔ tɔ̀ɔ̀ séín ɓěɔ̀ kɔ̃̀ wa mìɔùn nììn ɖɛ ɓě jè gbo ɖòùn. Wa se Jízɛ̀ Kɛ́ɖɛ́ì jè gbo kɔ̃̀. 22Ɓě mìɔùn dyuò kà Tímétè nyu ɖɛ kpaa kɛ. Ḿ kèɔ̀ kè nyùìn ma bɔ̃̌ nɔ̀mɔ̀ dyíinɔ̀ kũ̀à mú kà ɔ mɔ̀ɔ̌ kà ní dyú, ké ḿ mɔ̀ɔ̌ kà ɔ ɓǎa. 23Ɔ jèɛɛ, ḿ dyiɛ dyé kà ní jè mu nìɛ̀ nyuùn wɛ̃ɛ nyɛ̀nɛ̀ɛ̀ ní, ḿ dèɛ̀ hwòɖǒ kɔ̃ kà ɓɛ́ ní mu ɔ ɖé ɓě gbo tòùn wɛ̃. 24Ké ḿ dè Bounɓoɔ̀ hwòɖǒ kɔ̃ kà ḿ mìɔùn mu ɖé dyiìn wàɖà kɛ.
25Ḿ poɛ̀n hwìɖǐi kà ɓɛ́ ɔ nɔ̀mɔ̀ dyíin ɓɛ́ ḿ ké à ɖíí Ìpáfòɖòdátà ɖé ɓě gbo tòɛ. Ɔ mɔ̀ ḿ mǔè kũ̀à-nyu-nyɔ̀, ké à sɔ̃́ɔ̀ vɔ̃ ma to. Ɔ mɔ̀ ɓěɛ̀ ɖoɓo-nyɔ̀, ké ɔ ɖǎ ḿ gbo kpá ɓó ɖɛ ɓě ḿ mɔ́ɛɛ jè. 26Ɓěɛ̀ tó nì ma ɔ nyuɛń. Ɔ hwòɖǒɔ̀ kpá ɖé ɖei, sepóɛɖé ɓě ɖǎ ɔ wɛ́ jèɔ̀ wɔ̃́. 27Ɔ wɛ́ ma jǎà, ké ɔ táà ma mɛ́ɛ. Kɛɛ Gèɖèpɔ́ɔ̀ dyé ma ɔ wìǐn. Ɔ se ɔ ɖòùn, kɛɛ ɔ dyé mɔ́ún wìǐn ɖekè, ɓɛ́ ní wììɔ̀ ní kɔ̃̀ ɖà kɔ̃in deìn. 28Ɖɛa kɔ̃̀ jè, ɔ kpɔ̃ ḿ hwòɖǒ mìɔ, ɓɛ́ ḿ ké ɔ ɖé ɓě gbo ɖoɓo, ɓɛ́ ɓě dyi ɔ dyé ɖeín, ɓɛ́ ɓě ké múàǔn kpá, nìí, ní wììɔ̀ mu kɔ̃ sɔ̀ùn. 29Ɔ jèɛɛ, ɓě mɛ kpɔ̃ ɔ jè dyi ɖé Bounɓoɔ̀ mú, ɔ kè ɖé múà mú gàná. Ɓě mɛ dyé nyɔ ɓě nì kà ɔ mɔ̀ùn nìà kɛɛ kpéín, 30sepóɛɖé ɔ zà ɔ fɛ̀ɛ̀ɔ̀ jè hwòɖǒ gbo, ké ɔ táà ma mɛ́ɛ ɓó Kɛ́ɖɛ́ì kũ̀àɔ̀ jè, ɓɛ́ ɔ ké gbo-kpá-kpá ɓɛ́ ɓě se ma kà tòɛ̀ ɓɛ́ìn nyɛɛ tò.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.