Fèɖópĩ̀à 4
4
Ɓě mɛ kpá múàǔn
1Ḿ ɖíí ɓě, ɓě mɔ̀ ní ɖɛ̀ɓɛ̀-nyɔ̀, ké ɓěɛ̀ tó nyu ḿ. Ɓě nyuɛ ké ḿ kpá múàǔn. Ɓě mɔ̀ ɖɛ kɔ̃̀ jè ḿ vɔ̃ ma kà kɛ. Ní ɖɛ̀ɓɛ̀-nyɔ̀ ɓě, kǎà ɓě mɛ nyànà kǎa dyi gãun-gãun ɖé Bounɓoɔ̀ mú.
2Dyùòɖádyà kè Sĩ̀tíkì, ḿ ɓaà ɓě, kà ɓě nìà Bounɓoɔ̀ múɛɛ, ɓě mɛ ɓéɖé hwòɖǒ dyúáɖò. 3Ké mɔ̀ mɔ̀à ḿ mǔè, ké ḿ dèà m̀ hwòɖǒ kɔ̃ɛɛ, m̀ mɛ kpá màa ɓě nìà kɛ gbo, sepóɛɖé ḿ kè wa ɖǎ bɔ̃̌ nɔ̀mɔ̀ dyíinɔ̀ kũ̀à mú nyùìn mìɔ. Wa kè Kɛ́nɛ́mɛ̀ ɔ kè ḿ mǔè kũ̀à-nyu-nyɔ̀ tɔ̀ɔ̀ ɓě ɓɛ́ waà nyɛ́nɛ́ céèà ɖé fɛ̀ɛ̀-cèè-ɖɛ̀ɔ̀ múɛɛ ɖǎ kũ̀àɔ̀ nyu.
4Ɓě mɛ kpá múàǔn ɖé Bounɓoɔ̀ mú tee. Ḿ mɛ cɛ̃ɛ ɖe. Ɓě mɛ kpá múàǔn. 5Nyɔǔn séín mɛ dyuòɛ̀ dyí kà ɓě ɓéɖé hwòɖǒ nɔ̀mɔ̀ dyíin ɓó nyɔǔn séín gboɛ. Bounɓoɔ̀ dyi-dyiɔ̀ ɖǎ dyi xwɛ̃́ìn. 6Ɓěɛ̀ hwòɖǒ ní gbǎìn dyií ɓó ɖɛ ɖò jè. Kɛɛ ti séín ɓě mu Gèɖèpɔ́ɔ̀ ɓaàùn wɛ̃ɛ, ɓě mɛ zɔ̀ ɖɛ ɓě kɔ̃̀ ɓě ké dyéɛ. Ɓě mɛ po ɔ zùo tee, ɓɛ́ ɓě ké ɔ ɖɛ zɔ̀. 7Ké Gèɖèpɔ́ɔ̀ gìɖìǐ kɔ̃̀ jè nyɔǔn-dyù seà múin wɔ̃́ɔ ɓɛ́ìn nyɛɛ mu ɓěɛ̀ hwòɖǒ-dyùàɔ̀ kè ɓěɛ̀ fɔ̀nɔ̀-hwòɖǒɔ̀ gbo kpáùn, ɓɛ́ ɔ ké wa dyí gmɔ̀ ɖé Kɛ́ɖɛ́ì Jízɛ̀ mú.
Ɓě poìn ɖɛ ɓě nìà kɛ jè hwìɖǐi
8Ḿ ɖíí ɓě, ɖɛ hwɛ̀ìn-gbɔɔ̀ mɔ̀, ɓě mɛ poìn ɖɛ ɓě nɔ̀mɔ̀ dyíin, ké wa nɔ̀mɔ̀ dyíin ɓɛ́ nyɔǔn ké wa ɓàìn nyɛɛ jè hwìɖǐi tee. Wa mɔ̀ ɖɛ ɓě mɔ̀ jǎà, ké nyɔǔn ɓɛ́ìn kpéín dyéɛ kè ɖɛ ɓě sɛ́ɖɛ́ìn dyí se kɛɛ ɖò ɓéɖé kè mú-ɖɛ̀ɓɛ̀-ɖɛ̀ ɓě ɔ kè ɖɛ ɓě zi dyíin nɔ̀mɔ̀ǔn wɛ̃. 9Ɖɛ ɓě ɓɛ́ ɓě ɖǎ ḿ gbo cɛ̃́, ké ɓě ɖǎ dyi kpɔ̃ sɔ̀ìn ɖé ḿ xwaún wɛ̃ɛ, ɓě mɛ nyu wa. Ké Gèɖèpɔ́ɔ̀ mɔ̀ nyɔ nyíà nyɔǔn gìɖìǐɛɛ mu ɓě gbo nììn.
Nyíí-ɖɛ̀ɔ̀ jè zùo-po-po
10Ḿ kpá múàǔn ɖé Bounɓoɔ̀ mú mìɔ, kà ti jĩ̀ kà ɓɛ́ ɓě ɖǎà nyuɛɛ, ɓě gmɔ̀ ḿ gbo ɖeɛ. Ɓě kɔ̃̀ ma ḿ jè gbo jǎà, kɛɛ ɓě se ma ti ɓéɖé ɓɛ́ ɓě ké ma ɖɛ ɖò nyu. 11Ḿ se ɖɛa cɛ̃, sepóɛɖé ḿ nì ɖɛ ɖò mɔ́uń jè. Sepóɛɖé ḿ ɖǎ kà ní hwòɖǒ ké ɖɛ ḿ ɓéɖéɛɛ gboi dèɛ̀n nyuɛɛ cɛ̃́. 12Ḿ dyuò kà ɔ jǔ ké nyɔ ɖò se ɖɛ ɔ kɔ̃̀ ɔ kéɔ́ dyéɛɛ ɓéɖéín, kà ɔ jè nyu nìɛ̀ kɛɛ dyí. Ké ḿ dyuò kà ɔ jǔ ké nyɔ ɖò dyi ɖɛ pàɖǎ ɓéɖéín, kà ɔ jè nyu nìɛ̀ kɛɛ dyí. Ḿ ɖǎ ɖɛ nìà kɛ cɛ̃́. Ɔ jèɛɛ, dà séín ɓɛ́ ḿ nì kɛ ɔ kè ɖé ɖɛ séín múɛɛ, ní hwòɖǒ dè dyi, kɛbì ḿ mɛ ɖoɓo, mɔɔ kɛbì mɔ́ mɛ nyu ḿ wɛ̃, mɔɔ kɛbì ḿ mɛ ɓéɖé ɖɛ pàɖǎ, mɔɔ kɛbì ḿ mɛ se ɖɛ ḿ kɔ̃̀ ḿ kéɔ́ ɓéɖéɛɛ ɓéɖé kɛ. 13Ḿ ɓɛ́ìn kpé ɓó ɖɛ séín nyu jè, dyììn ɖé Kɛ́ɖɛ́ì mɔ̀ nyɔ nyíà ḿ kpéɔ̀ kɛɛ mú.
14Kɛɛ ɓě nyu ma ɖɛ nɔ̀mɔ̀ dyíin ti ɓɛ́ ɓě kpá ma kà ḿ gbo, ti ɓɛ́ ḿ nì ma kà gǎ dyéɛń nyɛ. 15Ké ɓě mɔ̀à Féɖópà-nyɔ̀ ɓěɛɛ, ɓě mìɔùn dyuòɛ̀ kà ti ɓɛ́ ḿ dè ma kà bɔ̃̌ nɔ̀mɔ̀ dyíinɔ̀ kũ̀à mú nyùɛ̀n gbɔ, ké ḿ sɔ̀ ma kà ɖé Màsèdónìà-ɓòɖòɔ̀ kɔ̃ kɛɛ, ɖé ní ɖɛ-dyé-dyé ɔ kè ní ɖɛ-peɖe-peɖe ɓěɔ̀ múɛɛ, ɓě ɖòùn mɔ̀ ma cɔ́cì-nyɔ̀ ɓě kpá ma ḿ gboɛ. 16Ti ɓɛ́ ḿ nì ma ɖé Tɛ̀sàɖònákà-hwɔ̀ɖɔ̀ɔ̀ múɛɛ, ɓě tò ma ní gbo-kpá-kpá, ké ɓě seɛ ma nyùìn dyúáɖò. 17Ɔ se ɖɛ ɓɛ́ ḿ ké nyíí-ɖɛ̀ ɓě mɔ́uń nìɛ, kɛɛ ḿ mɔ́ ɓɛ́ nyíí-ɖɛ̀ ɓě ɓɛ́ ɓě dèà dyiɛɛ ké mú zaìn. 18Ḿ ɖǎ ɖɛ séín ḿ mɔ́ɛɛ dyé, ké ɔ seìn dyi. Kà ɓɛ́ Ìpáfòɖòdátà ɖǎà nyíí-ɖɛ̀ séín ɓě ɓɛ́ ɓě tòà ḿ gboɛɛ dyà kɛɛ, ḿ ɓéɖé ɖɛ séín ɓě ɓɛ́ ḿ kɔ̃̀ ḿ kéɔ́ ɓéɖéɛ. Ɔ nì kà sáa-zàìn-ɖɛ̀ nɔ̀mɔ̀ nyɔ́ún ɓě nìà kɛ ɖé Gèɖèpɔ́ɔ̀ gbo. Ɔ mɔ̀ nyíí-ɖɛ̀ ɓɛ́ ɔ ɓɛ́ìn dyi kpɔ̃ɔ, ké ɔ dè ɔ hwìɖǐiɛ. 19Ké ní Gèɖèpɔ́ɔ̀ mu ɖɛ séín ɓě kɔ̃̀ ɓě kéɔ́ ɓéɖéɛɛ ɓě nyíìn sɔ̀ìn ɖé ɔ bã-ɖɛ̀ zi dyí ɓúáuń nìà ɖé Kɛ́ɖɛ́ì Jízɛ̀ múɛɛ mú. 20À Gèɖèpɔ́ɔ̀ mɔ̀à à Ɓǎ kɛɛ mɛ ɓéɖé ɓàìn-ɓàìn ɓó sè-ná-sèɛ̀ tiín. Kǎà ɔ mɛ nì.
Cuò-wùɖù
21Ḿ zà Gèɖèpɔ́ɔ̀-nyɔ̀ séín ɓě nìà ɖé Kɛ́ɖɛ́ì Jízɛ̀ múɛɛ nyíɔún. À ɖíí ɓě ɓɛ́ wa nìà nɔ̄ ḿ gboɛɛ zà ɓě nyíɔún. 22Gèɖèpɔ́ɔ̀-nyɔ̀ séín nìà nɔ̄ kɛɛ zà ɓě nyíɔún. Nyɔ ɓě ɓɛ́ wa zà ɓě nyíɔún jɛ́ɛ́ kɛɛ mɔ̀ nyɔ ɓě nìà ɖé Síízɛ̀ ɓíɖí-gbǒ xwíníín nyɛ.
23Bounɓo Jízɛ̀ Kɛ́ɖɛ́ì mana mɛ nì ɓě kɔ̃.
Currently Selected:
Fèɖópĩ̀à 4: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Fèɖópĩ̀à 4
4
Ɓě mɛ kpá múàǔn
1Ḿ ɖíí ɓě, ɓě mɔ̀ ní ɖɛ̀ɓɛ̀-nyɔ̀, ké ɓěɛ̀ tó nyu ḿ. Ɓě nyuɛ ké ḿ kpá múàǔn. Ɓě mɔ̀ ɖɛ kɔ̃̀ jè ḿ vɔ̃ ma kà kɛ. Ní ɖɛ̀ɓɛ̀-nyɔ̀ ɓě, kǎà ɓě mɛ nyànà kǎa dyi gãun-gãun ɖé Bounɓoɔ̀ mú.
2Dyùòɖádyà kè Sĩ̀tíkì, ḿ ɓaà ɓě, kà ɓě nìà Bounɓoɔ̀ múɛɛ, ɓě mɛ ɓéɖé hwòɖǒ dyúáɖò. 3Ké mɔ̀ mɔ̀à ḿ mǔè, ké ḿ dèà m̀ hwòɖǒ kɔ̃ɛɛ, m̀ mɛ kpá màa ɓě nìà kɛ gbo, sepóɛɖé ḿ kè wa ɖǎ bɔ̃̌ nɔ̀mɔ̀ dyíinɔ̀ kũ̀à mú nyùìn mìɔ. Wa kè Kɛ́nɛ́mɛ̀ ɔ kè ḿ mǔè kũ̀à-nyu-nyɔ̀ tɔ̀ɔ̀ ɓě ɓɛ́ waà nyɛ́nɛ́ céèà ɖé fɛ̀ɛ̀-cèè-ɖɛ̀ɔ̀ múɛɛ ɖǎ kũ̀àɔ̀ nyu.
4Ɓě mɛ kpá múàǔn ɖé Bounɓoɔ̀ mú tee. Ḿ mɛ cɛ̃ɛ ɖe. Ɓě mɛ kpá múàǔn. 5Nyɔǔn séín mɛ dyuòɛ̀ dyí kà ɓě ɓéɖé hwòɖǒ nɔ̀mɔ̀ dyíin ɓó nyɔǔn séín gboɛ. Bounɓoɔ̀ dyi-dyiɔ̀ ɖǎ dyi xwɛ̃́ìn. 6Ɓěɛ̀ hwòɖǒ ní gbǎìn dyií ɓó ɖɛ ɖò jè. Kɛɛ ti séín ɓě mu Gèɖèpɔ́ɔ̀ ɓaàùn wɛ̃ɛ, ɓě mɛ zɔ̀ ɖɛ ɓě kɔ̃̀ ɓě ké dyéɛ. Ɓě mɛ po ɔ zùo tee, ɓɛ́ ɓě ké ɔ ɖɛ zɔ̀. 7Ké Gèɖèpɔ́ɔ̀ gìɖìǐ kɔ̃̀ jè nyɔǔn-dyù seà múin wɔ̃́ɔ ɓɛ́ìn nyɛɛ mu ɓěɛ̀ hwòɖǒ-dyùàɔ̀ kè ɓěɛ̀ fɔ̀nɔ̀-hwòɖǒɔ̀ gbo kpáùn, ɓɛ́ ɔ ké wa dyí gmɔ̀ ɖé Kɛ́ɖɛ́ì Jízɛ̀ mú.
Ɓě poìn ɖɛ ɓě nìà kɛ jè hwìɖǐi
8Ḿ ɖíí ɓě, ɖɛ hwɛ̀ìn-gbɔɔ̀ mɔ̀, ɓě mɛ poìn ɖɛ ɓě nɔ̀mɔ̀ dyíin, ké wa nɔ̀mɔ̀ dyíin ɓɛ́ nyɔǔn ké wa ɓàìn nyɛɛ jè hwìɖǐi tee. Wa mɔ̀ ɖɛ ɓě mɔ̀ jǎà, ké nyɔǔn ɓɛ́ìn kpéín dyéɛ kè ɖɛ ɓě sɛ́ɖɛ́ìn dyí se kɛɛ ɖò ɓéɖé kè mú-ɖɛ̀ɓɛ̀-ɖɛ̀ ɓě ɔ kè ɖɛ ɓě zi dyíin nɔ̀mɔ̀ǔn wɛ̃. 9Ɖɛ ɓě ɓɛ́ ɓě ɖǎ ḿ gbo cɛ̃́, ké ɓě ɖǎ dyi kpɔ̃ sɔ̀ìn ɖé ḿ xwaún wɛ̃ɛ, ɓě mɛ nyu wa. Ké Gèɖèpɔ́ɔ̀ mɔ̀ nyɔ nyíà nyɔǔn gìɖìǐɛɛ mu ɓě gbo nììn.
Nyíí-ɖɛ̀ɔ̀ jè zùo-po-po
10Ḿ kpá múàǔn ɖé Bounɓoɔ̀ mú mìɔ, kà ti jĩ̀ kà ɓɛ́ ɓě ɖǎà nyuɛɛ, ɓě gmɔ̀ ḿ gbo ɖeɛ. Ɓě kɔ̃̀ ma ḿ jè gbo jǎà, kɛɛ ɓě se ma ti ɓéɖé ɓɛ́ ɓě ké ma ɖɛ ɖò nyu. 11Ḿ se ɖɛa cɛ̃, sepóɛɖé ḿ nì ɖɛ ɖò mɔ́uń jè. Sepóɛɖé ḿ ɖǎ kà ní hwòɖǒ ké ɖɛ ḿ ɓéɖéɛɛ gboi dèɛ̀n nyuɛɛ cɛ̃́. 12Ḿ dyuò kà ɔ jǔ ké nyɔ ɖò se ɖɛ ɔ kɔ̃̀ ɔ kéɔ́ dyéɛɛ ɓéɖéín, kà ɔ jè nyu nìɛ̀ kɛɛ dyí. Ké ḿ dyuò kà ɔ jǔ ké nyɔ ɖò dyi ɖɛ pàɖǎ ɓéɖéín, kà ɔ jè nyu nìɛ̀ kɛɛ dyí. Ḿ ɖǎ ɖɛ nìà kɛ cɛ̃́. Ɔ jèɛɛ, dà séín ɓɛ́ ḿ nì kɛ ɔ kè ɖé ɖɛ séín múɛɛ, ní hwòɖǒ dè dyi, kɛbì ḿ mɛ ɖoɓo, mɔɔ kɛbì mɔ́ mɛ nyu ḿ wɛ̃, mɔɔ kɛbì ḿ mɛ ɓéɖé ɖɛ pàɖǎ, mɔɔ kɛbì ḿ mɛ se ɖɛ ḿ kɔ̃̀ ḿ kéɔ́ ɓéɖéɛɛ ɓéɖé kɛ. 13Ḿ ɓɛ́ìn kpé ɓó ɖɛ séín nyu jè, dyììn ɖé Kɛ́ɖɛ́ì mɔ̀ nyɔ nyíà ḿ kpéɔ̀ kɛɛ mú.
14Kɛɛ ɓě nyu ma ɖɛ nɔ̀mɔ̀ dyíin ti ɓɛ́ ɓě kpá ma kà ḿ gbo, ti ɓɛ́ ḿ nì ma kà gǎ dyéɛń nyɛ. 15Ké ɓě mɔ̀à Féɖópà-nyɔ̀ ɓěɛɛ, ɓě mìɔùn dyuòɛ̀ kà ti ɓɛ́ ḿ dè ma kà bɔ̃̌ nɔ̀mɔ̀ dyíinɔ̀ kũ̀à mú nyùɛ̀n gbɔ, ké ḿ sɔ̀ ma kà ɖé Màsèdónìà-ɓòɖòɔ̀ kɔ̃ kɛɛ, ɖé ní ɖɛ-dyé-dyé ɔ kè ní ɖɛ-peɖe-peɖe ɓěɔ̀ múɛɛ, ɓě ɖòùn mɔ̀ ma cɔ́cì-nyɔ̀ ɓě kpá ma ḿ gboɛ. 16Ti ɓɛ́ ḿ nì ma ɖé Tɛ̀sàɖònákà-hwɔ̀ɖɔ̀ɔ̀ múɛɛ, ɓě tò ma ní gbo-kpá-kpá, ké ɓě seɛ ma nyùìn dyúáɖò. 17Ɔ se ɖɛ ɓɛ́ ḿ ké nyíí-ɖɛ̀ ɓě mɔ́uń nìɛ, kɛɛ ḿ mɔ́ ɓɛ́ nyíí-ɖɛ̀ ɓě ɓɛ́ ɓě dèà dyiɛɛ ké mú zaìn. 18Ḿ ɖǎ ɖɛ séín ḿ mɔ́ɛɛ dyé, ké ɔ seìn dyi. Kà ɓɛ́ Ìpáfòɖòdátà ɖǎà nyíí-ɖɛ̀ séín ɓě ɓɛ́ ɓě tòà ḿ gboɛɛ dyà kɛɛ, ḿ ɓéɖé ɖɛ séín ɓě ɓɛ́ ḿ kɔ̃̀ ḿ kéɔ́ ɓéɖéɛ. Ɔ nì kà sáa-zàìn-ɖɛ̀ nɔ̀mɔ̀ nyɔ́ún ɓě nìà kɛ ɖé Gèɖèpɔ́ɔ̀ gbo. Ɔ mɔ̀ nyíí-ɖɛ̀ ɓɛ́ ɔ ɓɛ́ìn dyi kpɔ̃ɔ, ké ɔ dè ɔ hwìɖǐiɛ. 19Ké ní Gèɖèpɔ́ɔ̀ mu ɖɛ séín ɓě kɔ̃̀ ɓě kéɔ́ ɓéɖéɛɛ ɓě nyíìn sɔ̀ìn ɖé ɔ bã-ɖɛ̀ zi dyí ɓúáuń nìà ɖé Kɛ́ɖɛ́ì Jízɛ̀ múɛɛ mú. 20À Gèɖèpɔ́ɔ̀ mɔ̀à à Ɓǎ kɛɛ mɛ ɓéɖé ɓàìn-ɓàìn ɓó sè-ná-sèɛ̀ tiín. Kǎà ɔ mɛ nì.
Cuò-wùɖù
21Ḿ zà Gèɖèpɔ́ɔ̀-nyɔ̀ séín ɓě nìà ɖé Kɛ́ɖɛ́ì Jízɛ̀ múɛɛ nyíɔún. À ɖíí ɓě ɓɛ́ wa nìà nɔ̄ ḿ gboɛɛ zà ɓě nyíɔún. 22Gèɖèpɔ́ɔ̀-nyɔ̀ séín nìà nɔ̄ kɛɛ zà ɓě nyíɔún. Nyɔ ɓě ɓɛ́ wa zà ɓě nyíɔún jɛ́ɛ́ kɛɛ mɔ̀ nyɔ ɓě nìà ɖé Síízɛ̀ ɓíɖí-gbǒ xwíníín nyɛ.
23Bounɓo Jízɛ̀ Kɛ́ɖɛ́ì mana mɛ nì ɓě kɔ̃.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.