Gàɖézìà 2
2
Pɔ́ɔ̀ kè àpɔ́sò tɔ̀ɔ̀ ɓěɔ̀
1Ti zɔ̃ ɓaɖa-bùè sè hĩinyɛ ɖǎ ma ziɛɛ, ḿ kè Bànábà mu ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú ɖe. Ḿ kpa ma Tátɔ̀ ɖekè. 2Ḿ mu ma, sepóɛɖé Gèɖèpɔ́ɔ̀ tɛ̀mɛ̀ìn ma ḿ dyí kà ɓɛ́ ḿ ɓéɖé ɓɛ́ ḿ ké ma muɛ. Ti ɓɛ́ ḿ kè cɔ́cì-nàìn-nyɔ̀ ɓěɔ̀ ɖòùn poìn ma dà ɖò dyíɛɛ, ḿ zaìn ma bɔ̃̌ nɔ̀mɔ̀ dyíin ɓɛ́ ḿ nìà ɓóɖó-dù kà kò ɖò ɓěɛ̀ nyɔ ɓěɔ̀ gbo cɛ̃iń nyɛɛ jè wa gbo kɔ̃in. Ḿ se mɔ́ ɓɛ́ ḿ ké ma kũ̀à ɓɛ́ ḿ nyu ma kĩ́ín nyɛ ɔ kè nyɔ ɓɛ́ ḿ nìà nyuɛń kàǔn wɛ̃ɛ nyu pídyi. 3Tátɔ̀ ɓɛ́ ɔ nì ma kà ɓó ḿ gboɛɛ mɔ̀ ma Gíɖíì-nyɔ̀ dyɛo, kɛɛ wa se ma ɔ kɔ̃ nɛ́, ɓɛ́ ɔ ké ma sàà mɛ́. 4Gàa ɖíɛ́ ɓě ɓɛ́ wa ɖáìn wa mìɔùn à ɖíí ɓě, ké wa dyi ma à hwìɛ̀ kɛɛ mɔ́ ɓɛ́ wa ké ma ɔ sàà ɖáɓá. Nyɔ ɓě nìà kɛ dyi ma à hwìɛ̀ nyàà, ɓɛ́ wa ké buɛ̀-buɛ̀ ɓɛ́ à ɓéɖéà ɖé Kɛ́ɖɛ́ì Jízɛ̀ múɛɛ ɖeín dyi dyé. Wa mɔ́ ɓɛ́ wa ké ma à gǐì ɓě mú nyu. 5À se ma wa ti tííwè ɖò nyí dyɛ mɔ̀ùn, ɓɛ́ à ké jǎà nìà ɖé bɔ̃̌ nɔ̀mɔ̀ dyíinɔ̀ múɛɛ dyí gmɔ̀ nɔ̀mɔ̀ dyíin ɓó ɓě bìì.
6Kɛɛ nyɔ ɓě ɓɛ́ wa ɖáìn wa nàìn-nyɔ̀ ɓěɛɛ, wa se ma ḿ fɔ̀nɔ̀-hwòɖǒ kà kò ɖò nyí ɖe. Ḿ cɛ̃ ɖɛ nìà kɛ, sepóɛɖé ḿ se ɖé kɔ̃̀ nyɔ wa jǔ ma kɛ. Gèɖèpɔ́ɔ̀ se nyɔ ɖò kpéín dyé ɓɛ́ ɔ ké nyɔ ɖò mɔ̀ùn dyí zi. 7Kɛɛ wa dyéɛ kà ɓɛ́ Gèɖèpɔ́ɔ̀ ɖǎ ma ḿ kũ̀à mɔ̀à bɔ̃̌ nɔ̀mɔ̀ dyíinɔ̀ ɓóɖó-dù kà kò ɖò ɓěɛ̀ nyɔ ɓěɔ̀ gbo cɛ̃-cɛ̃ɔ̀ nyí, kà ɔ nyí ma kà Píɖɛ̀ kũ̀à mɔ̀à bɔ̃̌ nɔ̀mɔ̀ dyíinɔ̀ Júù-nyɔ̀ ɓěɔ̀ gbo cɛ̃-cɛ̃ kɛ. 8Sepóɛɖé Gèɖèpɔ́ɔ̀ kpé mɔ̀ nyɔ nyuɛ ɓɛ́ Píɖɛ̀ dyi ma kà àpɔ́sò jǔ ɖé Júù-nyɔ̀ ɓěɔ̀ gboɛɛ mɔ̀ nyɔ nyuɛ ké ḿ mɔ̀à àpɔ́sò ɖé ɓóɖó-dù kà kò ɖò ɓěɛ̀ nyɔ ɓěɔ̀ gbo ɖekèɛ̀. 9Jĩ́ìn kè Píɖɛ̀ ɔ kè Jɔ̃́ɔ́ ɓɛ́ wa ɖáìn nyɔ vɛ̀nɛ̀ kɛɛ dyéɛ kà ɓɛ́ Gèɖèpɔ́ɔ̀ ɖǎ ma ḿ mana-ɖɛ̀ nìà kɛ nyíɛ. Ɔ jèɛɛ, wa tó ma ḿ kè Bànábà xwaún dyi. Wa cɛ̃ɛ kà à mɔ̀ wa mǔè kũ̀à-nyu-nyɔ̀ ɓěɛ, ɓɛ́ à mɔ̀ùn ké ɓóɖó-dù kà kò ɖò ɓěɛ̀ nyɔ ɓěɔ̀ gbo mu, ɓɛ́ wa mɔ̀ùn ké Júù-nyɔ̀ ɓěɔ̀ gbo mu. 10Ɖɛ dyúáɖò wa zɔ̀ ma kɛɛ, ɔ mɔ̀ ɓɛ́ gǎ-dyé-nyɔ̀ ɓě nì ma wa hwìɛ̀ kɛɛ jè ké ma à hwìɖǐi nì. Ɔ mɔ̀ ɖɛ jɛ́ɛ́ kɔ̃̀ jè ḿ vɔ̃ ma ɓɛ́ ḿ ké ma nyuɛ.
Pɔ́ɔ̀ wùɖù Píɖɛ̀ gbo ɖé Ã́tìà-hwɔ̀ɖɔ̀ɔ̀ mú
11Kɛɛ ti ɓɛ́ Píɖɛ̀ dyi ma ɖé Ã́tìà-hwɔ̀ɖɔ̀ɔ̀ múɛɛ, ḿ wùɖù ma ɔ gbo ɖé nyɔǔn séín dyúa, sepóɛɖé zaa ɖǎ ma ɔ dúún wáɖá. 12Hwɛ̀ ɓɛ́ nyɔ ɓě ɓɛ́ Jĩ́ìn ɖoɓo ma kà kɛɛ ké ma ɖé nyiniɛɛ, ɔ kè à ɖíí ɓě mɔ̀à ɓóɖó-dù kà kò ɖò ɓěɛ̀ nyɔ ɓě kɛɛ nì ma dà dyúáɖò ɖɛ ɖiɛń tee. Kɛɛ ti ɓɛ́ gàa ɓě nìà kɛ nyini maa, ɔ sɔ̀ ma wa hwìɛ̀, ké ɔ kè wa ɓɔ́ ma ɖɛ ɖiɛ, sepóɛɖé ɔ fɛ̃̀ìn ma nyɔ ɓě ɓɛ́ wa mɔ́ ɓɛ́ wa ké ma kà ɓóɖó-dù kà kò ɖò ɓěɛ̀ nyɔ ɓěɔ̀ sàà ɖáɓáa dyi. 13À ɖíí Júù-nyɔ̀ tɔ̀ɔ̀ ɓěɔ̀ nyu ma ɖɛ kà dyéɖéi-nyu-nyɔ̀ ɓě nìà kɛ, kà ɓɛ́ Píɖɛ̀ nìɛ̀ ma kà nyuɛń nyɛ. Ké waà dyéɖéi-nyu-nyuɔ̀ nyuɛ ké Bànábà mɔ̀ùn sɔ̀ìn ma hwìǐ ɖekè. 14Ti ɓɛ́ ḿ dyéɛ ma kà ɓɛ́ wa nì ma hwìè se dyí sɛ́ɖɛ́ìn, ɓɛ́ ɔ kè jǎà nìà bɔ̃̌ nɔ̀mɔ̀ dyíinɔ̀ múɛɛ se hwɔìn nyɛɛ kpauń wɛ̃ɛ, ḿ cɛ̃ɛ ma Píɖɛ̀ gbo ɓó wa séín dyúa, ké ḿ ɖá, “M̀ mɔ̀ Júù-nyɔ̀, kɛɛ m̀ cĩ́ ma kà ɓóɖó-dù kà kò ɖò ɓěɛ̀ nyɔ ɓěɔ̀ cĩ́à kɛ. M̀ se ma cĩ́ kà Júù-nyɔ̀ ɓěɔ̀ cĩ́à kɛ. Nìí, xwɛ̌ m̀ ɓɛ́ìn ɓóɖó-dù kà kò ɖò ɓěɛ̀ nyɔ ɓěɔ̀ kɔ̃ nɛ́ɛ, ɓɛ́ wa ké cĩ́ kà Júù-nyɔ̀ ɓě cĩ́à kɛɛ kɛ́?”
Hwìɖǐǐ-taɓa-taɓa mɔ̀ nyɔ póìn Júù-nyɔ̀ ɓěɔ̀ kè ɓóɖó-dù kà kò ɖò ɓěɛ̀ nyɔ ɓěɔ̀
15Júù-nyɔ̀ mɔ̀ nyɔ wóɖóìn ma à. À se ɓóɖó-dù kà kò ɖò ɓěɛ̀ nyɔ ɓě mɔ̀à nàmàǔn-nyɔ̀ kɛ. 16Kɛɛ ɔ jèɛɛ, à dyuòɛ̀ dyí kà ɓɛ́ ɖɛ nyuɛ ké nyɔǔn sɛ́ɖɛ́ìn dyí ɖé Gèɖèpɔ́ɔ̀ dyéɖéín nyɛɛ, ɔ mɔ̀ Jízɛ̀ Kɛ́ɖɛ́ì hwìɖǐǐ-taɓa-taɓa ɖòùn. Gmaɔ̀ dyi-kpɔ̃-kpɔ̃ɔ̀ seɛ nyuɛ ɓɛ́ìn. À mɔ̀ùn ɖǎ ma Kɛ́ɖɛ́ì Jízɛ̀ hwìɖǐǐ taɓa, ɓɛ́ à ké dyí sɛ́ɖɛ́ìn ɖé Gèɖèpɔ́ɔ̀ dyéɖéín, dyììn ɖé à Kɛ́ɖɛ́ì hwìɖǐǐ-taɓa-taɓa mú, ké ɔ se ɖé gmaɔ̀ dyi-kpɔ̃-kpɔ̃ɔ̀ mú. Sepóɛɖé gmaɔ̀ dyi-kpɔ̃-kpɔ̃ɔ̀ seɛ nyuɛ́ mu, ɓɛ́ nyɔ ɖò ké dyí sɛ́ɖɛ́ìn ɖé Gèɖèpɔ́ɔ̀ dyéɖéín. 17Kàǔn wɛ̃ɛ, kà ɓɛ́ à nìà vɔ̃uń ɓɛ́ à kéà dyí sɛ́ɖɛ́ìn ɖé Gèɖèpɔ́ɔ̀ dyéɖéín ɖé Kɛ́ɖɛ́ì múɛɛ, ɔ dyi ná nì, ké à dyi nàmàǔn-nyɔ̀ jǔ kà ɓóɖó-dù kà kò ɖò ɓěɛ̀ nyɔ ɓěɔ̀ nìà kɛɛ ní, nìí, ɔ xwíníín mɔ̀ Kɛ́ɖɛ́ì nì nàmàǔn bìì kũ̀à nyuɛńe? Hée, ɔ se ná nì fɔɔ. 18Ɔ jǔ ké ḿ dyi ɖɛ ɓɛ́ ḿ ɖǎ ma wáɖáa po ɖe ní, nìí, ḿ nyu ḿ mìɔùn gma-wáɖá-nyɔ̀ mú. 19Ḿ mɛ́ ma ɖé gmaɔ̀ gbo, ɓɛ́ ḿ ké cĩ́ ɓó Gèɖèpɔ́ɔ̀ bìì. Gmaɔ̀ mɔ̀ nyɔ ɖáɓá ma ḿ. 20Ḿ kè Kɛ́ɖɛ́ì kpá ma kɔ́ɖɔ́sìɔ̀ kɔ̃, ké à mɛ́ ma. Ké cĩ́-cĩ́ ɓɛ́ ḿ nyuà kɛɛ, ɔ se mɔ̄ ɖe. Kɛ́ɖɛ́ì mɔ̀ nyɔ cĩ́à ɖé ḿ múɛ̀. Cĩ́ ɓɛ́ ḿ cĩ́à kàǔn wɛ̃ɛ, ḿ cĩ́ ɖé Gèɖèpɔ́ɔ̀ Dyú-gààɔ̀ hwìɖǐǐ-taɓa-taɓa mú. Ɔ ɖɛ̀ɓɛ̀ ma ḿ mú, ké ɔ tò ma ɔ mìɔùn ɓó ní jè. 21Ḿ seɛ nyuɛ́ mu ɓɛ́ Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ ké ɖɛ fóɖóún jǔ. Ɔ jǔ ké nyɔ ɖò dyi dyí sɛ́ɖɛ́ìn ɖé Gèɖèpɔ́ɔ̀ dyéɖéín, dyììn ɖé gmaɔ̀ múín, nìí, ɔ xwíníín mɔ̀ Kɛ́ɖɛ́ì mɛ́ ma pídyi.
Currently Selected:
Gàɖézìà 2: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Gàɖézìà 2
2
Pɔ́ɔ̀ kè àpɔ́sò tɔ̀ɔ̀ ɓěɔ̀
1Ti zɔ̃ ɓaɖa-bùè sè hĩinyɛ ɖǎ ma ziɛɛ, ḿ kè Bànábà mu ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú ɖe. Ḿ kpa ma Tátɔ̀ ɖekè. 2Ḿ mu ma, sepóɛɖé Gèɖèpɔ́ɔ̀ tɛ̀mɛ̀ìn ma ḿ dyí kà ɓɛ́ ḿ ɓéɖé ɓɛ́ ḿ ké ma muɛ. Ti ɓɛ́ ḿ kè cɔ́cì-nàìn-nyɔ̀ ɓěɔ̀ ɖòùn poìn ma dà ɖò dyíɛɛ, ḿ zaìn ma bɔ̃̌ nɔ̀mɔ̀ dyíin ɓɛ́ ḿ nìà ɓóɖó-dù kà kò ɖò ɓěɛ̀ nyɔ ɓěɔ̀ gbo cɛ̃iń nyɛɛ jè wa gbo kɔ̃in. Ḿ se mɔ́ ɓɛ́ ḿ ké ma kũ̀à ɓɛ́ ḿ nyu ma kĩ́ín nyɛ ɔ kè nyɔ ɓɛ́ ḿ nìà nyuɛń kàǔn wɛ̃ɛ nyu pídyi. 3Tátɔ̀ ɓɛ́ ɔ nì ma kà ɓó ḿ gboɛɛ mɔ̀ ma Gíɖíì-nyɔ̀ dyɛo, kɛɛ wa se ma ɔ kɔ̃ nɛ́, ɓɛ́ ɔ ké ma sàà mɛ́. 4Gàa ɖíɛ́ ɓě ɓɛ́ wa ɖáìn wa mìɔùn à ɖíí ɓě, ké wa dyi ma à hwìɛ̀ kɛɛ mɔ́ ɓɛ́ wa ké ma ɔ sàà ɖáɓá. Nyɔ ɓě nìà kɛ dyi ma à hwìɛ̀ nyàà, ɓɛ́ wa ké buɛ̀-buɛ̀ ɓɛ́ à ɓéɖéà ɖé Kɛ́ɖɛ́ì Jízɛ̀ múɛɛ ɖeín dyi dyé. Wa mɔ́ ɓɛ́ wa ké ma à gǐì ɓě mú nyu. 5À se ma wa ti tííwè ɖò nyí dyɛ mɔ̀ùn, ɓɛ́ à ké jǎà nìà ɖé bɔ̃̌ nɔ̀mɔ̀ dyíinɔ̀ múɛɛ dyí gmɔ̀ nɔ̀mɔ̀ dyíin ɓó ɓě bìì.
6Kɛɛ nyɔ ɓě ɓɛ́ wa ɖáìn wa nàìn-nyɔ̀ ɓěɛɛ, wa se ma ḿ fɔ̀nɔ̀-hwòɖǒ kà kò ɖò nyí ɖe. Ḿ cɛ̃ ɖɛ nìà kɛ, sepóɛɖé ḿ se ɖé kɔ̃̀ nyɔ wa jǔ ma kɛ. Gèɖèpɔ́ɔ̀ se nyɔ ɖò kpéín dyé ɓɛ́ ɔ ké nyɔ ɖò mɔ̀ùn dyí zi. 7Kɛɛ wa dyéɛ kà ɓɛ́ Gèɖèpɔ́ɔ̀ ɖǎ ma ḿ kũ̀à mɔ̀à bɔ̃̌ nɔ̀mɔ̀ dyíinɔ̀ ɓóɖó-dù kà kò ɖò ɓěɛ̀ nyɔ ɓěɔ̀ gbo cɛ̃-cɛ̃ɔ̀ nyí, kà ɔ nyí ma kà Píɖɛ̀ kũ̀à mɔ̀à bɔ̃̌ nɔ̀mɔ̀ dyíinɔ̀ Júù-nyɔ̀ ɓěɔ̀ gbo cɛ̃-cɛ̃ kɛ. 8Sepóɛɖé Gèɖèpɔ́ɔ̀ kpé mɔ̀ nyɔ nyuɛ ɓɛ́ Píɖɛ̀ dyi ma kà àpɔ́sò jǔ ɖé Júù-nyɔ̀ ɓěɔ̀ gboɛɛ mɔ̀ nyɔ nyuɛ ké ḿ mɔ̀à àpɔ́sò ɖé ɓóɖó-dù kà kò ɖò ɓěɛ̀ nyɔ ɓěɔ̀ gbo ɖekèɛ̀. 9Jĩ́ìn kè Píɖɛ̀ ɔ kè Jɔ̃́ɔ́ ɓɛ́ wa ɖáìn nyɔ vɛ̀nɛ̀ kɛɛ dyéɛ kà ɓɛ́ Gèɖèpɔ́ɔ̀ ɖǎ ma ḿ mana-ɖɛ̀ nìà kɛ nyíɛ. Ɔ jèɛɛ, wa tó ma ḿ kè Bànábà xwaún dyi. Wa cɛ̃ɛ kà à mɔ̀ wa mǔè kũ̀à-nyu-nyɔ̀ ɓěɛ, ɓɛ́ à mɔ̀ùn ké ɓóɖó-dù kà kò ɖò ɓěɛ̀ nyɔ ɓěɔ̀ gbo mu, ɓɛ́ wa mɔ̀ùn ké Júù-nyɔ̀ ɓěɔ̀ gbo mu. 10Ɖɛ dyúáɖò wa zɔ̀ ma kɛɛ, ɔ mɔ̀ ɓɛ́ gǎ-dyé-nyɔ̀ ɓě nì ma wa hwìɛ̀ kɛɛ jè ké ma à hwìɖǐi nì. Ɔ mɔ̀ ɖɛ jɛ́ɛ́ kɔ̃̀ jè ḿ vɔ̃ ma ɓɛ́ ḿ ké ma nyuɛ.
Pɔ́ɔ̀ wùɖù Píɖɛ̀ gbo ɖé Ã́tìà-hwɔ̀ɖɔ̀ɔ̀ mú
11Kɛɛ ti ɓɛ́ Píɖɛ̀ dyi ma ɖé Ã́tìà-hwɔ̀ɖɔ̀ɔ̀ múɛɛ, ḿ wùɖù ma ɔ gbo ɖé nyɔǔn séín dyúa, sepóɛɖé zaa ɖǎ ma ɔ dúún wáɖá. 12Hwɛ̀ ɓɛ́ nyɔ ɓě ɓɛ́ Jĩ́ìn ɖoɓo ma kà kɛɛ ké ma ɖé nyiniɛɛ, ɔ kè à ɖíí ɓě mɔ̀à ɓóɖó-dù kà kò ɖò ɓěɛ̀ nyɔ ɓě kɛɛ nì ma dà dyúáɖò ɖɛ ɖiɛń tee. Kɛɛ ti ɓɛ́ gàa ɓě nìà kɛ nyini maa, ɔ sɔ̀ ma wa hwìɛ̀, ké ɔ kè wa ɓɔ́ ma ɖɛ ɖiɛ, sepóɛɖé ɔ fɛ̃̀ìn ma nyɔ ɓě ɓɛ́ wa mɔ́ ɓɛ́ wa ké ma kà ɓóɖó-dù kà kò ɖò ɓěɛ̀ nyɔ ɓěɔ̀ sàà ɖáɓáa dyi. 13À ɖíí Júù-nyɔ̀ tɔ̀ɔ̀ ɓěɔ̀ nyu ma ɖɛ kà dyéɖéi-nyu-nyɔ̀ ɓě nìà kɛ, kà ɓɛ́ Píɖɛ̀ nìɛ̀ ma kà nyuɛń nyɛ. Ké waà dyéɖéi-nyu-nyuɔ̀ nyuɛ ké Bànábà mɔ̀ùn sɔ̀ìn ma hwìǐ ɖekè. 14Ti ɓɛ́ ḿ dyéɛ ma kà ɓɛ́ wa nì ma hwìè se dyí sɛ́ɖɛ́ìn, ɓɛ́ ɔ kè jǎà nìà bɔ̃̌ nɔ̀mɔ̀ dyíinɔ̀ múɛɛ se hwɔìn nyɛɛ kpauń wɛ̃ɛ, ḿ cɛ̃ɛ ma Píɖɛ̀ gbo ɓó wa séín dyúa, ké ḿ ɖá, “M̀ mɔ̀ Júù-nyɔ̀, kɛɛ m̀ cĩ́ ma kà ɓóɖó-dù kà kò ɖò ɓěɛ̀ nyɔ ɓěɔ̀ cĩ́à kɛ. M̀ se ma cĩ́ kà Júù-nyɔ̀ ɓěɔ̀ cĩ́à kɛ. Nìí, xwɛ̌ m̀ ɓɛ́ìn ɓóɖó-dù kà kò ɖò ɓěɛ̀ nyɔ ɓěɔ̀ kɔ̃ nɛ́ɛ, ɓɛ́ wa ké cĩ́ kà Júù-nyɔ̀ ɓě cĩ́à kɛɛ kɛ́?”
Hwìɖǐǐ-taɓa-taɓa mɔ̀ nyɔ póìn Júù-nyɔ̀ ɓěɔ̀ kè ɓóɖó-dù kà kò ɖò ɓěɛ̀ nyɔ ɓěɔ̀
15Júù-nyɔ̀ mɔ̀ nyɔ wóɖóìn ma à. À se ɓóɖó-dù kà kò ɖò ɓěɛ̀ nyɔ ɓě mɔ̀à nàmàǔn-nyɔ̀ kɛ. 16Kɛɛ ɔ jèɛɛ, à dyuòɛ̀ dyí kà ɓɛ́ ɖɛ nyuɛ ké nyɔǔn sɛ́ɖɛ́ìn dyí ɖé Gèɖèpɔ́ɔ̀ dyéɖéín nyɛɛ, ɔ mɔ̀ Jízɛ̀ Kɛ́ɖɛ́ì hwìɖǐǐ-taɓa-taɓa ɖòùn. Gmaɔ̀ dyi-kpɔ̃-kpɔ̃ɔ̀ seɛ nyuɛ ɓɛ́ìn. À mɔ̀ùn ɖǎ ma Kɛ́ɖɛ́ì Jízɛ̀ hwìɖǐǐ taɓa, ɓɛ́ à ké dyí sɛ́ɖɛ́ìn ɖé Gèɖèpɔ́ɔ̀ dyéɖéín, dyììn ɖé à Kɛ́ɖɛ́ì hwìɖǐǐ-taɓa-taɓa mú, ké ɔ se ɖé gmaɔ̀ dyi-kpɔ̃-kpɔ̃ɔ̀ mú. Sepóɛɖé gmaɔ̀ dyi-kpɔ̃-kpɔ̃ɔ̀ seɛ nyuɛ́ mu, ɓɛ́ nyɔ ɖò ké dyí sɛ́ɖɛ́ìn ɖé Gèɖèpɔ́ɔ̀ dyéɖéín. 17Kàǔn wɛ̃ɛ, kà ɓɛ́ à nìà vɔ̃uń ɓɛ́ à kéà dyí sɛ́ɖɛ́ìn ɖé Gèɖèpɔ́ɔ̀ dyéɖéín ɖé Kɛ́ɖɛ́ì múɛɛ, ɔ dyi ná nì, ké à dyi nàmàǔn-nyɔ̀ jǔ kà ɓóɖó-dù kà kò ɖò ɓěɛ̀ nyɔ ɓěɔ̀ nìà kɛɛ ní, nìí, ɔ xwíníín mɔ̀ Kɛ́ɖɛ́ì nì nàmàǔn bìì kũ̀à nyuɛńe? Hée, ɔ se ná nì fɔɔ. 18Ɔ jǔ ké ḿ dyi ɖɛ ɓɛ́ ḿ ɖǎ ma wáɖáa po ɖe ní, nìí, ḿ nyu ḿ mìɔùn gma-wáɖá-nyɔ̀ mú. 19Ḿ mɛ́ ma ɖé gmaɔ̀ gbo, ɓɛ́ ḿ ké cĩ́ ɓó Gèɖèpɔ́ɔ̀ bìì. Gmaɔ̀ mɔ̀ nyɔ ɖáɓá ma ḿ. 20Ḿ kè Kɛ́ɖɛ́ì kpá ma kɔ́ɖɔ́sìɔ̀ kɔ̃, ké à mɛ́ ma. Ké cĩ́-cĩ́ ɓɛ́ ḿ nyuà kɛɛ, ɔ se mɔ̄ ɖe. Kɛ́ɖɛ́ì mɔ̀ nyɔ cĩ́à ɖé ḿ múɛ̀. Cĩ́ ɓɛ́ ḿ cĩ́à kàǔn wɛ̃ɛ, ḿ cĩ́ ɖé Gèɖèpɔ́ɔ̀ Dyú-gààɔ̀ hwìɖǐǐ-taɓa-taɓa mú. Ɔ ɖɛ̀ɓɛ̀ ma ḿ mú, ké ɔ tò ma ɔ mìɔùn ɓó ní jè. 21Ḿ seɛ nyuɛ́ mu ɓɛ́ Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ ké ɖɛ fóɖóún jǔ. Ɔ jǔ ké nyɔ ɖò dyi dyí sɛ́ɖɛ́ìn ɖé Gèɖèpɔ́ɔ̀ dyéɖéín, dyììn ɖé gmaɔ̀ múín, nìí, ɔ xwíníín mɔ̀ Kɛ́ɖɛ́ì mɛ́ ma pídyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.