Gàɖézìà 1
1
Nyíɔún-zà-zà
1Céè-ɖɛ̀ nìà kɛ sɔ̀ mɔ̄ Pɔ́ɔ̀ gbo. Ḿ mɔ̀ àpɔ́sò. Ní àpɔ́sò-kũ̀àɔ̀ se ma nyɔǔn-dyù gbo sɔ̀ìn. Nyɔǔn-dyù seɛ nyu ɓɛ́ ḿ ké àpɔ́sò jǔ, kɛɛ Jízɛ̀ Kɛ́ɖɛ́ì kè Gèɖèpɔ́ɔ̀ mɔ̀à ɔ Ɓǎ, ɓɛ́ ɔ zà ma kà ɔ gĩɔ kɛɛ mɔ̀ nyɔ nyuɛ. 2Ḿ kè ɖíí séín ɓě nìà dà ḿ gboɛɛ zà ɓě mɔ̀ cɔ́cì-nyɔ̀ ɓě nìà ɖé Gàɖézìà-ɓòɖòɔ̀ kɔ̃ɛɛ nyíɔún.
3Gèɖèpɔ́ɔ̀ mɔ̀à à Ɓǎ kɛ kè à Bounɓo Jízɛ̀ Kɛ́ɖɛ́ì mɛ po ɓě mana kɔ̃, ɓɛ́ wa ké ɓě gìɖìǐ nyí.
4Kɛ́ɖɛ́ì tò ma ɔ mìɔùn ɓó à nàmàǔn ɓěɔ̀ jè, ɓɛ́ ɔ ké à ti nyìnììn dyíin ɓɛ́ à nìà múɛɛ xwaún zà kà à Gèɖèpɔ́ɔ̀ mɔ̀à à Ɓǎ kɛɛ mɔ́ ɓɛ́ ɔ kéɛ ma nyuɛ. 5Gèɖèpɔ́ɔ̀ mɛ ɓéɖé ɓàìn-ɓàìn ɓó sè-ná-sèɛ̀ tiín. Kǎà ɔ mɛ nì.
Bɔ̃̌ nɔ̀mɔ̀ dyíinɔ̀ nì dyúáɖò nyɛ̀nɛ̀ɛ̀
6Ḿ giniìn dyi mìɔ kà ɓɛ́ ɓě nì nyɔ ɓɛ́ ɔ ɖá ma kà ɓě dyììn ɖé Kɛ́ɖɛ́ìɛ̀ kpeɖeɛ̀-dyíin-nɔ̀mɔ̀-nɔ̀mɔ̀ múɛɛ kɔ̃ wãuń fṹàǔn, ké ɓě nìǎ bɔ̃̌ nɔ̀mɔ̀ dyíin kà kò ɖò gbo gmɔ̀ǐn nyɛ. 7Kɛɛ bɔ̃̌ nɔ̀mɔ̀ dyíin kà kò ɖò se nì dyɛ mɔ̀ùn. Nyɔ ɖíɛ́ ɓě nì ɓó, ké wa nì ɓě fũ̀à-fṹá nyùɛ̌n, ké wa nì vɔ̃uń ɓɛ́ wa ké bɔ̃̌ nɔ̀mɔ̀ dyíin ɓá Kɛ́ɖɛ́ì dyíɛɛ dyí zàìn. 8Kɛbì à mɔ̀ùn mɔɔ ínjà ɖò sɔ̀ìn ɖé dyɔún wɛ̃ɛ mɛ cɛ̃ bɔ̃̌ nɔ̀mɔ̀ dyíin kà kò ɖò ɓě gbo, ɓɛ́ ɔ kè nyɔ à cɛ̃ ma kà ɓě gboɛɛ ké se hwɔìn nyɛɛ ní, nìí, gboò-wùɖù mɛ nì ɔ kɔ̃. 9À ɖǎa ma cɛ̃ kĩ́ín, ké ḿ nìà cɛ̃iń ɖe kàǔn wɛ̃̀. Nyɔ ɖò dyi bɔ̃̌ nɔ̀mɔ̀ dyíin kà kò ɖò ɓɛ́ ɔ kè nyɔ ɓě kpɔ̃ ma dyi kĩ́ín nyɛɛ se hwɔìn nyɛɛ ɓě gbo dyà ní, nìí, gboò-wùɖù mɛ nì ɔ kɔ̃.
10Kàǔn wɛ̃ɛ, ɔ nì kà ḿ nì vɔ̃uń ɓɛ́ nyɔǔn-dyùɛ̀ hwòɖǒ ké ḿ múin dèìn nyɛɛ̀? Má, ḿ nì vɔ̃uń ɓɛ́ Gèɖèpɔ́ɔ̀ hwòɖǒ ké ḿ múin dèìne? Ḿ nì vɔ̃uń ɓɛ́ ḿ ké nyɔǔn-dyùɛ̀ hwòɖǒ dyi dèè? Ḿ dyiɔ́ vɔ̃uń nì, ɓɛ́ ḿ kéɔ́ nyɔǔn-dyùɛ̀ hwòɖǒ dyi dè ní, nìí, ḿ seɔ́ Kɛ́ɖɛ́ìɛ̀ gbo-nì-nyɔ̀ jǔɛ mu.
Kà Pɔ́ɔ̀ nyu ma àpɔ́sò jǔɛ kɛ
11Ḿ ɖíí ɓě, ḿ mɛ cɛ̃ ɓě ɖɛ nìà kɛ gbo. Bɔ̃̌ nɔ̀mɔ̀ dyíin ɓɛ́ ḿ cɛ̃ ma kà kɛɛ, ɔ se nyɔǔn-dyùɛ̀ nyuu-ɖɛ̀. 12Ḿ seɛ ma nyɔ ɖò gbo zà, mɔɔ nyɔ ɖò seɛ ma ḿ tɛ̀mɛ̀ìn. Kɛɛ Jízɛ̀ Kɛ́ɖɛ́ì mìɔùn tɛ̀mɛ̀ìn maa ḿ dyí.
13Ɓě ɖǎ kà ḿ nyu ma cĩ́ɛ ti ɓɛ́ ḿ nì ma kà Júù-nyɔ̀ ɓěɔ̀ ɓiè-ɖɛ̀ ɓěɔ̀ dyi kpɔ̃uń teeɛɛ jè wɔ̃́. Ḿ zi ma Gèɖèpɔ́ɔ̀ cɔ́cì-nyɔ̀ ɓěɔ̀ gǎ dyéɛ̌n mìɔ, ké ḿ vɔ̃ cá ɓɛ́ ḿ ké Gèɖèpɔ́ɔ̀ cɔ́cìɔ̀ mú gbɔɔ̀. 14Kà ḿ nyu ma Júù-nyɔ̀ ɓěɔ̀ ɓiè-ɖɛ̀ ɓěɔ̀ dyi kpɔ̃ɔ kɛɛ, ḿ zi ma ḿ mǔè Júù-nyɔ̀ pàɖǎ ɓɛ́ à zɔ̃ ɓɛ́ìn ma wɔ̃ɛɛ kɔ̃. Ḿ kpɔ̃ ma à ɓǎ sùà ɓěɔ̀ kpeɖe ɓěɔ̀ dyi kóɖó-kóɖó, ké ḿ zi ma ḿ mǔè ɓěɔ̀ mɔ̀ùn dyí.
15Kɛɛ Gèɖèpɔ́ɔ̀ gã zɔ̃̌ɔ̀ ḿ kĩ́ín ɖé ḿ ɖe xwíníín hwɛ̀ ké ḿ wóɖó ma, ké ɔ ɖá ma ḿ dyììn ɖé ɔ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ mú. 16Ké ti ɓɛ́ ɔ poɛ ma gbɔ, ɓɛ́ ɔ ké ma ɔ Dyú-gààɔ̀ ḿ dyí tɛ̀mɛ̀ìn, ɓɛ́ ḿ ké bɔ̃̌ nɔ̀mɔ̀ dyíin ɓá ɔ dyíɛɛ ɓóɖó-dù kà kò ɖò ɓěɛ̀ nyɔ ɓěɔ̀ gbo cɛ̃ɛ, ḿ se nyɔ kà kò ɖò gbo mu, ɓɛ́ ḿ kèɔ̀ kè ké ma ɖɛɔ̀ jè múin gmɔìn. 17Ké ḿ se ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú mu, ɓɛ́ ḿ ké ma nyɔ ɓě mɔ̀ ma kà àpɔ́sò kĩ́ín hwɛ̀ ɓɛ́ ḿ dyià àpɔ́sò jǔɛɛ dyé. Kɛɛ ḿ mu ma ɖé Àwéɖéɓìà-ɓòɖòɔ̀ kɔ̃ wàɖà, ké ḿ kɔ́ìn ma ɖé Dìmásìkɔ̀-hwɔ̀ɖɔ̀ɔ̀ mú ɖe. 18Zɔ̃ tã zi ma, hwɛ̀ ké ḿ mu ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ɓɛ́ ḿ ké ma Sífà mɔ̀à Píɖɛ̀ kɛɛ gboi té. Ḿ nyu ma ɖé ɔ gbo wíkì sɔ̃́ kè wé dyúáɖò. 19Ḿ se ma ɖé àpɔ́sò kà kò ɖò dyé, kɛɛ ɔ sèìn ma Jĩ́ìn mɔ̀à Bounɓoɔ̀ ɖíí-gààɔ̀ kɛ.
20Ɖɛ ɓɛ́ ḿ céèà kɛɛ mɔ̀ jǎà. Ḿ se se tɔ́mɔ́uń nì ɓó Gèɖèpɔ́ɔ̀ dyúa.
21Ɔ ɖǎ ma ná nìɛɛ, ḿ mu ma ɖé Síwíɖíà kè Sàɖésìà-ɓòɖò ɓěɔ̀ kɔ̃. 22Ɖé ti ɓěa múɛɛ, Kɛ́ɖɛ́ìɛ̀ cɔ́cì-nyɔ̀ ɓě nìà ɖé Júɖìà-ɓòɖòɔ̀ kɔ̃ɛɛ se ma ḿ dyé, ɓɛ́ wa ké ma ḿ dyí dyuò. 23Ɖɛ ɓě wa dyuò ma dyíɛɛ, ɔ mɔ̀ ɖɛ ɓɛ́ nyɔ tɔ̀ɔ̀ ɓě cɛ̃ ma wa gboɛ. Wa ɖá, “Gàa ɓɛ́ ɔ ɖɛ̀ɓɛ̀ ɓɛ́ ɔ ké ma kà à gǎ dyéìn nyɛɛ, ɔ nìǎ hwìɖǐǐ-taɓa-ɖɛ̀ ɓě ɓɛ́ ɔ vɔ̃ ɓɛ́ ɔ ké ma kà mú gbɔɔ̀ kĩ́ín nyɛɛ jè cɛ̃iń.” 24Ɔ jèɛɛ, wa ɓàìn ma Gèɖèpɔ́ɔ̀ ɓó ní jè.
Currently Selected:
Gàɖézìà 1: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Gàɖézìà 1
1
Nyíɔún-zà-zà
1Céè-ɖɛ̀ nìà kɛ sɔ̀ mɔ̄ Pɔ́ɔ̀ gbo. Ḿ mɔ̀ àpɔ́sò. Ní àpɔ́sò-kũ̀àɔ̀ se ma nyɔǔn-dyù gbo sɔ̀ìn. Nyɔǔn-dyù seɛ nyu ɓɛ́ ḿ ké àpɔ́sò jǔ, kɛɛ Jízɛ̀ Kɛ́ɖɛ́ì kè Gèɖèpɔ́ɔ̀ mɔ̀à ɔ Ɓǎ, ɓɛ́ ɔ zà ma kà ɔ gĩɔ kɛɛ mɔ̀ nyɔ nyuɛ. 2Ḿ kè ɖíí séín ɓě nìà dà ḿ gboɛɛ zà ɓě mɔ̀ cɔ́cì-nyɔ̀ ɓě nìà ɖé Gàɖézìà-ɓòɖòɔ̀ kɔ̃ɛɛ nyíɔún.
3Gèɖèpɔ́ɔ̀ mɔ̀à à Ɓǎ kɛ kè à Bounɓo Jízɛ̀ Kɛ́ɖɛ́ì mɛ po ɓě mana kɔ̃, ɓɛ́ wa ké ɓě gìɖìǐ nyí.
4Kɛ́ɖɛ́ì tò ma ɔ mìɔùn ɓó à nàmàǔn ɓěɔ̀ jè, ɓɛ́ ɔ ké à ti nyìnììn dyíin ɓɛ́ à nìà múɛɛ xwaún zà kà à Gèɖèpɔ́ɔ̀ mɔ̀à à Ɓǎ kɛɛ mɔ́ ɓɛ́ ɔ kéɛ ma nyuɛ. 5Gèɖèpɔ́ɔ̀ mɛ ɓéɖé ɓàìn-ɓàìn ɓó sè-ná-sèɛ̀ tiín. Kǎà ɔ mɛ nì.
Bɔ̃̌ nɔ̀mɔ̀ dyíinɔ̀ nì dyúáɖò nyɛ̀nɛ̀ɛ̀
6Ḿ giniìn dyi mìɔ kà ɓɛ́ ɓě nì nyɔ ɓɛ́ ɔ ɖá ma kà ɓě dyììn ɖé Kɛ́ɖɛ́ìɛ̀ kpeɖeɛ̀-dyíin-nɔ̀mɔ̀-nɔ̀mɔ̀ múɛɛ kɔ̃ wãuń fṹàǔn, ké ɓě nìǎ bɔ̃̌ nɔ̀mɔ̀ dyíin kà kò ɖò gbo gmɔ̀ǐn nyɛ. 7Kɛɛ bɔ̃̌ nɔ̀mɔ̀ dyíin kà kò ɖò se nì dyɛ mɔ̀ùn. Nyɔ ɖíɛ́ ɓě nì ɓó, ké wa nì ɓě fũ̀à-fṹá nyùɛ̌n, ké wa nì vɔ̃uń ɓɛ́ wa ké bɔ̃̌ nɔ̀mɔ̀ dyíin ɓá Kɛ́ɖɛ́ì dyíɛɛ dyí zàìn. 8Kɛbì à mɔ̀ùn mɔɔ ínjà ɖò sɔ̀ìn ɖé dyɔún wɛ̃ɛ mɛ cɛ̃ bɔ̃̌ nɔ̀mɔ̀ dyíin kà kò ɖò ɓě gbo, ɓɛ́ ɔ kè nyɔ à cɛ̃ ma kà ɓě gboɛɛ ké se hwɔìn nyɛɛ ní, nìí, gboò-wùɖù mɛ nì ɔ kɔ̃. 9À ɖǎa ma cɛ̃ kĩ́ín, ké ḿ nìà cɛ̃iń ɖe kàǔn wɛ̃̀. Nyɔ ɖò dyi bɔ̃̌ nɔ̀mɔ̀ dyíin kà kò ɖò ɓɛ́ ɔ kè nyɔ ɓě kpɔ̃ ma dyi kĩ́ín nyɛɛ se hwɔìn nyɛɛ ɓě gbo dyà ní, nìí, gboò-wùɖù mɛ nì ɔ kɔ̃.
10Kàǔn wɛ̃ɛ, ɔ nì kà ḿ nì vɔ̃uń ɓɛ́ nyɔǔn-dyùɛ̀ hwòɖǒ ké ḿ múin dèìn nyɛɛ̀? Má, ḿ nì vɔ̃uń ɓɛ́ Gèɖèpɔ́ɔ̀ hwòɖǒ ké ḿ múin dèìne? Ḿ nì vɔ̃uń ɓɛ́ ḿ ké nyɔǔn-dyùɛ̀ hwòɖǒ dyi dèè? Ḿ dyiɔ́ vɔ̃uń nì, ɓɛ́ ḿ kéɔ́ nyɔǔn-dyùɛ̀ hwòɖǒ dyi dè ní, nìí, ḿ seɔ́ Kɛ́ɖɛ́ìɛ̀ gbo-nì-nyɔ̀ jǔɛ mu.
Kà Pɔ́ɔ̀ nyu ma àpɔ́sò jǔɛ kɛ
11Ḿ ɖíí ɓě, ḿ mɛ cɛ̃ ɓě ɖɛ nìà kɛ gbo. Bɔ̃̌ nɔ̀mɔ̀ dyíin ɓɛ́ ḿ cɛ̃ ma kà kɛɛ, ɔ se nyɔǔn-dyùɛ̀ nyuu-ɖɛ̀. 12Ḿ seɛ ma nyɔ ɖò gbo zà, mɔɔ nyɔ ɖò seɛ ma ḿ tɛ̀mɛ̀ìn. Kɛɛ Jízɛ̀ Kɛ́ɖɛ́ì mìɔùn tɛ̀mɛ̀ìn maa ḿ dyí.
13Ɓě ɖǎ kà ḿ nyu ma cĩ́ɛ ti ɓɛ́ ḿ nì ma kà Júù-nyɔ̀ ɓěɔ̀ ɓiè-ɖɛ̀ ɓěɔ̀ dyi kpɔ̃uń teeɛɛ jè wɔ̃́. Ḿ zi ma Gèɖèpɔ́ɔ̀ cɔ́cì-nyɔ̀ ɓěɔ̀ gǎ dyéɛ̌n mìɔ, ké ḿ vɔ̃ cá ɓɛ́ ḿ ké Gèɖèpɔ́ɔ̀ cɔ́cìɔ̀ mú gbɔɔ̀. 14Kà ḿ nyu ma Júù-nyɔ̀ ɓěɔ̀ ɓiè-ɖɛ̀ ɓěɔ̀ dyi kpɔ̃ɔ kɛɛ, ḿ zi ma ḿ mǔè Júù-nyɔ̀ pàɖǎ ɓɛ́ à zɔ̃ ɓɛ́ìn ma wɔ̃ɛɛ kɔ̃. Ḿ kpɔ̃ ma à ɓǎ sùà ɓěɔ̀ kpeɖe ɓěɔ̀ dyi kóɖó-kóɖó, ké ḿ zi ma ḿ mǔè ɓěɔ̀ mɔ̀ùn dyí.
15Kɛɛ Gèɖèpɔ́ɔ̀ gã zɔ̃̌ɔ̀ ḿ kĩ́ín ɖé ḿ ɖe xwíníín hwɛ̀ ké ḿ wóɖó ma, ké ɔ ɖá ma ḿ dyììn ɖé ɔ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ mú. 16Ké ti ɓɛ́ ɔ poɛ ma gbɔ, ɓɛ́ ɔ ké ma ɔ Dyú-gààɔ̀ ḿ dyí tɛ̀mɛ̀ìn, ɓɛ́ ḿ ké bɔ̃̌ nɔ̀mɔ̀ dyíin ɓá ɔ dyíɛɛ ɓóɖó-dù kà kò ɖò ɓěɛ̀ nyɔ ɓěɔ̀ gbo cɛ̃ɛ, ḿ se nyɔ kà kò ɖò gbo mu, ɓɛ́ ḿ kèɔ̀ kè ké ma ɖɛɔ̀ jè múin gmɔìn. 17Ké ḿ se ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú mu, ɓɛ́ ḿ ké ma nyɔ ɓě mɔ̀ ma kà àpɔ́sò kĩ́ín hwɛ̀ ɓɛ́ ḿ dyià àpɔ́sò jǔɛɛ dyé. Kɛɛ ḿ mu ma ɖé Àwéɖéɓìà-ɓòɖòɔ̀ kɔ̃ wàɖà, ké ḿ kɔ́ìn ma ɖé Dìmásìkɔ̀-hwɔ̀ɖɔ̀ɔ̀ mú ɖe. 18Zɔ̃ tã zi ma, hwɛ̀ ké ḿ mu ma ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú, ɓɛ́ ḿ ké ma Sífà mɔ̀à Píɖɛ̀ kɛɛ gboi té. Ḿ nyu ma ɖé ɔ gbo wíkì sɔ̃́ kè wé dyúáɖò. 19Ḿ se ma ɖé àpɔ́sò kà kò ɖò dyé, kɛɛ ɔ sèìn ma Jĩ́ìn mɔ̀à Bounɓoɔ̀ ɖíí-gààɔ̀ kɛ.
20Ɖɛ ɓɛ́ ḿ céèà kɛɛ mɔ̀ jǎà. Ḿ se se tɔ́mɔ́uń nì ɓó Gèɖèpɔ́ɔ̀ dyúa.
21Ɔ ɖǎ ma ná nìɛɛ, ḿ mu ma ɖé Síwíɖíà kè Sàɖésìà-ɓòɖò ɓěɔ̀ kɔ̃. 22Ɖé ti ɓěa múɛɛ, Kɛ́ɖɛ́ìɛ̀ cɔ́cì-nyɔ̀ ɓě nìà ɖé Júɖìà-ɓòɖòɔ̀ kɔ̃ɛɛ se ma ḿ dyé, ɓɛ́ wa ké ma ḿ dyí dyuò. 23Ɖɛ ɓě wa dyuò ma dyíɛɛ, ɔ mɔ̀ ɖɛ ɓɛ́ nyɔ tɔ̀ɔ̀ ɓě cɛ̃ ma wa gboɛ. Wa ɖá, “Gàa ɓɛ́ ɔ ɖɛ̀ɓɛ̀ ɓɛ́ ɔ ké ma kà à gǎ dyéìn nyɛɛ, ɔ nìǎ hwìɖǐǐ-taɓa-ɖɛ̀ ɓě ɓɛ́ ɔ vɔ̃ ɓɛ́ ɔ ké ma kà mú gbɔɔ̀ kĩ́ín nyɛɛ jè cɛ̃iń.” 24Ɔ jèɛɛ, wa ɓàìn ma Gèɖèpɔ́ɔ̀ ɓó ní jè.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.