Gàɖézìà 3
3
Gmaɔ̀ mɔɔ hwìɖǐǐ-taɓa-taɓa
1Gàɖézìà-nyɔ̀ ɓě, ɓě zuɖuín. Ɓě mɔ̀ nyɔ ɓɛ́ wa tɛ̀mɛ̀ìn ma kà Jízɛ̀ Kɛ́ɖɛ́ì kɔ́ɖɔ́sìɔ̀ kɔ̃ mɛ́ jè dyí jɛ́ɛ́ kɛɛ, nyɛ́ taɓa ɓě hweɛ́? 2Ɓě mɛ cɛ̃ ḿ ɖɛ dyúáɖò nìà kɛ gbo. Gmaɔ̀ dyi-kpɔ̃-kpɔ̃ɔ̀ nyuɛ ké ɓě ɓéɖé ma Gèɖèpɔ́ɔ̀ Zùùɔ̀, mɔɔ ɔ mɔ̀ ma bɔ̃̌ nɔ̀mɔ̀ dyíinɔ̀ wɔ̃́-wɔ̃́ kè ɔ hwìɖǐǐ-taɓa-taɓaɔ̀ɔ̀? 3Xwɛ̌ ɓě ɓɛ́ìn kà zuɖuɛ nyuɛ cáá? Ɓě dè ma ɖɛɔ̀ nyuɛ gbɔ ɖé Gèɖèpɔ́ɔ̀ Zùùɔ̀ mú. Kɛɛ kàǔn wɛ̃ɛ, ɓě mɔ́ ɓɛ́ ɓě mìɔùn nììn nyuu-ɖɛ̀ kéá ɔ dúí jaɖaà? 4Ɖɛ séín ɓě ɓɛ́ ɓě ɖǎ mú mùìn nyɛɛ, ɔ mɔ̀ pídyiì? Ɔ mɔ̀ pídyi cáà? 5Ti ɓɛ́ Gèɖèpɔ́ɔ̀ nyí ɓě Zùùɔ̀, ké ɔ nyu zɛ̃̀ìn-ɖɛ̀ ɖé ɓě hwìɛ̀ kɛɛ, ɔ nyuɛ, sepóɛɖé ɓě kpɔ̃ gmaɔ̀ dyi jèè, mɔɔ ɓě wɔ̃́ bɔ̃̌ nɔ̀mɔ̀ dyíinɔ̀, ké ɓě taɓa ɔ hwìɖǐǐ jèè?
6Kǎà Ééɓòɖòhɛ̃́ɛ̀ nyuɛ ma. Gèɖèpɔ́ɔ̀-cèè-ɖɛ̀ɔ̀ ɖá, “Ɔ taɓa ma Gèɖèpɔ́ɔ̀ hwìɖǐǐ, ké Gèɖèpɔ́ɔ̀ ɖáìn ma ɔ dyí-sɛ́ɖɛ́ìn-nyɔ̀ dyììn ɖé ɔ hwìɖǐǐ-taɓa-taɓaɔ̀ mú.” 7Ɔ jèɛɛ, ɓě mɛ dyéɛ kà nyɔ ɓě ɓéɖé hwìɖǐǐ-taɓa-taɓa kɛɛ, wa mɔ̀ nyɔ ɓě mɔ̀à Ééɓòɖòhɛ̃́ɛ̀ nyúà-dyú ɓěɔ̀ kɛ̀. 8Gèɖèpɔ́ɔ̀-cèè-ɖɛ̀ céè-nyɔ̀ ɓěɔ̀ dyéɛ zɔ̃̌ɔ̀ kĩ́ín kà ɓɛ́ Gèɖèpɔ́ɔ̀ muɛ ma nyuùn, ɓɛ́ ɓóɖó-dù kà kò ɖò ɓěɛ̀ nyɔ ɓěɔ̀ ké ma dyí sɛ́ɖɛ́ìn ɖé ɔ dyéɖéín, dyììn ɖé hwìɖǐǐ-taɓa-taɓa múɛ. Ɔ jèɛɛ, Gèɖèpɔ́ɔ̀-cèè-ɖɛ̀ɔ̀ cɛ̃ zɔ̃̌ɔ̀ Ééɓòɖòhɛ̃́ɛ̀ bɔ̃̌ nɔ̀mɔ̀ dyíinɔ̀ gbo kĩ́ín. Ɔ cɛ̃ɛ zɔ̃̌ɔ̀, ké ɔ ɖá, “Dyììn ɖé m̀ múɛɛ, Gèɖèpɔ́ɔ̀ mu ɓóɖó-dù séín mana kɔ̃ poùn.” 9Ééɓòɖòhɛ̃́ɛ̀ taɓa ma ɔ hwìɖǐǐ, ké ɔ dyé mana. Ɔ jèɛɛ, nyɔ séín ɓě ɓéɖé hwìɖǐǐ-taɓa-taɓaa dyé mana kà ɔ mɔ̀ùn dyéɛ ma kà kɛ.
10Nyɔ ɓě ɓɛ́ wa dèà gmaɔ̀ dyi-kpɔ̃-kpɔ̃ɔ̀ hwòɖǒ kɔ̃ kɛɛ, hwòɛ̌-wùɖù nì wa kɔ̃, sepóɛɖé Gèɖèpɔ́ɔ̀-cèè-ɖɛ̀ɔ̀ ɖá, “Hwòɛ̌-wùɖù mu nyɔ séín ɓě ɓɛ́ wa se Gèɖèpɔ́ɔ̀ gma ɓěɔ̀ dyi kpɔ̃ɔ́ muɛɛ kɔ̃ nììn.” 11Ɔ nì wáɖáá cá kà ɓɛ́ nyɔ ɖò se dyí sɛ́ɖɛ́ìn ɖé Gèɖèpɔ́ɔ̀ dyéɖéín dyììn ɖé gmaɔ̀ múɛ, sepóɛɖé Gèɖèpɔ́ɔ̀-cèè-ɖɛ̀ɔ̀ ɖá, “Nyɔ ɓě sɛ́ɖɛ́ìn dyíɛɛ mu cĩ́ìn dyììn ɖé hwìɖǐǐ-taɓa-taɓa mú.” 12Kɛɛ gmaɔ̀ se hwìɖǐǐ-taɓa-taɓa dyí ɓá, sepóɛɖé Gèɖèpɔ́ɔ̀-cèè-ɖɛ̀ɔ̀ ɖá, “Nyɔ ɓě ɓɛ́ wa kpɔ̃ gma ɓěɔ̀ dyiɛɛ mu cĩ́ìn dyììn ɖé wa mú.”
13Kɛ́ɖɛ́ì ɖǎ à gboò-wùɖù ɓɛ́ gmaɔ̀ dyà kɛɛ xwaún gbǎà, sepóɛɖé ɔ mɔ̀ ma nyɔ ɓɛ́ gboò-wùɖù nì ma kɔ̃ ɓó à bììɛ. Kà Gèɖèpɔ́ɔ̀-cèè-ɖɛ̀ɔ̀ nyuɛ cɛ̃ɛ kɛɛ, ɔ kɛ̀. Ɔ ɖá, “Gèɖèpɔ́ɔ̀ gboò-wùɖù nì xwɛ́ séín ɓě beè kà ɓó cu dyaiɛɛ kɔ̃.” 14Kɛ́ɖɛ́ì nyuɛ ma náa, ɓɛ́ mana ɓɛ́ Gèɖèpɔ́ɔ̀ ɖáìn ma kà Ééɓòɖòhɛ̃́ɛ̀ nyɛ́nɛ́ín nyɛɛ ké ɓóɖó-dù kà kò ɖò ɓěɛ̀ nyɔ ɓěɔ̀ kɔ̃̀ɔ̀-ɖɛ̀ jǔ dyììn ɖé Kɛ́ɖɛ́ì Jízɛ̀ mú, ɓɛ́ à mɔ̀ùn ké Zùù ɓɛ́ Gèɖèpɔ́ɔ̀ ɖáìn ma à nyɛ́nɛ́ín nyɛɛ ɓéɖé dyììn ɖé hwìɖǐǐ-taɓa-taɓa mú.
Gmaɔ̀ kè nyɛ́nɛ́ín-ɖáìn-ɖɛ̀ɔ̀
15Ḿ ɖíí ɓě, ní mu m̀ nyɔǔn-dyùɛ̀ dyí-tɛ̀mɛ̀ìn-ɖɛ̀ ɖò nyíìn. Ɔ jǔ ké nyɔ sɔ̃́ dyi wuɖu dè, ké wa dyiɛ ɓíɖíi céè, ké wa dyi ɓó waà nyɛ́nɛ́ poín, nyɔ ɖò seɛ nyuɛ ɓɛ́ìn ɓɛ́ ɔ ké ɖɛ fóɖóún jǔ, mɔɔ nyɔ ɖò se ɓó ɖɛ ɖò kɔ̃in poɛ ɓɛ́ìn. 16Gèɖèpɔ́ɔ̀ ɖáìn ma Ééɓòɖòhɛ̃́ɛ̀ kè ɔ nyúà-dyúɔ̀ ɖɛ ɓěɔ̀ nyɛ́nɛ́ín. Ɔ seɛ cɛ̃, ɓɛ́ ɔ ké níiń, “Ɔ kè ɔ nyúà-dyú ɓěɔ̀,” ɓɛ́ ɔ xwíníín mɔ̀à nyɔ pàɖǎ kɛ. Kɛɛ ɔ ɖá, “Ɔ kè nì nyúà-dyú,” ɓɛ́ ɔ xwíníín mɔ̀à nyɔ dyúáɖò ɓɛ́ ɔ mɔ̀à Kɛ́ɖɛ́ì ɖòùn wɛ̃. 17Ɖɛ ḿ nìà cɛ̃iń nyɛɛ, ɔ kɛ̀. Gèɖèpɔ́ɔ̀ nyu ma dèè-wùɖù ɖò, ké ɔ cɛ̃ɛ kà ɔ muɛ dyi kpɔ̃ùn wɛ̃. Gma ɓɛ́ ɔ dyi ma kà ti ɓɛ́ zɔ̃ hɔ̃dɛ̀ɖɛ̀ hĩinyɛ kè kpáɖá-nyɔ ɓaɖa-bùè ɖǎ ma ziɛɛ, ɔ seɛ nyuɛ ɓɛ́ìn ɓɛ́ dèè-wùɖù nì ma kà kɛɛ ké ɖɛ fóɖóún jǔ, ɓɛ́ ɔ kéɛ nyu ɓɛ́ ɖɛ ɖò ké se nyɛ́nɛ́ín-ɖáìn-ɖɛ̀ɔ̀ mú nì ɖe. 18Sepóɛɖé ɔ jǔ ké ɖɛ ɓɛ́ Gèɖèpɔ́ɔ̀ tòà kɛɛ dyi gmaɔ̀ mú dyììn ní, nìí, ɔ se ɔ nyɛ́nɛ́ín-ɖáìn-ɖɛ̀ɔ̀ mú dyììn ɖe. Kɛɛ Gèɖèpɔ́ɔ̀ nyíɛ ma Ééɓòɖòhɛ̃́ɛ̀, sepóɛɖé ɔ ɖáìn zɔ̃̌ɔ̀ ɔ nyɛ́nɛ́ín.
19Ɖɛ́ kɔ̃̀ jè gmaɔ̀ nìà kɛ́? Gèɖèpɔ́ɔ̀ tòɛ̀ ma, ɓɛ́ ɔ ké ɖɛ ɓɛ́ ɖɛ-gbà-nyu-nyu jǔɛɛ nyɔǔn dyí tɛ̀mɛ̀ìn, ɓɛ́ ɔ ké nì ɓɛ́ Ééɓòɖòhɛ̃́ɛ̀ nyúà-dyú ɓɛ́ Gèɖèpɔ́ɔ̀ ɖáìn ma kà ɖɛɔ̀ nyɛ́nɛ́ín nyɛɛ ké ma dyi hwɛ̀. Ínjà ɓěɔ̀ mɔ̀ nyɔ zàìn ma gmaɔ̀ nyɔǔn-dyù xwáɖáún dyììn ɖé nyɔ mɔ̀ ma kà nyɔ-dù sɔ̃́ ɓěɔ̀ bìì mú-zĩìn-nyɔ̀ kɛɛ mú. 20Kɛɛ wa se nyɔ mɔ̀à nyɔ sɔ̃́ ɓěɔ̀ bìì mú-zĩìn-nyɔ̀ kɛɛ mɔ́, ɔ jǔ ké nyɔ ɓě kɔ̃̀ bìì ɔ kéɔ́ kà mú zĩìn nyɛɛ dyi dyúáɖò nìǐn. Ké Gèɖèpɔ́ɔ̀ nì dyúáɖò.
Ɖɛ kɔ̃̀ jè Gèɖèpɔ́ɔ̀ tòà gmaɔ̀ kɛ
21Nìí, ɖɛ nìà kɛ xwíníín mɔ̀, gmaɔ̀ nì Gèɖèpɔ́ɔ̀ nyɛ́nɛ́ín-ɖáìn-ɖɛ̀ ɓěɔ̀ gbo vɔ̃uńe? Hée, ɔ se ná nì fɔɔ. Sepóɛɖé ɔ jǔ ké Gèɖèpɔ́ɔ̀ dyi ma gma ɖò ɓɛ́ ɔ ɓɛ́ìn nyɔǔn fɛ̀ɛ̀ nyíɛ kɛɛ tòǐn, nìí, nyɔǔn-dyù ɓɛ́ìnɔ̌ dyí sɛ́ɖɛ́ìn ɖé Gèɖèpɔ́ɔ̀ gbo, dyììn ɖé gmaɔ̀ mú. 22Kɛɛ Gèɖèpɔ́ɔ̀-cèè-ɖɛ̀ɔ̀ ɖǎa cɛ̃ kà ɓɛ́ ɓóɖó-kpà gàná nìà kɛ nì nàmàǔn kpé xwíɖíiɛ, ɓɛ́ nyɔ ɓě ɓɛ́ wa ɓéɖéà hwìɖǐǐ-taɓa-taɓa kɛɛ ké ɖɛ Gèɖèpɔ́ɔ̀ ɖáìn ma kà nyɔǔn nyɛ́nɛ́ín, ɓɛ́ ɔ nyí nyɔǔn ɓó wa Jízɛ̀ Kɛ́ɖɛ́ì hwìɖǐǐ taɓa jèɛɛ dyé.
23Hwɛ̀ ɓɛ́ hwìɖǐǐ-taɓa-taɓa nìà kɛ ké ma dyiɛɛ, à nì ma kà kpɔɖɔ-ɖeín-nì-nyɔ̀ ɓě nìà kɛ, ké gmaɔ̀ mɔ̀ ma à dyí-gmɔ̀-nyɔ̀ tee, ɓɛ́ hwìɖǐǐ-taɓa-taɓa nìà kɛ ké xwáɖáún wóɖó hwɛ̀. 24Ɔ jèɛɛ, gmaɔ̀ gmɔ̀ ma à dyí, ɓɛ́ ɔ ké à dyi-kpɔ̃-nyɔ̀ jǔ tee, ɓɛ́ Kɛ́ɖɛ́ì ké ma dyi hwɛ̀, ɓɛ́ dyììn ɖé hwìɖǐǐ-taɓa-taɓa múɛɛ, à ké dyí sɛ́ɖɛ́ìn ɖé Gèɖèpɔ́ɔ̀ dyéɖéín. 25Kɛɛ kàǔn wɛ̃ɛ, kà hwìɖǐǐ-taɓa-taɓa nìà kɛ ɖǎà dyiɛɛ, à dyi-kpɔ̃-nyɔ̀ɔ̀ ní gmɔ̀ à dyí ɖe. 26Sepóɛɖé dyììn ɖé hwìɖǐǐ-taɓa-taɓa múɛɛ, ɓě séín mɔ̀ǎ Gèɖèpɔ́ɔ̀ dyú ɓě ɖé Kɛ́ɖɛ́ì Jízɛ̀ mú. 27Sepóɛɖé nyɔ séín ɓɛ́ wa ɖǎ níɔ kpá, ké ɔ nyuɛ ké wa kè Kɛ́ɖɛ́ì ɖǎ nyɔ dyúáɖò jǔɛɛ, ɔ nì kà Kɛ́ɖɛ́ì mɔ̀ɔ̌ kà ɖɔ, ké wa ɖǎɔ̌ kà ɔ mú poɛ. 28Ɔ jèɛɛ, gbo-zaìn-zaìn ɖò se ɓó Júù-nyɔ̀ kè ɓóɖó-dù kà kò ɖò ɓěɛ̀ nyɔ ɔ kè gǐì kè nyɔ se gǐìɛ ɔ kè gàa kè màa pṹa nì. Ɓě séín mɔ̀ǎ nyɔ dyúáɖò ɖé Kɛ́ɖɛ́ì Jízɛ̀ mú. 29Kɛɛ ɔ jǔ ké Kɛ́ɖɛ́ì dyi ɓě kɔ̃̀ǐn, nìí, ɓě mɔ̀ǎ Ééɓòɖòhɛ̃́ɛ̀ nyúà-dyú ɓěɔ̀, ké ɓě mu ɖɛ Gèɖèpɔ́ɔ̀ ɖáìn nyɔǔn nyɛ́nɛ́ín nyɛɛ kɔ̃̀ùn.
Currently Selected:
Gàɖézìà 3: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
Gàɖézìà 3
3
Gmaɔ̀ mɔɔ hwìɖǐǐ-taɓa-taɓa
1Gàɖézìà-nyɔ̀ ɓě, ɓě zuɖuín. Ɓě mɔ̀ nyɔ ɓɛ́ wa tɛ̀mɛ̀ìn ma kà Jízɛ̀ Kɛ́ɖɛ́ì kɔ́ɖɔ́sìɔ̀ kɔ̃ mɛ́ jè dyí jɛ́ɛ́ kɛɛ, nyɛ́ taɓa ɓě hweɛ́? 2Ɓě mɛ cɛ̃ ḿ ɖɛ dyúáɖò nìà kɛ gbo. Gmaɔ̀ dyi-kpɔ̃-kpɔ̃ɔ̀ nyuɛ ké ɓě ɓéɖé ma Gèɖèpɔ́ɔ̀ Zùùɔ̀, mɔɔ ɔ mɔ̀ ma bɔ̃̌ nɔ̀mɔ̀ dyíinɔ̀ wɔ̃́-wɔ̃́ kè ɔ hwìɖǐǐ-taɓa-taɓaɔ̀ɔ̀? 3Xwɛ̌ ɓě ɓɛ́ìn kà zuɖuɛ nyuɛ cáá? Ɓě dè ma ɖɛɔ̀ nyuɛ gbɔ ɖé Gèɖèpɔ́ɔ̀ Zùùɔ̀ mú. Kɛɛ kàǔn wɛ̃ɛ, ɓě mɔ́ ɓɛ́ ɓě mìɔùn nììn nyuu-ɖɛ̀ kéá ɔ dúí jaɖaà? 4Ɖɛ séín ɓě ɓɛ́ ɓě ɖǎ mú mùìn nyɛɛ, ɔ mɔ̀ pídyiì? Ɔ mɔ̀ pídyi cáà? 5Ti ɓɛ́ Gèɖèpɔ́ɔ̀ nyí ɓě Zùùɔ̀, ké ɔ nyu zɛ̃̀ìn-ɖɛ̀ ɖé ɓě hwìɛ̀ kɛɛ, ɔ nyuɛ, sepóɛɖé ɓě kpɔ̃ gmaɔ̀ dyi jèè, mɔɔ ɓě wɔ̃́ bɔ̃̌ nɔ̀mɔ̀ dyíinɔ̀, ké ɓě taɓa ɔ hwìɖǐǐ jèè?
6Kǎà Ééɓòɖòhɛ̃́ɛ̀ nyuɛ ma. Gèɖèpɔ́ɔ̀-cèè-ɖɛ̀ɔ̀ ɖá, “Ɔ taɓa ma Gèɖèpɔ́ɔ̀ hwìɖǐǐ, ké Gèɖèpɔ́ɔ̀ ɖáìn ma ɔ dyí-sɛ́ɖɛ́ìn-nyɔ̀ dyììn ɖé ɔ hwìɖǐǐ-taɓa-taɓaɔ̀ mú.” 7Ɔ jèɛɛ, ɓě mɛ dyéɛ kà nyɔ ɓě ɓéɖé hwìɖǐǐ-taɓa-taɓa kɛɛ, wa mɔ̀ nyɔ ɓě mɔ̀à Ééɓòɖòhɛ̃́ɛ̀ nyúà-dyú ɓěɔ̀ kɛ̀. 8Gèɖèpɔ́ɔ̀-cèè-ɖɛ̀ céè-nyɔ̀ ɓěɔ̀ dyéɛ zɔ̃̌ɔ̀ kĩ́ín kà ɓɛ́ Gèɖèpɔ́ɔ̀ muɛ ma nyuùn, ɓɛ́ ɓóɖó-dù kà kò ɖò ɓěɛ̀ nyɔ ɓěɔ̀ ké ma dyí sɛ́ɖɛ́ìn ɖé ɔ dyéɖéín, dyììn ɖé hwìɖǐǐ-taɓa-taɓa múɛ. Ɔ jèɛɛ, Gèɖèpɔ́ɔ̀-cèè-ɖɛ̀ɔ̀ cɛ̃ zɔ̃̌ɔ̀ Ééɓòɖòhɛ̃́ɛ̀ bɔ̃̌ nɔ̀mɔ̀ dyíinɔ̀ gbo kĩ́ín. Ɔ cɛ̃ɛ zɔ̃̌ɔ̀, ké ɔ ɖá, “Dyììn ɖé m̀ múɛɛ, Gèɖèpɔ́ɔ̀ mu ɓóɖó-dù séín mana kɔ̃ poùn.” 9Ééɓòɖòhɛ̃́ɛ̀ taɓa ma ɔ hwìɖǐǐ, ké ɔ dyé mana. Ɔ jèɛɛ, nyɔ séín ɓě ɓéɖé hwìɖǐǐ-taɓa-taɓaa dyé mana kà ɔ mɔ̀ùn dyéɛ ma kà kɛ.
10Nyɔ ɓě ɓɛ́ wa dèà gmaɔ̀ dyi-kpɔ̃-kpɔ̃ɔ̀ hwòɖǒ kɔ̃ kɛɛ, hwòɛ̌-wùɖù nì wa kɔ̃, sepóɛɖé Gèɖèpɔ́ɔ̀-cèè-ɖɛ̀ɔ̀ ɖá, “Hwòɛ̌-wùɖù mu nyɔ séín ɓě ɓɛ́ wa se Gèɖèpɔ́ɔ̀ gma ɓěɔ̀ dyi kpɔ̃ɔ́ muɛɛ kɔ̃ nììn.” 11Ɔ nì wáɖáá cá kà ɓɛ́ nyɔ ɖò se dyí sɛ́ɖɛ́ìn ɖé Gèɖèpɔ́ɔ̀ dyéɖéín dyììn ɖé gmaɔ̀ múɛ, sepóɛɖé Gèɖèpɔ́ɔ̀-cèè-ɖɛ̀ɔ̀ ɖá, “Nyɔ ɓě sɛ́ɖɛ́ìn dyíɛɛ mu cĩ́ìn dyììn ɖé hwìɖǐǐ-taɓa-taɓa mú.” 12Kɛɛ gmaɔ̀ se hwìɖǐǐ-taɓa-taɓa dyí ɓá, sepóɛɖé Gèɖèpɔ́ɔ̀-cèè-ɖɛ̀ɔ̀ ɖá, “Nyɔ ɓě ɓɛ́ wa kpɔ̃ gma ɓěɔ̀ dyiɛɛ mu cĩ́ìn dyììn ɖé wa mú.”
13Kɛ́ɖɛ́ì ɖǎ à gboò-wùɖù ɓɛ́ gmaɔ̀ dyà kɛɛ xwaún gbǎà, sepóɛɖé ɔ mɔ̀ ma nyɔ ɓɛ́ gboò-wùɖù nì ma kɔ̃ ɓó à bììɛ. Kà Gèɖèpɔ́ɔ̀-cèè-ɖɛ̀ɔ̀ nyuɛ cɛ̃ɛ kɛɛ, ɔ kɛ̀. Ɔ ɖá, “Gèɖèpɔ́ɔ̀ gboò-wùɖù nì xwɛ́ séín ɓě beè kà ɓó cu dyaiɛɛ kɔ̃.” 14Kɛ́ɖɛ́ì nyuɛ ma náa, ɓɛ́ mana ɓɛ́ Gèɖèpɔ́ɔ̀ ɖáìn ma kà Ééɓòɖòhɛ̃́ɛ̀ nyɛ́nɛ́ín nyɛɛ ké ɓóɖó-dù kà kò ɖò ɓěɛ̀ nyɔ ɓěɔ̀ kɔ̃̀ɔ̀-ɖɛ̀ jǔ dyììn ɖé Kɛ́ɖɛ́ì Jízɛ̀ mú, ɓɛ́ à mɔ̀ùn ké Zùù ɓɛ́ Gèɖèpɔ́ɔ̀ ɖáìn ma à nyɛ́nɛ́ín nyɛɛ ɓéɖé dyììn ɖé hwìɖǐǐ-taɓa-taɓa mú.
Gmaɔ̀ kè nyɛ́nɛ́ín-ɖáìn-ɖɛ̀ɔ̀
15Ḿ ɖíí ɓě, ní mu m̀ nyɔǔn-dyùɛ̀ dyí-tɛ̀mɛ̀ìn-ɖɛ̀ ɖò nyíìn. Ɔ jǔ ké nyɔ sɔ̃́ dyi wuɖu dè, ké wa dyiɛ ɓíɖíi céè, ké wa dyi ɓó waà nyɛ́nɛ́ poín, nyɔ ɖò seɛ nyuɛ ɓɛ́ìn ɓɛ́ ɔ ké ɖɛ fóɖóún jǔ, mɔɔ nyɔ ɖò se ɓó ɖɛ ɖò kɔ̃in poɛ ɓɛ́ìn. 16Gèɖèpɔ́ɔ̀ ɖáìn ma Ééɓòɖòhɛ̃́ɛ̀ kè ɔ nyúà-dyúɔ̀ ɖɛ ɓěɔ̀ nyɛ́nɛ́ín. Ɔ seɛ cɛ̃, ɓɛ́ ɔ ké níiń, “Ɔ kè ɔ nyúà-dyú ɓěɔ̀,” ɓɛ́ ɔ xwíníín mɔ̀à nyɔ pàɖǎ kɛ. Kɛɛ ɔ ɖá, “Ɔ kè nì nyúà-dyú,” ɓɛ́ ɔ xwíníín mɔ̀à nyɔ dyúáɖò ɓɛ́ ɔ mɔ̀à Kɛ́ɖɛ́ì ɖòùn wɛ̃. 17Ɖɛ ḿ nìà cɛ̃iń nyɛɛ, ɔ kɛ̀. Gèɖèpɔ́ɔ̀ nyu ma dèè-wùɖù ɖò, ké ɔ cɛ̃ɛ kà ɔ muɛ dyi kpɔ̃ùn wɛ̃. Gma ɓɛ́ ɔ dyi ma kà ti ɓɛ́ zɔ̃ hɔ̃dɛ̀ɖɛ̀ hĩinyɛ kè kpáɖá-nyɔ ɓaɖa-bùè ɖǎ ma ziɛɛ, ɔ seɛ nyuɛ ɓɛ́ìn ɓɛ́ dèè-wùɖù nì ma kà kɛɛ ké ɖɛ fóɖóún jǔ, ɓɛ́ ɔ kéɛ nyu ɓɛ́ ɖɛ ɖò ké se nyɛ́nɛ́ín-ɖáìn-ɖɛ̀ɔ̀ mú nì ɖe. 18Sepóɛɖé ɔ jǔ ké ɖɛ ɓɛ́ Gèɖèpɔ́ɔ̀ tòà kɛɛ dyi gmaɔ̀ mú dyììn ní, nìí, ɔ se ɔ nyɛ́nɛ́ín-ɖáìn-ɖɛ̀ɔ̀ mú dyììn ɖe. Kɛɛ Gèɖèpɔ́ɔ̀ nyíɛ ma Ééɓòɖòhɛ̃́ɛ̀, sepóɛɖé ɔ ɖáìn zɔ̃̌ɔ̀ ɔ nyɛ́nɛ́ín.
19Ɖɛ́ kɔ̃̀ jè gmaɔ̀ nìà kɛ́? Gèɖèpɔ́ɔ̀ tòɛ̀ ma, ɓɛ́ ɔ ké ɖɛ ɓɛ́ ɖɛ-gbà-nyu-nyu jǔɛɛ nyɔǔn dyí tɛ̀mɛ̀ìn, ɓɛ́ ɔ ké nì ɓɛ́ Ééɓòɖòhɛ̃́ɛ̀ nyúà-dyú ɓɛ́ Gèɖèpɔ́ɔ̀ ɖáìn ma kà ɖɛɔ̀ nyɛ́nɛ́ín nyɛɛ ké ma dyi hwɛ̀. Ínjà ɓěɔ̀ mɔ̀ nyɔ zàìn ma gmaɔ̀ nyɔǔn-dyù xwáɖáún dyììn ɖé nyɔ mɔ̀ ma kà nyɔ-dù sɔ̃́ ɓěɔ̀ bìì mú-zĩìn-nyɔ̀ kɛɛ mú. 20Kɛɛ wa se nyɔ mɔ̀à nyɔ sɔ̃́ ɓěɔ̀ bìì mú-zĩìn-nyɔ̀ kɛɛ mɔ́, ɔ jǔ ké nyɔ ɓě kɔ̃̀ bìì ɔ kéɔ́ kà mú zĩìn nyɛɛ dyi dyúáɖò nìǐn. Ké Gèɖèpɔ́ɔ̀ nì dyúáɖò.
Ɖɛ kɔ̃̀ jè Gèɖèpɔ́ɔ̀ tòà gmaɔ̀ kɛ
21Nìí, ɖɛ nìà kɛ xwíníín mɔ̀, gmaɔ̀ nì Gèɖèpɔ́ɔ̀ nyɛ́nɛ́ín-ɖáìn-ɖɛ̀ ɓěɔ̀ gbo vɔ̃uńe? Hée, ɔ se ná nì fɔɔ. Sepóɛɖé ɔ jǔ ké Gèɖèpɔ́ɔ̀ dyi ma gma ɖò ɓɛ́ ɔ ɓɛ́ìn nyɔǔn fɛ̀ɛ̀ nyíɛ kɛɛ tòǐn, nìí, nyɔǔn-dyù ɓɛ́ìnɔ̌ dyí sɛ́ɖɛ́ìn ɖé Gèɖèpɔ́ɔ̀ gbo, dyììn ɖé gmaɔ̀ mú. 22Kɛɛ Gèɖèpɔ́ɔ̀-cèè-ɖɛ̀ɔ̀ ɖǎa cɛ̃ kà ɓɛ́ ɓóɖó-kpà gàná nìà kɛ nì nàmàǔn kpé xwíɖíiɛ, ɓɛ́ nyɔ ɓě ɓɛ́ wa ɓéɖéà hwìɖǐǐ-taɓa-taɓa kɛɛ ké ɖɛ Gèɖèpɔ́ɔ̀ ɖáìn ma kà nyɔǔn nyɛ́nɛ́ín, ɓɛ́ ɔ nyí nyɔǔn ɓó wa Jízɛ̀ Kɛ́ɖɛ́ì hwìɖǐǐ taɓa jèɛɛ dyé.
23Hwɛ̀ ɓɛ́ hwìɖǐǐ-taɓa-taɓa nìà kɛ ké ma dyiɛɛ, à nì ma kà kpɔɖɔ-ɖeín-nì-nyɔ̀ ɓě nìà kɛ, ké gmaɔ̀ mɔ̀ ma à dyí-gmɔ̀-nyɔ̀ tee, ɓɛ́ hwìɖǐǐ-taɓa-taɓa nìà kɛ ké xwáɖáún wóɖó hwɛ̀. 24Ɔ jèɛɛ, gmaɔ̀ gmɔ̀ ma à dyí, ɓɛ́ ɔ ké à dyi-kpɔ̃-nyɔ̀ jǔ tee, ɓɛ́ Kɛ́ɖɛ́ì ké ma dyi hwɛ̀, ɓɛ́ dyììn ɖé hwìɖǐǐ-taɓa-taɓa múɛɛ, à ké dyí sɛ́ɖɛ́ìn ɖé Gèɖèpɔ́ɔ̀ dyéɖéín. 25Kɛɛ kàǔn wɛ̃ɛ, kà hwìɖǐǐ-taɓa-taɓa nìà kɛ ɖǎà dyiɛɛ, à dyi-kpɔ̃-nyɔ̀ɔ̀ ní gmɔ̀ à dyí ɖe. 26Sepóɛɖé dyììn ɖé hwìɖǐǐ-taɓa-taɓa múɛɛ, ɓě séín mɔ̀ǎ Gèɖèpɔ́ɔ̀ dyú ɓě ɖé Kɛ́ɖɛ́ì Jízɛ̀ mú. 27Sepóɛɖé nyɔ séín ɓɛ́ wa ɖǎ níɔ kpá, ké ɔ nyuɛ ké wa kè Kɛ́ɖɛ́ì ɖǎ nyɔ dyúáɖò jǔɛɛ, ɔ nì kà Kɛ́ɖɛ́ì mɔ̀ɔ̌ kà ɖɔ, ké wa ɖǎɔ̌ kà ɔ mú poɛ. 28Ɔ jèɛɛ, gbo-zaìn-zaìn ɖò se ɓó Júù-nyɔ̀ kè ɓóɖó-dù kà kò ɖò ɓěɛ̀ nyɔ ɔ kè gǐì kè nyɔ se gǐìɛ ɔ kè gàa kè màa pṹa nì. Ɓě séín mɔ̀ǎ nyɔ dyúáɖò ɖé Kɛ́ɖɛ́ì Jízɛ̀ mú. 29Kɛɛ ɔ jǔ ké Kɛ́ɖɛ́ì dyi ɓě kɔ̃̀ǐn, nìí, ɓě mɔ̀ǎ Ééɓòɖòhɛ̃́ɛ̀ nyúà-dyú ɓěɔ̀, ké ɓě mu ɖɛ Gèɖèpɔ́ɔ̀ ɖáìn nyɔǔn nyɛ́nɛ́ín nyɛɛ kɔ̃̀ùn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.