2 Kɔ̀ɖéíntĩ̀ɔ̀ 8
8
Kà Kɛ́ɖɛ́ì ɖeín-sí-nyɔ̀ ké nyɔ ɖɛ nyíɛ nyuɛ
1Ɖíí ɓě, à mɔ́ ɓɛ́ ɓě ké ɖɛ ɓɛ́ Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ ɖǎa nyu ɖé cɔ́cì-nyɔ̀ ɓě nìà ɖé Màsèdónìà-nyɔ̀ ɓěɔ̀ hwìɛ̀ kɛ bììɛɛ dyí dyuò. 2Gǎ-dyé-dyé ɓě ɓɛ́ wa ɖǎ mú mùìn nyɛɛ, ɔ ɖǎa nyu ké wa ɖǎ mú-dɔ̃̌-dɔ̃̌ vɛ̀nɛ̀ dyé. Kɛɛ waà múàɔ̀ zi ma kpéín ɓúáuń mìɔ. Ɔ jèɛɛ, ɖɛ ɖò se ma wa xwaún dyi ku. Wa mɔ̀ gǎ-dyé-nyɔ̀ pùɛ̀-pùɛ̀ cá dyɛo, kɛɛ wa nyí nyɔǔn ɖɛ ɓáún-ɓáún. 3Ḿ ɓɛ́ìn zàse nyuɛ kà ɓɛ́ wa tò ma ɖɛ jĩ̀ kà ɓɛ́ wa ɓɛ́ìn ma tòɛ̀ kɛ, ké wa tò ɖò ɓó kɔ̃in ɖe. Wa mìɔùn nììn hwòɖǒ wɔ̃́, ké wa nyuɛ ma náa. 4Wa ɓaà à mìɔ, ɓɛ́ à ké wa bìì ɖɛ nɔ̀mɔ̀ dyíin nìà kɛ nyu. Ɔ mɔ̀, ɓɛ́ à ké wɔ̃́ ɓɛ́ wa mɔ̀ùn ké wa nììn nyu, ɓɛ́ wa ké Gèɖèpɔ́ɔ̀-nyɔ̀ ɓěɔ̀ gbo kpá. 5Ɖɛ wa nyuà kɛɛ ɓúá dyí ké ɔ zi nyɔ à dè ma hwòɖǒ kɔ̃, ɓɛ́ wa ké ma nyuɛɛ dyí. Wa tò wa mìɔùn Bounɓoɔ̀ dyí kĩ́ín, ké wa tò wa mìɔùn à dyí ɖé Gèɖèpɔ́ɔ̀ wɔ̃́-wɔ̃́ mú. 6Ɔ jèɛɛ, à ɓaà ma Tátɔ̀ mɔ̀ nyɔ dè ma kà kũ̀à nìà kɛ gbɔɛ, ɓɛ́ ɔ kéɛ dyúa kpa, ɓɛ́ ɔ ké ɖɛ nɔ̀mɔ̀ dyíin nìàǒ wɛɛ mánáín hwɔ. 7Ɓě ɖǎ bã ɖé ɖɛ séín mú. Ɓě bã ɖé hwìɖǐǐ-taɓa-taɓa kè hwòɖǒ-fɔ̀nɔ̀-fɔ̀nɔ̀ mú. Ɓě dyuò wùɖùɛ̀. Ɓěɛ̀ hwòɖǒ fṹà ɓó nyɔ ɖò gbo kpá jè, ké ɓě ɖɛ̀ɓɛ̀ à mú mìɔ. Kà ɓɛ́ ɖɛ ɓě nìà kɛ bãà ɓě múɛɛ, kǎà ɖɛ nɔ̀mɔ̀ dyíin nìàǒ wɛɛ nyu-nyu mɛ bã ɓě mú ɖekè.
8Ḿ se gma ɖò poɛń nì. Ḿ nì nyɔ ɖíɛ́ ɓě nììn hwòɖǒɛ̀ fṹà jè ɓě gbo cɛ̃iń, ɓɛ́ ḿ ké kà ɓɛ́ ɓě nììn ɖɛ̀ɓɛ̀ǐn-ɖɛ̀ɓɛ̀ǐn nyu nìɛ̀ kɛɛ dyé. 9Sepóɛɖé ɓě dyuò à Bounɓo Jízɛ̀ Kɛ́ɖɛ́ìɛ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ dyí. Ɔ bã ma ní, kɛɛ ɔ nyu ma ɔ mìɔùn gǎ-dyé-nyɔ̀ mú ɓó ɓě jè, ɓɛ́ ɔ gǎ-dyé-dyéɔ̀ kéɛ nyu ɓɛ́ ɓě mɔ̀ùn ké bã.
10Ɖɛ mɔ́ún poìn hwìɖǐi ɓá ɖɛ nìà kɛ jè dyíɛɛ kɛà kɛ̀. Zɔ̃ zià dyiɛɛ, ɓě mɔ̀ ma nyɔ kĩ́ín-kĩ́ín ké ma ɖɛ ɖò nyuɛ. Ɔ seɛ ɖòùn, kɛɛ ɓěɛ̀ hwòɖǒ wɔ̃́ ma ɓɛ́ ɓě kéɛ ma nyu. Ɖɛ ní muà cɛ̃ìn nyɛɛ, ɔ nɔ̀mɔ̀ dyíin ɓɛ́ ɓě kéɛ nyu. 11Kàǔn wɛ̃ɛ, ɓě mɛ hwɔ ɖɛ ɓɛ́ ɓě nìà nyuɛń nyɛɛ dyí. Ɓěɛ̀ hwòɖǒ mɛ fṹà ɓɛ́ ɓě kéɛ nyu, kà ɓɛ́ ɓěɛ̀ hwòɖǒ nyu ma kà fṹàà ɓó ɔ hwìɖǐi poìn jèɛ. Ɖɛ jĩ̀ kà ɓɛ́ ɓě mu ɓéɖéìn nyɛɛ, ɔ mɔ̀ ɖɛ ɓě mɛ nyùɛ̀n. 12Sepóɛɖé nyɔ ɖòɛ̀ hwòɖǒ dyi fṹà ɓɛ́ ɔ ké ɖɛ ɖò tòǐn, nìí, ɖɛ ɔ ɓéɖé ɓɛ́ ɔ kéà tòɛɛ, Gèɖèpɔ́ɔ̀ muɛ dyi kpɔ̃ùn. Ɖɛ ɓɛ́ nyɔ ɖò se ɓéɖéɛɛ, Gèɖèpɔ́ɔ̀ ní mɔ́ɔ ɔ xwai.
13Ḿ se vɔ̃uń nì ɓɛ́ ḿ ké nyɔ ɖò mɔ̀ùn gbɛ̌ɔ̀ dú zà, ɓɛ́ ḿ kéɛ ɓě mɔ̀ùn màìn. Ɖɛ séín mɛ sɛ́ɖɛ́ìn dyí. 14Kàǔn wɛ̃ɛ, ɓě mɔ̀ùn ɓéɖé ɖɛ pàɖǎ. Ké ɖɛ ɓě ɓɛ́ ɓě ɓéɖéà kɛɛ, ɔ mɛ nyuɛ ɓɛ́ wa ké ɖɛ ɓě ɓɛ́ wa mɔ́ kɛɛ dyé, nìí, ɓɛ́ ɔ jǔ ké ɓě mɔ̀ùn se ɖɛ ɖò ɓéɖé, ké wa mɔ̀ùn dyi ɖɛ pàɖǎ ɓéɖéín, ɓɛ́ wa ké ɓě mɔ̀ùn gbo kpá, ɓɛ́ ɖɛ séín ké dyí sɛ́ɖɛ́ìn. 15Kà ɓɛ́ Gèɖèpɔ́ɔ̀-cèè-ɖɛ̀ɔ̀ nyuɛ cɛ̃ɛ kɛɛ, ɔ kɛ̀. Ɔ ɖá, “Nyɔ ɓɛ́ ɔ kuɖu ma ɓáún-ɓáún wɛ̃ɛ nììnɔ̀ se kɔ̃ zi, ké nyɔ ɓɛ́ ɔ kuɖu ma tííwèɛɛ nììnɔ̀ se dyí ɓíè.”
Tátɔ̀ kè ɔ mǔè ɓěɔ̀
16À po Gèɖèpɔ́ɔ̀ zùo kà ɓɛ́ ɔ nyuɛ ké Tátɔ̀ hwòɖǒɔ̀ fṹà kà à mɔ̀ùn nìà kɛ, ɓɛ́ ɔ ké ɓě gbo kpá kɛ. 17Ti ɓɛ́ à zɔ̀ ma ɔ, ɓɛ́ ɔ ké ma ɖé ɓě gbo dyiɛɛ, ɔ kpɔ̃ ma à wuɖuɔ̀ dyi. Ɔ seɛ ma ɖòùn, kɛɛ ɔ hwòɖǒɔ̀ fṹà ɓó ɓě gbo kpá jè. Ɔ jèɛɛ, ɔ nì ɖé ɓě gbo dyiɛń ɖé ɔ mìɔùn nììn hwòɖǒɛ̀-wɔ̃́-wɔ̃́ mú. 18À nì ɔ kè à ɖíí dyúáɖò kɔ̃̀ nyɛ́nɛ́ín-nyɛ̀nɛ̀ nìà cɔ́cì-nyɔ̀ ɓě nì dà séín nyɛɛ wĩín ɓó ɔ bɔ̃̌ nɔ̀mɔ̀ dyíinɔ̀ cɛ̃-kũ̀à jèɛɛ tòɛ̌n. 19Ɔ seɛ ɖòùn, kɛɛ cɔ́cì-nyɔ̀ séín ɓěɔ̀ ɖǎ ɔ gã, ɓɛ́ à kèɔ̀ kè ké mú naìn kà à nìà ɖɛ nɔ̀mɔ̀ dyíin nìà kɛ nyuɛń nyɛ. À nìɛ̀ nyuɛń ɓɛ́ Bounɓoɔ̀ ké ɓàìn-ɓàìn ɓéɖé, ɔ kè ɓɛ́ ɔ kéɛ nyɔǔn dyí tɛ̀mɛ̀ìn kà à hwòɖǒ wɔ̃́ ɓɛ́ à ké nyɔǔn gbo kpáa.
20À ma mú mìɔ, ɓɛ́ nyɔ ɖò ní kɔ̃̀ ɖà à kàìn ɓó kà ɓɛ́ à nìà kɔ́ìn-ɖɛ̀ vɛ̀nɛ̀ɔ̀ jè gbo dyéɛń nyɛ. 21Ɖɛ kpɔ̃ à hwòɖǒɛɛ mɔ̀ ɓɛ́ à ké ɖɛ mɔ̀ ɖɛ sɛ́ɖɛ́ìn dyí kɛɛ nyu. Ɔ se ɖɛ sɛ́ɖɛ́ìn dyí ɖé Bounɓoɔ̀ dyúa kɛɛ ɖòùn, kɛɛ ɔ mɔ̀ ɖɛ sɛ́ɖɛ́ìn dyí ɖé nyɔǔn-dyù dyúa kɛɛ ɖekè.
22Ɔ jèɛɛ, à nì wa kè à ɖíí ɖò mɔ̀ùn tòɛ̌n. Ɔ mɔ̀ nyɔ ɓɛ́ à ɖǎ mú dɔ̃̌ ɓó ti ɓáún-ɓáún xwíníín nyɛ, ké à ɖǎa dyé kà ɓɛ́ ɔ hwòɖǒɔ̀ fṹà ɓɛ́ ɔ ké nyɔǔn gbo kpá ti séín nyɛ. Kàǔn wɛ̃ɛ, ɔ hwòɖǒɔ̀ fṹà mìɔ ɓɛ́ ɔ ké ɓě gbo kpá, sepóɛɖé ɔ dè ɓě hwòɖǒ kɔ̃ mìɔ. 23Ɔ dyi Tátɔ̀ mɔ̀ùn jè jǔǐn, nìí, ɔ mɔ̀ ḿ mǔè, ké ḿ kèɔ̀ kè nyu kũ̀à, ɓɛ́ à ké ɓě gbo kpá. Ɔ dyi à ɖíí tɔ̀ɔ̀ ɓěɔ̀ jè jǔǐn, nìí, wa mɔ̀ cɔ́cìɔ̀ ɖoɓo-nyɔ̀ ɓě, ké wa nyuɛ ké Kɛ́ɖɛ́ì ɓéɖé ɓàìn-ɓàìn. 24Ɔ jèɛɛ, ɓě mɛ tɛ̀mɛ̀ìn ɓě ɖɛ̀ɓɛ̀ǐn-ɖɛ̀ɓɛ̀ǐnɔ̀ wa dyí, ɓɛ́ cɔ́cì-nyɔ̀ ɓěɔ̀ kéɛ dyí dyuò kà ɓɛ́ ɓɔ́ɖɔ́-ɓɔ́ɖɔ́ ɓɛ́ à nyuà ɓě jèɛɛ sɛ́ɖɛ́ìn dyíɛ.
Currently Selected:
2 Kɔ̀ɖéíntĩ̀ɔ̀ 8: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
2 Kɔ̀ɖéíntĩ̀ɔ̀ 8
8
Kà Kɛ́ɖɛ́ì ɖeín-sí-nyɔ̀ ké nyɔ ɖɛ nyíɛ nyuɛ
1Ɖíí ɓě, à mɔ́ ɓɛ́ ɓě ké ɖɛ ɓɛ́ Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ ɖǎa nyu ɖé cɔ́cì-nyɔ̀ ɓě nìà ɖé Màsèdónìà-nyɔ̀ ɓěɔ̀ hwìɛ̀ kɛ bììɛɛ dyí dyuò. 2Gǎ-dyé-dyé ɓě ɓɛ́ wa ɖǎ mú mùìn nyɛɛ, ɔ ɖǎa nyu ké wa ɖǎ mú-dɔ̃̌-dɔ̃̌ vɛ̀nɛ̀ dyé. Kɛɛ waà múàɔ̀ zi ma kpéín ɓúáuń mìɔ. Ɔ jèɛɛ, ɖɛ ɖò se ma wa xwaún dyi ku. Wa mɔ̀ gǎ-dyé-nyɔ̀ pùɛ̀-pùɛ̀ cá dyɛo, kɛɛ wa nyí nyɔǔn ɖɛ ɓáún-ɓáún. 3Ḿ ɓɛ́ìn zàse nyuɛ kà ɓɛ́ wa tò ma ɖɛ jĩ̀ kà ɓɛ́ wa ɓɛ́ìn ma tòɛ̀ kɛ, ké wa tò ɖò ɓó kɔ̃in ɖe. Wa mìɔùn nììn hwòɖǒ wɔ̃́, ké wa nyuɛ ma náa. 4Wa ɓaà à mìɔ, ɓɛ́ à ké wa bìì ɖɛ nɔ̀mɔ̀ dyíin nìà kɛ nyu. Ɔ mɔ̀, ɓɛ́ à ké wɔ̃́ ɓɛ́ wa mɔ̀ùn ké wa nììn nyu, ɓɛ́ wa ké Gèɖèpɔ́ɔ̀-nyɔ̀ ɓěɔ̀ gbo kpá. 5Ɖɛ wa nyuà kɛɛ ɓúá dyí ké ɔ zi nyɔ à dè ma hwòɖǒ kɔ̃, ɓɛ́ wa ké ma nyuɛɛ dyí. Wa tò wa mìɔùn Bounɓoɔ̀ dyí kĩ́ín, ké wa tò wa mìɔùn à dyí ɖé Gèɖèpɔ́ɔ̀ wɔ̃́-wɔ̃́ mú. 6Ɔ jèɛɛ, à ɓaà ma Tátɔ̀ mɔ̀ nyɔ dè ma kà kũ̀à nìà kɛ gbɔɛ, ɓɛ́ ɔ kéɛ dyúa kpa, ɓɛ́ ɔ ké ɖɛ nɔ̀mɔ̀ dyíin nìàǒ wɛɛ mánáín hwɔ. 7Ɓě ɖǎ bã ɖé ɖɛ séín mú. Ɓě bã ɖé hwìɖǐǐ-taɓa-taɓa kè hwòɖǒ-fɔ̀nɔ̀-fɔ̀nɔ̀ mú. Ɓě dyuò wùɖùɛ̀. Ɓěɛ̀ hwòɖǒ fṹà ɓó nyɔ ɖò gbo kpá jè, ké ɓě ɖɛ̀ɓɛ̀ à mú mìɔ. Kà ɓɛ́ ɖɛ ɓě nìà kɛ bãà ɓě múɛɛ, kǎà ɖɛ nɔ̀mɔ̀ dyíin nìàǒ wɛɛ nyu-nyu mɛ bã ɓě mú ɖekè.
8Ḿ se gma ɖò poɛń nì. Ḿ nì nyɔ ɖíɛ́ ɓě nììn hwòɖǒɛ̀ fṹà jè ɓě gbo cɛ̃iń, ɓɛ́ ḿ ké kà ɓɛ́ ɓě nììn ɖɛ̀ɓɛ̀ǐn-ɖɛ̀ɓɛ̀ǐn nyu nìɛ̀ kɛɛ dyé. 9Sepóɛɖé ɓě dyuò à Bounɓo Jízɛ̀ Kɛ́ɖɛ́ìɛ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ dyí. Ɔ bã ma ní, kɛɛ ɔ nyu ma ɔ mìɔùn gǎ-dyé-nyɔ̀ mú ɓó ɓě jè, ɓɛ́ ɔ gǎ-dyé-dyéɔ̀ kéɛ nyu ɓɛ́ ɓě mɔ̀ùn ké bã.
10Ɖɛ mɔ́ún poìn hwìɖǐi ɓá ɖɛ nìà kɛ jè dyíɛɛ kɛà kɛ̀. Zɔ̃ zià dyiɛɛ, ɓě mɔ̀ ma nyɔ kĩ́ín-kĩ́ín ké ma ɖɛ ɖò nyuɛ. Ɔ seɛ ɖòùn, kɛɛ ɓěɛ̀ hwòɖǒ wɔ̃́ ma ɓɛ́ ɓě kéɛ ma nyu. Ɖɛ ní muà cɛ̃ìn nyɛɛ, ɔ nɔ̀mɔ̀ dyíin ɓɛ́ ɓě kéɛ nyu. 11Kàǔn wɛ̃ɛ, ɓě mɛ hwɔ ɖɛ ɓɛ́ ɓě nìà nyuɛń nyɛɛ dyí. Ɓěɛ̀ hwòɖǒ mɛ fṹà ɓɛ́ ɓě kéɛ nyu, kà ɓɛ́ ɓěɛ̀ hwòɖǒ nyu ma kà fṹàà ɓó ɔ hwìɖǐi poìn jèɛ. Ɖɛ jĩ̀ kà ɓɛ́ ɓě mu ɓéɖéìn nyɛɛ, ɔ mɔ̀ ɖɛ ɓě mɛ nyùɛ̀n. 12Sepóɛɖé nyɔ ɖòɛ̀ hwòɖǒ dyi fṹà ɓɛ́ ɔ ké ɖɛ ɖò tòǐn, nìí, ɖɛ ɔ ɓéɖé ɓɛ́ ɔ kéà tòɛɛ, Gèɖèpɔ́ɔ̀ muɛ dyi kpɔ̃ùn. Ɖɛ ɓɛ́ nyɔ ɖò se ɓéɖéɛɛ, Gèɖèpɔ́ɔ̀ ní mɔ́ɔ ɔ xwai.
13Ḿ se vɔ̃uń nì ɓɛ́ ḿ ké nyɔ ɖò mɔ̀ùn gbɛ̌ɔ̀ dú zà, ɓɛ́ ḿ kéɛ ɓě mɔ̀ùn màìn. Ɖɛ séín mɛ sɛ́ɖɛ́ìn dyí. 14Kàǔn wɛ̃ɛ, ɓě mɔ̀ùn ɓéɖé ɖɛ pàɖǎ. Ké ɖɛ ɓě ɓɛ́ ɓě ɓéɖéà kɛɛ, ɔ mɛ nyuɛ ɓɛ́ wa ké ɖɛ ɓě ɓɛ́ wa mɔ́ kɛɛ dyé, nìí, ɓɛ́ ɔ jǔ ké ɓě mɔ̀ùn se ɖɛ ɖò ɓéɖé, ké wa mɔ̀ùn dyi ɖɛ pàɖǎ ɓéɖéín, ɓɛ́ wa ké ɓě mɔ̀ùn gbo kpá, ɓɛ́ ɖɛ séín ké dyí sɛ́ɖɛ́ìn. 15Kà ɓɛ́ Gèɖèpɔ́ɔ̀-cèè-ɖɛ̀ɔ̀ nyuɛ cɛ̃ɛ kɛɛ, ɔ kɛ̀. Ɔ ɖá, “Nyɔ ɓɛ́ ɔ kuɖu ma ɓáún-ɓáún wɛ̃ɛ nììnɔ̀ se kɔ̃ zi, ké nyɔ ɓɛ́ ɔ kuɖu ma tííwèɛɛ nììnɔ̀ se dyí ɓíè.”
Tátɔ̀ kè ɔ mǔè ɓěɔ̀
16À po Gèɖèpɔ́ɔ̀ zùo kà ɓɛ́ ɔ nyuɛ ké Tátɔ̀ hwòɖǒɔ̀ fṹà kà à mɔ̀ùn nìà kɛ, ɓɛ́ ɔ ké ɓě gbo kpá kɛ. 17Ti ɓɛ́ à zɔ̀ ma ɔ, ɓɛ́ ɔ ké ma ɖé ɓě gbo dyiɛɛ, ɔ kpɔ̃ ma à wuɖuɔ̀ dyi. Ɔ seɛ ma ɖòùn, kɛɛ ɔ hwòɖǒɔ̀ fṹà ɓó ɓě gbo kpá jè. Ɔ jèɛɛ, ɔ nì ɖé ɓě gbo dyiɛń ɖé ɔ mìɔùn nììn hwòɖǒɛ̀-wɔ̃́-wɔ̃́ mú. 18À nì ɔ kè à ɖíí dyúáɖò kɔ̃̀ nyɛ́nɛ́ín-nyɛ̀nɛ̀ nìà cɔ́cì-nyɔ̀ ɓě nì dà séín nyɛɛ wĩín ɓó ɔ bɔ̃̌ nɔ̀mɔ̀ dyíinɔ̀ cɛ̃-kũ̀à jèɛɛ tòɛ̌n. 19Ɔ seɛ ɖòùn, kɛɛ cɔ́cì-nyɔ̀ séín ɓěɔ̀ ɖǎ ɔ gã, ɓɛ́ à kèɔ̀ kè ké mú naìn kà à nìà ɖɛ nɔ̀mɔ̀ dyíin nìà kɛ nyuɛń nyɛ. À nìɛ̀ nyuɛń ɓɛ́ Bounɓoɔ̀ ké ɓàìn-ɓàìn ɓéɖé, ɔ kè ɓɛ́ ɔ kéɛ nyɔǔn dyí tɛ̀mɛ̀ìn kà à hwòɖǒ wɔ̃́ ɓɛ́ à ké nyɔǔn gbo kpáa.
20À ma mú mìɔ, ɓɛ́ nyɔ ɖò ní kɔ̃̀ ɖà à kàìn ɓó kà ɓɛ́ à nìà kɔ́ìn-ɖɛ̀ vɛ̀nɛ̀ɔ̀ jè gbo dyéɛń nyɛ. 21Ɖɛ kpɔ̃ à hwòɖǒɛɛ mɔ̀ ɓɛ́ à ké ɖɛ mɔ̀ ɖɛ sɛ́ɖɛ́ìn dyí kɛɛ nyu. Ɔ se ɖɛ sɛ́ɖɛ́ìn dyí ɖé Bounɓoɔ̀ dyúa kɛɛ ɖòùn, kɛɛ ɔ mɔ̀ ɖɛ sɛ́ɖɛ́ìn dyí ɖé nyɔǔn-dyù dyúa kɛɛ ɖekè.
22Ɔ jèɛɛ, à nì wa kè à ɖíí ɖò mɔ̀ùn tòɛ̌n. Ɔ mɔ̀ nyɔ ɓɛ́ à ɖǎ mú dɔ̃̌ ɓó ti ɓáún-ɓáún xwíníín nyɛ, ké à ɖǎa dyé kà ɓɛ́ ɔ hwòɖǒɔ̀ fṹà ɓɛ́ ɔ ké nyɔǔn gbo kpá ti séín nyɛ. Kàǔn wɛ̃ɛ, ɔ hwòɖǒɔ̀ fṹà mìɔ ɓɛ́ ɔ ké ɓě gbo kpá, sepóɛɖé ɔ dè ɓě hwòɖǒ kɔ̃ mìɔ. 23Ɔ dyi Tátɔ̀ mɔ̀ùn jè jǔǐn, nìí, ɔ mɔ̀ ḿ mǔè, ké ḿ kèɔ̀ kè nyu kũ̀à, ɓɛ́ à ké ɓě gbo kpá. Ɔ dyi à ɖíí tɔ̀ɔ̀ ɓěɔ̀ jè jǔǐn, nìí, wa mɔ̀ cɔ́cìɔ̀ ɖoɓo-nyɔ̀ ɓě, ké wa nyuɛ ké Kɛ́ɖɛ́ì ɓéɖé ɓàìn-ɓàìn. 24Ɔ jèɛɛ, ɓě mɛ tɛ̀mɛ̀ìn ɓě ɖɛ̀ɓɛ̀ǐn-ɖɛ̀ɓɛ̀ǐnɔ̀ wa dyí, ɓɛ́ cɔ́cì-nyɔ̀ ɓěɔ̀ kéɛ dyí dyuò kà ɓɛ́ ɓɔ́ɖɔ́-ɓɔ́ɖɔ́ ɓɛ́ à nyuà ɓě jèɛɛ sɛ́ɖɛ́ìn dyíɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.