2 Kɔ̀ɖéíntĩ̀ɔ̀ 7
7
1Ní ɖɛ̀ɓɛ̀-nyɔ̀ ɓě, nyɛ́nɛ́ín-ɖáìn-ɖɛ̀ séín ɓě nìà kɛɛ, wa mɔ̀ ɓó ɓěà bìì. Ɔ jèɛɛ, ɓěà mɛ hwɔ ɓěà mìɔùn mú ɓá ɖɛ séín ɓě mɔ̀à kpóɖó-dyùàɔ̀ kè hwòɖǒ-dyùàɔ̀ dyíin-nyìnììn-ɖɛ̀ kɛɛ dyí. Ɓěà mɛ nyuɛ ɓɛ́ ɓěà cĩ́-cĩ́ɔ̀ ké se kɛɛ ɖò ɓéɖé fɔɔ ɖé Gèɖèpɔ́ɔ̀ dyi-fɛ̃̀ìn-fɛ̃̀ìn mú.
Pɔ́ɔ̀ kpá múàǔn
2Ɓě mɛ nyí à pá ɖò ɖé ɓěɛ̀ hwòɖǒ-dyùà ɓěɔ̀ dyéɖéí. À séè nyɔ ɖò ɖɛ gbà bũ̌ nyu ɖò. À séè nyɔ ɖòɛ̀ kpeɖe dyíin nyìnììn ɖò. À séè nyɔ ɖò gbá-gbá-kà ɖɛ xwa zàìn ɖò. 3Ḿ se ɖɛ nìà kɛ cɛ̃, ɓɛ́ ɔ ké ɓě zɔ̃́ín dúún wáɖá, sepóɛɖé ḿ cɛ̃ɛ ma kĩ́ín kà ɓɛ́ ɓě jè kpɔ̃ à hwòɖǒ mìɔ kɛ, ké ɓěà kpɔ̃ìn gbo mìɔ, kɛbì à mɛ nì ɖé gĩɔ mú, mɔɔ à mɛ nì cĩ́ɛń nyɛ. 4Ḿ dè ɓě hwòɖǒ kɔ̃ mìɔ. Ḿ zi múàǔn kpáuń mìɔ ɓó ɓě jè. Ní hwòɖǒ zi dyi dèɛ̌n mìɔ. Ɖé à gǎ-dyé-dyé séín ɓěɔ̀ múɛɛ, ḿ zi múàǔn kpáuń mìɔ.
5Kɛɛ ti ɓɛ́ à nyini ma Màsèdónìà-ɓòɖòɔ̀ kɔ̃ɛɛ, à se ma fɔ̀-fɔ̀ ɖò ɓéɖé. À dyé ma ɖé gǎ ɖé ɖɛ séín mú. À nì ma kà ɖé zàǔn-zàǔn kúɖúú hwìɛ̀ cá, ké fã̀à nì ma à hwòɖǒ-dyùà ɓěɔ̀ mú mìɔ. 6Kɛɛ Gèɖèpɔ́ɔ̀ mɔ̀ nyɔ dèà nyɔ ɓě kɔ̃̀ hwòɖǒ kpá ɖé ɖeiɛɛ hwòɖǒ dyiɛɛ nyuɛ ké à hwòɖǒ dè ma dyi ti ɓɛ́ Tátɔ̀ dyi ma kɛ. 7Ɔ dyi-dyiɔ̀ ɖòùn se ma à hwòɖǒ dyi dè, kɛɛ ɔ mɔ̀ kà ɓě nyu ma kà ɖé ɔ nììn hwòɖǒ dyi dèɛ̀ kɛɛ ɖekè. Ɔ zaìn ma kɔ̃in kà ɓɛ́ ní dyé-tò nyu ma ɓě mìɔ kɛ, kè kà ɓɛ́ ɓě kpá ma wìǐn mìɔ kɛ, ɔ kè kà ɓɛ́ ɓěɛ̀ hwòɖǒ zi ma fṹàùn ɓɛ́ ɓě ké ma ḿ gbo ziɛɛ jè à gbo. Ɔ jèɛɛ, ḿ kpá ma múàǔn mìɔ.
8Kɛbì céè-ɖɛ̀ ɓɛ́ ḿ céè ma kà ɓě gboɛɛ mɛ nyùìn ma ɓě wììɛɛ, mɔ́ún se wìǐn kpá kà ɓɛ́ ḿ céèɛ̀ ma kɛ. Ti ɓɛ́ ḿ dyéɛ ma kà céè-ɖɛ̀ɔ̀ nyùìn ma ɓě wìì ɓó ti gbɛ̀ǐ-gbɛ̀ǐ xwíníín nyɛɛ, mɔ́ún ɓɛ́ìn ma wìǐn kpáa. 9Kɛɛ kàǔn wɛ̃ɛ, ḿ kpá múàǔn. Ɔ se ɓɛ́ ɓě ké ma wìǐn kpá jèɛ, kɛɛ ɔ mɔ̀, wìì ɓɛ́ ɓě kpá ma múɛɛ, ɔ nyuɛ ké ɓě táà ma ɓěɛ̀ kpeɖe gbàɔ̀ dyi. Ɓě kpá ma wìǐn kà ɓɛ́ Gèɖèpɔ́ɔ̀ mɔ́ ɓɛ́ ɓě ké ma wìǐn kpáa nyuɛ, ké ɔ nyuɛ ké ɖɛ à nyu ma kɛɛ seɛ ma nyu ɓɛ́ ɓě ké ma ɖɛ xwa bĩ. 10Nyɔ ɖò dyi wìǐn kpá kà ɓɛ́ Gèɖèpɔ́ɔ̀ mɔ́ ɓɛ́ ɔ ké wìǐn kpáa nyuɛɛ ní, nìí, ɔ dyà kpeɖe gbà dyi-táà-táà, ɓɛ́ ɔ sèìn-naín mɔ̀ pó-póɛ, ké nyɔǔn se wìǐn kpáa mu ɓó ɔ jè. Kɛɛ ɓóɖó-kpàà nììn wìǐn-kpá-kpá dyà mɛ́-mɛ́. 11Ɓě mɛ dyé ɖɛ wìǐn-kpá-kpá ɓɛ́ Gèɖèpɔ́ɔ̀ mɔ́ ɓɛ́ ɓě kéà nyuɛɛ ɖǎ nyu ɖé ɓě múɛ. Ɔ ɖǎ ɖɛ-hwòɖǒ-kpɔ̃-kpɔ̃ ɖé ɓě mú dyà, ké ɓě fṹà ɓě mìɔùn jè kɔ̃in zaǐn. Dyé kà cɛ̃́ nyu ma ɓě dyáa kɛ. Dyé kà fã̀à nyu ma ɓě nyuɛ kɛ. Dyéɛ kà ní dyé-tò nyu ma ɓě mìɔ kɛ. Dyé ɓěɛ̀ ɖɛ-dyi-kpɔ̃-kpɔ̃ kóɖó-kóɖóɔ̀. Ké dyéɛ kà ɓěɛ̀ hwòɖǒ fṹà ɓɛ́ ɓě ké nyɔ ɓě nyu ɖɛ gbà kɛɛ gǎ dyéìn nyɛ. Ɓě ɖǎa nyɔǔn dyí tɛ̀mɛ̀ìn ɖé ɖɛ séín ɓě ɓá ɖɛ nìà kɛ dyíɛɛ mú kà ɓɛ́ nyɔ ɖò se ɓě kàìn ɓɛ́ìn nyɛ.
12Ḿ céè ma céè-ɖɛ̀ nìàǒ wɛɛ ɓě gbo dyɛo, kɛɛ ɔ se nyɔ nyu ma kà ɖɛ gbà kɛɛ jè, ké ɔ se nyɔ ɓɛ́ ɔ nyu ma kà ɖɛ gbàɔ̀ bũ̌ɛɛ jè. Kɛɛ ḿ céèɛ̀ ma, ɓɛ́ ḿ kéɛ ɓě dyí tɛ̀mɛ̀ìn wáɖáá cá ɖé Gèɖèpɔ́ɔ̀ dyúa kà ɓɛ́ à jè kpɔ̃ ɓě hwòɖǒ mìɔ kɛ. 13Ɔ jèɛɛ, kpé kpáà à dyíɛ̀.
Kpé se à dyí kpá ɖòùn pū, kɛɛ à zi múàǔn kpáuń mìɔ ɓó múà ɓɛ́ Tátɔ̀ ɓéɖé ma kɛɛ jè, sepóɛɖé ɓě séín ɖǎ ɔ hwòɖǒɔ̀ dyi dè. 14Ɔ jǔ ké ḿ dyi ma ɓɔ́ɖɔ́ ɖé ɔ gbo ɓó ɓě jèǐn, ɓě se ḿ dɛ̃ nyùìn. À cɛ̃ ma jǎà ɖé ɓě gbo tee. Kà dyúáɖòɔ̀ kǎà ɓɔ́ɖɔ́-ɓɔ́ɖɔ́ ɓɛ́ à nyu ma kà ɖé Tátɔ̀ gbo kĩ́ín nyɛɛ, ɔ ɖǎa dyé kà ɓɛ́ ɔ mɔ̀ jǎà kɛ. 15Ké ɔ ɖɛ̀ɓɛ̀ǐn-ɖɛ̀ɓɛ̀ǐn ɓɛ́ ɔ ɓéɖé ɓó ɓě bììɛɛ, ɔ nìǎ dyí ɓúáuń kà ɓɛ́ ɔ nì ɔ hwìɖǐi ke, kà ɓɛ́ ɓě séín dyé ma ti ɓɛ́ ɓě ké ma ní wuɖu nyuɛ. Ké ɓě kpɔ̃ ma ɔ jè dyi, ké ɓě fɛ̃̀ìn ma, ké ɔ nyuɛ ké ɓě tɛɖɛ ma. 16Ḿ kpá múàǔn, sepóɛɖé ḿ ɓɛ́ìn ɓě hwòɖǒ kɔ̃ dèɛ̀ gàná cá.
Currently Selected:
2 Kɔ̀ɖéíntĩ̀ɔ̀ 7: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
2 Kɔ̀ɖéíntĩ̀ɔ̀ 7
7
1Ní ɖɛ̀ɓɛ̀-nyɔ̀ ɓě, nyɛ́nɛ́ín-ɖáìn-ɖɛ̀ séín ɓě nìà kɛɛ, wa mɔ̀ ɓó ɓěà bìì. Ɔ jèɛɛ, ɓěà mɛ hwɔ ɓěà mìɔùn mú ɓá ɖɛ séín ɓě mɔ̀à kpóɖó-dyùàɔ̀ kè hwòɖǒ-dyùàɔ̀ dyíin-nyìnììn-ɖɛ̀ kɛɛ dyí. Ɓěà mɛ nyuɛ ɓɛ́ ɓěà cĩ́-cĩ́ɔ̀ ké se kɛɛ ɖò ɓéɖé fɔɔ ɖé Gèɖèpɔ́ɔ̀ dyi-fɛ̃̀ìn-fɛ̃̀ìn mú.
Pɔ́ɔ̀ kpá múàǔn
2Ɓě mɛ nyí à pá ɖò ɖé ɓěɛ̀ hwòɖǒ-dyùà ɓěɔ̀ dyéɖéí. À séè nyɔ ɖò ɖɛ gbà bũ̌ nyu ɖò. À séè nyɔ ɖòɛ̀ kpeɖe dyíin nyìnììn ɖò. À séè nyɔ ɖò gbá-gbá-kà ɖɛ xwa zàìn ɖò. 3Ḿ se ɖɛ nìà kɛ cɛ̃, ɓɛ́ ɔ ké ɓě zɔ̃́ín dúún wáɖá, sepóɛɖé ḿ cɛ̃ɛ ma kĩ́ín kà ɓɛ́ ɓě jè kpɔ̃ à hwòɖǒ mìɔ kɛ, ké ɓěà kpɔ̃ìn gbo mìɔ, kɛbì à mɛ nì ɖé gĩɔ mú, mɔɔ à mɛ nì cĩ́ɛń nyɛ. 4Ḿ dè ɓě hwòɖǒ kɔ̃ mìɔ. Ḿ zi múàǔn kpáuń mìɔ ɓó ɓě jè. Ní hwòɖǒ zi dyi dèɛ̌n mìɔ. Ɖé à gǎ-dyé-dyé séín ɓěɔ̀ múɛɛ, ḿ zi múàǔn kpáuń mìɔ.
5Kɛɛ ti ɓɛ́ à nyini ma Màsèdónìà-ɓòɖòɔ̀ kɔ̃ɛɛ, à se ma fɔ̀-fɔ̀ ɖò ɓéɖé. À dyé ma ɖé gǎ ɖé ɖɛ séín mú. À nì ma kà ɖé zàǔn-zàǔn kúɖúú hwìɛ̀ cá, ké fã̀à nì ma à hwòɖǒ-dyùà ɓěɔ̀ mú mìɔ. 6Kɛɛ Gèɖèpɔ́ɔ̀ mɔ̀ nyɔ dèà nyɔ ɓě kɔ̃̀ hwòɖǒ kpá ɖé ɖeiɛɛ hwòɖǒ dyiɛɛ nyuɛ ké à hwòɖǒ dè ma dyi ti ɓɛ́ Tátɔ̀ dyi ma kɛ. 7Ɔ dyi-dyiɔ̀ ɖòùn se ma à hwòɖǒ dyi dè, kɛɛ ɔ mɔ̀ kà ɓě nyu ma kà ɖé ɔ nììn hwòɖǒ dyi dèɛ̀ kɛɛ ɖekè. Ɔ zaìn ma kɔ̃in kà ɓɛ́ ní dyé-tò nyu ma ɓě mìɔ kɛ, kè kà ɓɛ́ ɓě kpá ma wìǐn mìɔ kɛ, ɔ kè kà ɓɛ́ ɓěɛ̀ hwòɖǒ zi ma fṹàùn ɓɛ́ ɓě ké ma ḿ gbo ziɛɛ jè à gbo. Ɔ jèɛɛ, ḿ kpá ma múàǔn mìɔ.
8Kɛbì céè-ɖɛ̀ ɓɛ́ ḿ céè ma kà ɓě gboɛɛ mɛ nyùìn ma ɓě wììɛɛ, mɔ́ún se wìǐn kpá kà ɓɛ́ ḿ céèɛ̀ ma kɛ. Ti ɓɛ́ ḿ dyéɛ ma kà céè-ɖɛ̀ɔ̀ nyùìn ma ɓě wìì ɓó ti gbɛ̀ǐ-gbɛ̀ǐ xwíníín nyɛɛ, mɔ́ún ɓɛ́ìn ma wìǐn kpáa. 9Kɛɛ kàǔn wɛ̃ɛ, ḿ kpá múàǔn. Ɔ se ɓɛ́ ɓě ké ma wìǐn kpá jèɛ, kɛɛ ɔ mɔ̀, wìì ɓɛ́ ɓě kpá ma múɛɛ, ɔ nyuɛ ké ɓě táà ma ɓěɛ̀ kpeɖe gbàɔ̀ dyi. Ɓě kpá ma wìǐn kà ɓɛ́ Gèɖèpɔ́ɔ̀ mɔ́ ɓɛ́ ɓě ké ma wìǐn kpáa nyuɛ, ké ɔ nyuɛ ké ɖɛ à nyu ma kɛɛ seɛ ma nyu ɓɛ́ ɓě ké ma ɖɛ xwa bĩ. 10Nyɔ ɖò dyi wìǐn kpá kà ɓɛ́ Gèɖèpɔ́ɔ̀ mɔ́ ɓɛ́ ɔ ké wìǐn kpáa nyuɛɛ ní, nìí, ɔ dyà kpeɖe gbà dyi-táà-táà, ɓɛ́ ɔ sèìn-naín mɔ̀ pó-póɛ, ké nyɔǔn se wìǐn kpáa mu ɓó ɔ jè. Kɛɛ ɓóɖó-kpàà nììn wìǐn-kpá-kpá dyà mɛ́-mɛ́. 11Ɓě mɛ dyé ɖɛ wìǐn-kpá-kpá ɓɛ́ Gèɖèpɔ́ɔ̀ mɔ́ ɓɛ́ ɓě kéà nyuɛɛ ɖǎ nyu ɖé ɓě múɛ. Ɔ ɖǎ ɖɛ-hwòɖǒ-kpɔ̃-kpɔ̃ ɖé ɓě mú dyà, ké ɓě fṹà ɓě mìɔùn jè kɔ̃in zaǐn. Dyé kà cɛ̃́ nyu ma ɓě dyáa kɛ. Dyé kà fã̀à nyu ma ɓě nyuɛ kɛ. Dyéɛ kà ní dyé-tò nyu ma ɓě mìɔ kɛ. Dyé ɓěɛ̀ ɖɛ-dyi-kpɔ̃-kpɔ̃ kóɖó-kóɖóɔ̀. Ké dyéɛ kà ɓěɛ̀ hwòɖǒ fṹà ɓɛ́ ɓě ké nyɔ ɓě nyu ɖɛ gbà kɛɛ gǎ dyéìn nyɛ. Ɓě ɖǎa nyɔǔn dyí tɛ̀mɛ̀ìn ɖé ɖɛ séín ɓě ɓá ɖɛ nìà kɛ dyíɛɛ mú kà ɓɛ́ nyɔ ɖò se ɓě kàìn ɓɛ́ìn nyɛ.
12Ḿ céè ma céè-ɖɛ̀ nìàǒ wɛɛ ɓě gbo dyɛo, kɛɛ ɔ se nyɔ nyu ma kà ɖɛ gbà kɛɛ jè, ké ɔ se nyɔ ɓɛ́ ɔ nyu ma kà ɖɛ gbàɔ̀ bũ̌ɛɛ jè. Kɛɛ ḿ céèɛ̀ ma, ɓɛ́ ḿ kéɛ ɓě dyí tɛ̀mɛ̀ìn wáɖáá cá ɖé Gèɖèpɔ́ɔ̀ dyúa kà ɓɛ́ à jè kpɔ̃ ɓě hwòɖǒ mìɔ kɛ. 13Ɔ jèɛɛ, kpé kpáà à dyíɛ̀.
Kpé se à dyí kpá ɖòùn pū, kɛɛ à zi múàǔn kpáuń mìɔ ɓó múà ɓɛ́ Tátɔ̀ ɓéɖé ma kɛɛ jè, sepóɛɖé ɓě séín ɖǎ ɔ hwòɖǒɔ̀ dyi dè. 14Ɔ jǔ ké ḿ dyi ma ɓɔ́ɖɔ́ ɖé ɔ gbo ɓó ɓě jèǐn, ɓě se ḿ dɛ̃ nyùìn. À cɛ̃ ma jǎà ɖé ɓě gbo tee. Kà dyúáɖòɔ̀ kǎà ɓɔ́ɖɔ́-ɓɔ́ɖɔ́ ɓɛ́ à nyu ma kà ɖé Tátɔ̀ gbo kĩ́ín nyɛɛ, ɔ ɖǎa dyé kà ɓɛ́ ɔ mɔ̀ jǎà kɛ. 15Ké ɔ ɖɛ̀ɓɛ̀ǐn-ɖɛ̀ɓɛ̀ǐn ɓɛ́ ɔ ɓéɖé ɓó ɓě bììɛɛ, ɔ nìǎ dyí ɓúáuń kà ɓɛ́ ɔ nì ɔ hwìɖǐi ke, kà ɓɛ́ ɓě séín dyé ma ti ɓɛ́ ɓě ké ma ní wuɖu nyuɛ. Ké ɓě kpɔ̃ ma ɔ jè dyi, ké ɓě fɛ̃̀ìn ma, ké ɔ nyuɛ ké ɓě tɛɖɛ ma. 16Ḿ kpá múàǔn, sepóɛɖé ḿ ɓɛ́ìn ɓě hwòɖǒ kɔ̃ dèɛ̀ gàná cá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.