2 Kɔ̀ɖéíntĩ̀ɔ̀ 9
9
Gèɖèpɔ́ɔ̀ nyɔ ɓěɔ̀ gbo kpá jè
1Ḿ se ɓéɖé ɓɛ́ ḿ ké ɓě gbo céè ɓá Gèɖèpɔ́ɔ̀ nyɔ ɓěɔ̀ gbo kpá jè dyí pídyi. 2Ḿ dyuòɛ̀ kà ɓɛ́ ɓěɛ̀ hwòɖǒ fṹà ɓɛ́ ɓě ké wa gbo kpáa. Ḿ ɖǎ ma ɓě jè ɓɔ́ɖɔ́ ɖé nyɔ ɓě nì ma ɖé Màsèdónìà-ɓòɖòɔ̀ kɔ̃ɛɛ gbo. Ḿ cɛ̃ɛ ma wa gbo kà sɔ̀ìn zɔ̃ zià dyiɛɛ gbo, ké zɔ̃ɛ̀ nyɔà kɛɛ gbo dyiɛɛ, ɓě mɔ̀ nyɔ ɓě nìà Àkédyà-ɓòɖòɔ̀ kɔ̃ɛɛ, ɓě dyé ti ɓɛ́ ɓě ké gbo-kpá-kpá tòɛ. Ɓěɛ̀ hwòɖǒɛ̀ fṹà jè ɖǎa nyu ké kpé ɖǎ wa ɓáún-ɓáún dyí kpá. 3Kɛɛ ḿ nì à ɖíí ɓě nìà kɛ tòɛ̌n, ɓɛ́ ɓɔ́ɖɔ́-ɓɔ́ɖɔ́ ɓɛ́ à nyuà ɓě bìì ɖé ɖɛ nìà kɛ múɛɛ ní kɔ̃̀ ɖà wuɖu fóɖóún jǔ pū, ɓɛ́ ɓě ké ti dyé kà ḿ ɖá ɓě mu ma kà nììn nyɛ. 4Ɔ se ná nì, ké ḿ kè Màsèdónìà-nyɔ̀ ɖíɛ́ ɓě dyi ɖé dyi, ké à dyiɛ dyé kà ɓɛ́ ɓě séè ti dyé keɛɛ ní, nìí, dɛ̃ mu à nyuùn, sepóɛɖé à dè ma ɓě hwòɖǒ kɔ̃ jè. Ké dɛ̃ mu ɓě mɔ̀ùn nyuùn ɖekè. 5Ɔ jèɛɛ, ḿ poɛ̀n ma hwìɖǐi kà ɓɛ́ ḿ ɓéɖé ɓɛ́ ḿ ké ma à ɖíí ɓěɔ̀ ɓaà, ɓɛ́ wa ké ɖé dyúa mu ɖé ɓě gbo, ɓɛ́ wa ké ɓěɛ̀ nyíí-ɖɛ̀ ɓɛ́ ɓě ɖáà nyɛ́nɛ́ɛ ti dyéìn kĩ́ín nyɛ. Nìí, ḿ ɖá ḿ kéá dyiín, ɓě ɖǎ nyíí-ɖɛ̀ɔ̀ ti dyéìn, ké ɔ mu nyíí-ɖɛ̀ ɓɛ́ ɓě hwòɖǒ wɔ̃́ ké ɓě tò kɛɛ jǔùn. Ɔ se nyɔ ɓɛ́ ɓěɛ̀ hwòɖǒ se gbo hwɛ̀ɛ jǔɛ mu.
6Ɖɛ nìà kɛ mɛ nì ɓě hwìɖǐi. Nyɔ ɓɛ́ ɔ ɓá ɓáá-ɖɛ̀ tííwè kɛɛ, ɔ muɛ ɓo tííwè dyéìn, ké nyɔ mu pàɖǎ ɓáùn wɛ̃ɛ, ɔ mu pàɖǎ dyéìn. 7Kà ɓɛ́ nyɔ séín nyuà gbɔ poɛ kɛɛ, kǎà wa mɛ nyuɛ tòɛ̀. Ɔ dyiɛ nyuín, ɔ ní ɖá ɓɛ́ ɔ kéɛ hwòɖǒ-se-dyi-dè-kà nyu, ké ɔ ní ɖá ɔ kéɛ nyu kà wa kpɔ̃̀ìn kà nyɔ ganaún wɛ̃. Sepóɛɖé Gèɖèpɔ́ɔ̀ ɖɛ̀ɓɛ̀ nyɔ kɔ̃̀ hwòɖǒ dè dyi, ké ɔ nyí ɔ ɖɛ kɛɛ mú. 8Gèɖèpɔ́ɔ̀ ɓéɖé kpé ɓɛ́ ɔ ké ɖɛ nɔ̀mɔ̀ dyíin pàɖǎ ɓě bìì nyu, ɓɛ́ ɓě ké ɖɛ séín ɓɛ́ ɓě mɔ́ɛɛ ɓéɖé ti séín, ɓɛ́ ɓě ké ɖɛ ɓě ɓɛ́ ɓě mɔ́ ɓɛ́ ɓě ké kpeɖe nɔ̀mɔ̀ dyíin séín mú nyùìn nyɛɛ ɓéɖé, ɓɛ́ ɔ ké dyí vòɛ̌n zi. 9Gèɖèpɔ́ɔ̀-cèè-ɖɛ̀ɔ̀ cɛ̃ ɔ jè. Ɔ ɖá,
“Ɔ nɔ̀mɔ̀ kpeɖeín ɓó gǎ-dyé-nyɔ̀ ɓěɔ̀ gbo.
Ɔ mɔ̀ kpeɖeín-nɔ̀mɔ̀-nyɔ̀ kánáá pū.”
10Gèɖèpɔ́ɔ̀ mɔ̀ nyɔ ɓɛ́ ɔ nyíà ɓáá-ɖɛ̀-dyùà ɓěɔ̀ ɖɛ-ɓá-nyɔ̀, ké ɔ nyíà nyɔǔn ɖii-ɖɛ̀ ɓɛ́ wa kéà ɖiɛɛ, ɔ mu ɓě ɓáá-ɖɛ̀ ɓě nyíìn, ké ɔ muɛ dúún zaìn, ké ɔ muɛ nyuùn ɓɛ́ ɖɛ ɓěɛ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ mu nyuùn wɛ̃ɛ ké bã-kà ɓáá-ɖɛ̀ bãà kɛ. 11Gèɖèpɔ́ɔ̀ muɛ nyuùn ɓɛ́ ɓě ké bã ɖé ɖɛ séín mú, ɓɛ́ ɖɛ ké se ɓě xwaún dyi ku, ɓɛ́ ɓě ké nyɔǔn ɖɛ nyí ti séín. Ké nyɔ pàɖǎ mu Gèɖèpɔ́ɔ̀ zùo poùn ɓó ɓě nyíí-ɖɛ̀ ɓěɔ̀ jè, dyììn ɖé à mú. 12Sepóɛɖé ɓó gbo-kpá-kpá ɓɛ́ ɓě nyuà kɛ jèɛɛ, ɔ nyuɛ ké Gèɖèpɔ́ɔ̀ nyɔ ɓěɔ̀ dyé ɖɛ ɓě ɓɛ́ wa kɔ̃̀ wa ké dyéɛ. Ɔ seɛ ɖòùn, kɛɛ ɔ nyuɛ ké zùo-po-po ɓɛ́ Gèɖèpɔ́ɔ̀ dyéɛɛ ɓúá kpéín mìɔ. 13Ɓěɛ̀ gbo-kpá-kpáɔ̀ mɔ̀ dyí-tɛ̀mɛ̀ìn-ɖɛ̀, ké nyɔ ɓě mu Gèɖèpɔ́ɔ̀ ɓàìn ɓó kà ɓě nyuà Kɛ́ɖɛ́ì bɔ̃̌ nɔ̀mɔ̀ dyíin ɓɛ́ ɓě cɛ̃à kɛɛ dyi kpɔ̃ɔ kɛɛ jè. Ké wa mu Gèɖèpɔ́ɔ̀ ɓàìn ɓó ɓěɛ̀ nyíí-ɖɛ̀ nɔ̀mɔ̀ dyíin ɓɛ́ ɓě nyíà wa kè nyɔ tɔ̀ɔ̀ séín ɓěɛɛ jè. 14Ké wa dyi ɓě bìì ɓaàǔn nìǐn, wa hwòɖǒ mu ɖé ɓě gbo nììn ɓó Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ zi dyí vòɛ̌n, ɓɛ́ ɔ ɖǎà ɓě bìì nyuɛɛ jè. 15À po Gèɖèpɔ́ɔ̀ zùo ɓó ɔ nyíí-ɖɛ̀ zi ɖɛ kpauńɔ̀ jè.
Currently Selected:
2 Kɔ̀ɖéíntĩ̀ɔ̀ 9: ƁB02
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.
2 Kɔ̀ɖéíntĩ̀ɔ̀ 9
9
Gèɖèpɔ́ɔ̀ nyɔ ɓěɔ̀ gbo kpá jè
1Ḿ se ɓéɖé ɓɛ́ ḿ ké ɓě gbo céè ɓá Gèɖèpɔ́ɔ̀ nyɔ ɓěɔ̀ gbo kpá jè dyí pídyi. 2Ḿ dyuòɛ̀ kà ɓɛ́ ɓěɛ̀ hwòɖǒ fṹà ɓɛ́ ɓě ké wa gbo kpáa. Ḿ ɖǎ ma ɓě jè ɓɔ́ɖɔ́ ɖé nyɔ ɓě nì ma ɖé Màsèdónìà-ɓòɖòɔ̀ kɔ̃ɛɛ gbo. Ḿ cɛ̃ɛ ma wa gbo kà sɔ̀ìn zɔ̃ zià dyiɛɛ gbo, ké zɔ̃ɛ̀ nyɔà kɛɛ gbo dyiɛɛ, ɓě mɔ̀ nyɔ ɓě nìà Àkédyà-ɓòɖòɔ̀ kɔ̃ɛɛ, ɓě dyé ti ɓɛ́ ɓě ké gbo-kpá-kpá tòɛ. Ɓěɛ̀ hwòɖǒɛ̀ fṹà jè ɖǎa nyu ké kpé ɖǎ wa ɓáún-ɓáún dyí kpá. 3Kɛɛ ḿ nì à ɖíí ɓě nìà kɛ tòɛ̌n, ɓɛ́ ɓɔ́ɖɔ́-ɓɔ́ɖɔ́ ɓɛ́ à nyuà ɓě bìì ɖé ɖɛ nìà kɛ múɛɛ ní kɔ̃̀ ɖà wuɖu fóɖóún jǔ pū, ɓɛ́ ɓě ké ti dyé kà ḿ ɖá ɓě mu ma kà nììn nyɛ. 4Ɔ se ná nì, ké ḿ kè Màsèdónìà-nyɔ̀ ɖíɛ́ ɓě dyi ɖé dyi, ké à dyiɛ dyé kà ɓɛ́ ɓě séè ti dyé keɛɛ ní, nìí, dɛ̃ mu à nyuùn, sepóɛɖé à dè ma ɓě hwòɖǒ kɔ̃ jè. Ké dɛ̃ mu ɓě mɔ̀ùn nyuùn ɖekè. 5Ɔ jèɛɛ, ḿ poɛ̀n ma hwìɖǐi kà ɓɛ́ ḿ ɓéɖé ɓɛ́ ḿ ké ma à ɖíí ɓěɔ̀ ɓaà, ɓɛ́ wa ké ɖé dyúa mu ɖé ɓě gbo, ɓɛ́ wa ké ɓěɛ̀ nyíí-ɖɛ̀ ɓɛ́ ɓě ɖáà nyɛ́nɛ́ɛ ti dyéìn kĩ́ín nyɛ. Nìí, ḿ ɖá ḿ kéá dyiín, ɓě ɖǎ nyíí-ɖɛ̀ɔ̀ ti dyéìn, ké ɔ mu nyíí-ɖɛ̀ ɓɛ́ ɓě hwòɖǒ wɔ̃́ ké ɓě tò kɛɛ jǔùn. Ɔ se nyɔ ɓɛ́ ɓěɛ̀ hwòɖǒ se gbo hwɛ̀ɛ jǔɛ mu.
6Ɖɛ nìà kɛ mɛ nì ɓě hwìɖǐi. Nyɔ ɓɛ́ ɔ ɓá ɓáá-ɖɛ̀ tííwè kɛɛ, ɔ muɛ ɓo tííwè dyéìn, ké nyɔ mu pàɖǎ ɓáùn wɛ̃ɛ, ɔ mu pàɖǎ dyéìn. 7Kà ɓɛ́ nyɔ séín nyuà gbɔ poɛ kɛɛ, kǎà wa mɛ nyuɛ tòɛ̀. Ɔ dyiɛ nyuín, ɔ ní ɖá ɓɛ́ ɔ kéɛ hwòɖǒ-se-dyi-dè-kà nyu, ké ɔ ní ɖá ɔ kéɛ nyu kà wa kpɔ̃̀ìn kà nyɔ ganaún wɛ̃. Sepóɛɖé Gèɖèpɔ́ɔ̀ ɖɛ̀ɓɛ̀ nyɔ kɔ̃̀ hwòɖǒ dè dyi, ké ɔ nyí ɔ ɖɛ kɛɛ mú. 8Gèɖèpɔ́ɔ̀ ɓéɖé kpé ɓɛ́ ɔ ké ɖɛ nɔ̀mɔ̀ dyíin pàɖǎ ɓě bìì nyu, ɓɛ́ ɓě ké ɖɛ séín ɓɛ́ ɓě mɔ́ɛɛ ɓéɖé ti séín, ɓɛ́ ɓě ké ɖɛ ɓě ɓɛ́ ɓě mɔ́ ɓɛ́ ɓě ké kpeɖe nɔ̀mɔ̀ dyíin séín mú nyùìn nyɛɛ ɓéɖé, ɓɛ́ ɔ ké dyí vòɛ̌n zi. 9Gèɖèpɔ́ɔ̀-cèè-ɖɛ̀ɔ̀ cɛ̃ ɔ jè. Ɔ ɖá,
“Ɔ nɔ̀mɔ̀ kpeɖeín ɓó gǎ-dyé-nyɔ̀ ɓěɔ̀ gbo.
Ɔ mɔ̀ kpeɖeín-nɔ̀mɔ̀-nyɔ̀ kánáá pū.”
10Gèɖèpɔ́ɔ̀ mɔ̀ nyɔ ɓɛ́ ɔ nyíà ɓáá-ɖɛ̀-dyùà ɓěɔ̀ ɖɛ-ɓá-nyɔ̀, ké ɔ nyíà nyɔǔn ɖii-ɖɛ̀ ɓɛ́ wa kéà ɖiɛɛ, ɔ mu ɓě ɓáá-ɖɛ̀ ɓě nyíìn, ké ɔ muɛ dúún zaìn, ké ɔ muɛ nyuùn ɓɛ́ ɖɛ ɓěɛ̀ kpeɖeɛ̀-dyíin-nɔ̀mɔ̀-nɔ̀mɔ̀ɔ̀ mu nyuùn wɛ̃ɛ ké bã-kà ɓáá-ɖɛ̀ bãà kɛ. 11Gèɖèpɔ́ɔ̀ muɛ nyuùn ɓɛ́ ɓě ké bã ɖé ɖɛ séín mú, ɓɛ́ ɖɛ ké se ɓě xwaún dyi ku, ɓɛ́ ɓě ké nyɔǔn ɖɛ nyí ti séín. Ké nyɔ pàɖǎ mu Gèɖèpɔ́ɔ̀ zùo poùn ɓó ɓě nyíí-ɖɛ̀ ɓěɔ̀ jè, dyììn ɖé à mú. 12Sepóɛɖé ɓó gbo-kpá-kpá ɓɛ́ ɓě nyuà kɛ jèɛɛ, ɔ nyuɛ ké Gèɖèpɔ́ɔ̀ nyɔ ɓěɔ̀ dyé ɖɛ ɓě ɓɛ́ wa kɔ̃̀ wa ké dyéɛ. Ɔ seɛ ɖòùn, kɛɛ ɔ nyuɛ ké zùo-po-po ɓɛ́ Gèɖèpɔ́ɔ̀ dyéɛɛ ɓúá kpéín mìɔ. 13Ɓěɛ̀ gbo-kpá-kpáɔ̀ mɔ̀ dyí-tɛ̀mɛ̀ìn-ɖɛ̀, ké nyɔ ɓě mu Gèɖèpɔ́ɔ̀ ɓàìn ɓó kà ɓě nyuà Kɛ́ɖɛ́ì bɔ̃̌ nɔ̀mɔ̀ dyíin ɓɛ́ ɓě cɛ̃à kɛɛ dyi kpɔ̃ɔ kɛɛ jè. Ké wa mu Gèɖèpɔ́ɔ̀ ɓàìn ɓó ɓěɛ̀ nyíí-ɖɛ̀ nɔ̀mɔ̀ dyíin ɓɛ́ ɓě nyíà wa kè nyɔ tɔ̀ɔ̀ séín ɓěɛɛ jè. 14Ké wa dyi ɓě bìì ɓaàǔn nìǐn, wa hwòɖǒ mu ɖé ɓě gbo nììn ɓó Gèɖèpɔ́ɔ̀ kpeɖeɛ̀-dyíin-nɔ̀mɔ̀-nɔ̀mɔ̀ zi dyí vòɛ̌n, ɓɛ́ ɔ ɖǎà ɓě bìì nyuɛɛ jè. 15À po Gèɖèpɔ́ɔ̀ zùo ɓó ɔ nyíí-ɖɛ̀ zi ɖɛ kpauńɔ̀ jè.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bassa Bible © Bible Society Liberia, 2002.