Sálmos 8
8
Piradé udaque gajnesṍri u piradedie irajasṍripísi. David ipesudé Sálmo u.
1¡Urénga, Pangarádejná, Yocangarádejnai Pujnuéngaisṍre á, ijningueñatai tu bei ueradéjnai iji erámi údode jnese! Bachajapite bangoningájnai aja gatajnoquei uté uéchai.
2Betotiguei pijoque ome betesórone udore ore gu disi parátagabode, disi pacucarámone sudore ore, uje garósosi sudore ore etotiguebi mu; uje bedugádabode sudore ome bajnéone picotaquéo uje tṍraji ore pijnani, ga bapésu jeta bamajosórone ore cho paraque, jé aja jnani jnutágode udore ore.
3Uje yajire gaté ga yimo gatajnoquei úringai pimanique ome bajmainie, jé aja guedoside, guédodie udire ore uje bachajapite udore jnese aja charidode iji gaté;
4ga yojninga iji yajei:
–¿Ga cuchárique u jnani uté? uje báyipie jogate uté. Uje ayorei ape gosi, mu ¿cuchárique u gu a uje bajmita uté?–
5Mu bapésu jeta bamani uté ayoré chajni bapesudode gaté unirísoño ore yúode garósi. Ga ayorei uté pi u ducayo nanganatátique ome ua, uje bapesute uté úringai ingoningarãque, úringai pisígai ome uté.
6Bapésu uté úringai pujnuéngaisṍre ome cuchade udore jnese iji bamani udé jnupe gai te rĩ, uje bapésu udore ome bajmainie, ga bacha cuchade udore jnese aja ayorei uté guídade údi;
7Ga áyasadie jnese u, jé aja aquirájnanie jnese rĩ, jé aja cuchiso ponáyone jnese iji garáyode;
8Ga chugúpẽre chogode upo rĩ, jé aja oyídode uje ore déji yote quedéjnai uté jochai ajei, jé aja yote quedéjnane unirisórone cucha udore jnese, uje uté sué gai jnese.
9¡Urénga, Pangarádejná, Yocangarádejna Pujnuéngaisṍre á, ijningueñatai tu bei ueradéjnai iji erámi údode jnese!
Currently Selected:
Sálmos 8: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
