Sálmos 6
6
Piradé udaque gajnesṍri u piradedie irajasṍripísi. Ga ore chujé degode cucha jocarãtácho uje ore chirate udaque. David uté ipesudé tu.
1Pangarádejná, jé ca o bájningame yu ome baru dosótigo. Ga ca o bajuñame yu ome báringárique tagu dejo.
2Pangarádejná, be ga osõre yu. Bamo arĩa uje que yutajnoquérique cusapo rĩ. Atirépo yijóningai yibai te rĩ. Bamo arĩa uje yisadodéringai u uje pésu cochóya iji yu.
3Pangarádejná, bamo yáyipie úringa áyuguhebaté. Ga ¿cho rique jeta áta ua aja yu?
4Pangarádejná, ajni yibai ga ãraque yucuecaringuei ome udore ore. Aqueta yu ome bajnoraquédatéi.
5Uje que ayoré totique doi ga áyipieraque dépoji ua rĩ. ¿Ama ducóderaque ódesõri doi ga qué chicotapórase ua rĩ a?
6Pangarádejná, bamo uje eyuque yu ome yagoyedie uje yibóji yejode. Iji dejade jnese ga jecucha yibo, ga yugutádode arupachéo ome yeducadode.
7Uje yáyuguhebátigai pésu ga que yũrúaji yajiritique erãpe ome yagoyedie; eyuque yajirigode, ga gose yetesórone udore ore.
8¡Pejóporinguéone ipesusõre sijnángone uaque á, angaráño uacayaritique ome yu! Uje Pangarádejnai e tangári yu ome yutaidode udore cucha iji uje yutai ga yibója udore.
9Pangarádejnai tangári yuru quigode udore ome re, ga chimesẽre yicatecãraitigade quigode udore.
10Yumajosórone udore jnese a pinguíraja dipoi aja ore jne, jé aja jeta páyuguhebátigai yore udore ore gai. Ga a jĩraque ore chajníja daquigade jne ome dajegátigai ome raque.
Currently Selected:
Sálmos 6: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
