Sálmos 46
46
Piradé udaque gajnesṍri u piradedie irajasṍripísi. Coré abode gajné Sálmo udaque.
1Dupade u Yocãrésõri, jé aja yoquetotiguei guẽrasṍri. Uje jecucha dimane uté ome dáringai Yocátajasṍre uje yugúcoji yocajnenie pujurei jmainie.
2Jecute a jé ca yocáyipieraque déji pisadodéringárique jne. Ujetiga jnumi chécãre dasocárique, jeoga cucarãte cuchábode cṍraja yote quedéjna cuchábi jochai marínga, a jé ca yitodógo jne.
3A yote quedéjnai usereréjna iji jnumi ga tṍra dajosé aja quedéjnane, jé aja jeta cucarãte cuchábode cho ta-ta-ta iji gatéode ome yodi uté úringai bayaque marínga, a jé ca yitodógo jne.
4Tié déji uje jmainie chicáji sona ga pésu idaisórone ore irasitigai iji Dupade gajnei pidai uté, uje Dupa Pujnuéngaisṍri cho dayaridíji daguíjna ajé puyaguipísi uté.
5Dupade jogadi u pidai gatócoro, jecute a ca cuchárique chijocase pidai uté jne. Dupade a chátaja pidai uté jne ujetiga guedé quene chipésosi guesi.
6Purása quedéjnane ore tagu dejode ome dáringane ájningarã́cho, ga peduguéjnane ore úringane eduguéjna cuchábio chise dáringane pajnangarañácho aja jnumi. Dupade úringai dara tocade, enga jé u uje erámi uté nejñu ñane.
7Pangarádejna Ujopíerãque Cuchábi déji yocari iji de. Jacob uté angureni Dupa u Yocãrésõri.
8Boyóji te ga cajichope Pangarádejnai uté ipesudode cucha udore, uje uté di peyutiguei údi iji erámi.
9Uje pésu ga íjnoque pocaningane iji erámi údode jnese. Ga uté chibéro docoji uté, ga chimochẽre asõre iji gatócoro. Enga chãru guebéquedatéode ore gai iji piogode.
10Ga Dupade chósi te: "Oyo parácho, ga arajáyo uje Dupade u uyu. A pijosique uyu iji gaté ome punirone ore unirisórone jne, enga a yúringai pisígai jogadi tu erámi udé to jne."
11Pangarádejna Ujopíerãque Cuchábi déji yocari iji de. Jacob uté angureni Dupa u Yocãrésõri.
Currently Selected:
Sálmos 46: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
