Sálmos 47
47
Piradé udaque gajnesṍri u piradedie irajasṍripísi. Coré abode gajné Sálmo udaque.
1¡Pidáyode idaisórone uaque jnese é, ajéyo uacajmanáyone aja ñane! ¡Atijayo Dupade, ga abichoi uté ome uacaninaquédatéode!
2Uje pirosobádejna Dupa Pujnuéngaisṍri, Gatajnoquei Achamisṍri uté. Uje uté u Eduguéjna Cuchábi ome erámi jnese.
3Uté u uje chicha pidáyode aja yocúdi, jé aja punirone ore ga uté ichajapite udore aja yoquirídade údi to.
4Ga uté upúsu uje ajegaite dachagájai yocajnepídi jnupe uté ome yoque, ga pininaquéode gose pajnepídi uté ome Dupade ijnorai Jacob uté.
5¡Dupade dóji gaté ga pibijnane udore nína re iji uté ejode. Ome Pangarádejnai uté, ga pubuchuque pubuchugode iji uté iquei!
6¡Aracho uacacotaqué gajnéringui uacaradei ome Dupade uté; ga aracho achachagúgode uje uacasíyo uté gai! ¡Aracho uacacotaqué gajnéringui uacaradei ome Yoqueduguéjna Cuchábi uté; ga aracho achachagúgode uje uacasíyo uté gai!
7Dupade u Peduguéjna Cuchábi iji erámi údode jnese; jecute beyoi ga acotáyo uté ome uacapesudé sálmo uaté achachagútigo uje po quique udore ore ome udire quigode.
8Dupade déji dáringai Peduguéjna Cuchape ome punirone achamisórone udore ore jnese, ga Dupade uté chácariji dayaripi cuchábi uté gai uje puyaguipise.
9Jnani ibijógode iji pidáyode ore chimáta ñane jeta ore cháta raja Abraham casicaite angureni Dupade uté urasade ore to.
Uje Dupade u uje gajneque peduguéjnane udore uñane jnese iji erámi.
¡Uté u uje pijosiguipise iji gaté!
Currently Selected:
Sálmos 47: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
