Sálmos 15
15
David ipesudé Sálmo u.
1Pangarádejná, ¿Ama gosi erase jeta pusi baguíjna puyai uté ajei? ¿Jé aja bedójnari cucarãte uté uje bacha báringai pirosobate aja cucarani uté ga gosi urásu jeta pusi uté?
2Uté u uje que iyoguérique cuse aja dajesúode, jé aja uje uté ipesudode u cucha arégode quigode gatuaque, enga chedu puru uréone iji dajei gatuaque.
3Ga uté arei eteque pujutarétigai ome dojórique ayoré, jé aja uje que pésu dajõrárique ejóporinguérique ome cuchárique, ga que uté juegabádi upo rĩ jeta pinguíraja dipoi aja dejominónique dojo ayoré gotique to ome ore aguhétajarigo cucha bisidécho.
4Ate arei uté chimo ayoré ate noñánguipísode udore ore, ga chujnapise ore; jé basa ga uté isígayode u udore ore uje ore dosóñime Pangarádejnai uté. Jecucha ayoré ũrei uté doi daru iyiejnáringo quigode jnese. Jeta uajácho ome, mu que doi ga chécãre daruode quigode udore, uje e chajo raja udore úringane pipesucho gu ica.
5Uté chisíome dapláta ome dojórique ayoré jeta gosi chaparu, mu que iplátasṍri uté chisa dajnerámeraque iji udire gai, uje caniraque gu. Ujetiga ate gajnaréngone ore pota chimate jnani ũrei uté ome dapláta jeta cho máranguiji gosi bisideque, mu que doi uruode.
A gosi pésu cuchade udojo quigode jnese ga a jé ca pijocayaque uté jne iji deréjnane jnese.
Currently Selected:
Sálmos 15: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
