Sálmos 14
14
Piradé udaque gajnesṍri u piradedie irajasṍripísi. David ipesudé Sálmo u.
1Táyipiei uté chojninga iji dáyipie:
–Que Dupárique cuse gotique.–
Noñánguipíso udore ore, enga que déji pajénique ore ate noñángone udore. Uje que gosi déji jeta pésu cucha ueratique gotique.
2Pangarádejnai uje déji gaté toji jnanione ore abode gai iji jnumi udé iji dádi, jeta chise uñeque iji udore ore ujade uje áyuquetotinguerã́que, jeta uñeque chucué Dupade ome re.
3Mu ore íjnongaja dajeque cacachugode udore ore, ga ore chopise ñane jnese ome dáringane isójna. Que uñeque déji gu jeta pésu cucha arégode. Que chojmarárique dépisi gotique.
4¿Ama payuquetotiguei chona cucha gajnaréngone ipesusórone udore jnese a? Uje ore chejna yurasade ga yurasade udore ore gajnúone u arurégode úringane piboso ome ore. ¡Ga udore ore etéquetí ore chutṍri Pangarádejnai ome re to!
5Mu quene ore pésu cochoidie iji raque ome dasadodéringadatéi: uje Dupade garíjogonórone u udore ore uje ore adode arécho gu.
6Sijnángone uaque á, uaque u uje uacajñietáyo jmatágode udore ore ome ore áyipie omenie quigode; mu Pangarádejnai u udore ore gãrésõri.
7¡Yipésupú ga israélgosode ore iquetangónique tṍraji cucarani Sión#14:7 Eduguéjna Cuchábi David idai tu Jerusalén, ga gatuaque ore chĩ́care Sión aja Jerusalén uté to. ome ore jne jõ! Ujeta Pangarádejnai chatirépo darasade ore gajnéone cucha dacate arécho ore gai jne rĩ, ga a Jacob ájnape disi ejo udore ore achietaquei jogadi u jne, ga israélgosode udore ore nína re.
Currently Selected:
Sálmos 14: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
