Sálmos 142
142
Peduguéjnai David áyipie quigode u uje déji cucarã́tedó. Picatecãraitigade u.
1Yinguíra yibijnani aja Pangarádejnai uje yicatecã́ri uté. Ome yibijnani ga yatata yajei jochaquéode ome Pangarádejnai uté jeta chosõre yu.
2Yuchẽri yetégode cucha iji guesi iji uté iquei. Yatata yujuré gajnéone cucha iji uté edominone.
3Uje cuchade chácariji yáyipie údode uje nája jnumi ome úringa áyuguhebaté, mu baraja udore iji yiripie quigode. Udore ore chacose dajuya iji yúguhi iji yiquei.
4Yajire yirosadi iji yãrachua mu que uñeque timíninga yu aja quedéjnarique gotique. Enga que yãrésonique cucha déji, ga que piyaque yunétique.
5Yibidi ua, Pangarádejná, ga yósi tome ua: –Ua u Yãrésõri, ga jé yagutíyabádi upo ua rĩ iji uecade ore jogadi udé erãpe.–
6¡Angári yagoyedie ome ua, uje cuchade na yu aja jnumi! Ajnime yu iji udore ore jmainie uje ore chajna yu aja quedéjnane, u gu uje uajadipise udore ore ome yu.
7¡Ajnime yu iji yúringai pujurúgai ujetiga yicota bei! Ũrepísode a ore chaparu yibai ome basoca arégode udore ome yu jne.
Currently Selected:
Sálmos 142: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
