Sálmos 13
13
Piradé udaque gajnesṍri u piradedie irajasṍripísi. David ipesudé Sálmo u.
1¿Ga yúrigo jé cho pírique, Pangarádejná? ¿Ga acadíguipísi yu iji deréjnane jnese a? ¿Ga jé cho rique jeta aya apógu benochai ome yu?
2¿Cho riguiji yui ujetiga jé ca yáyipie cho quiyíguiyí ome yáyuguhebátiga gajnéone cucha uje chácariji yúdode gatuaque iji dirode jnese? ¿Ga yumajósõri uté úringai yujnuéngaisṍre jé chuságaja rique ome yu jne?
3Urénga, Pangarádejná, Yudupá, cajirape yu to iji de, ga achajnai uyu. Atire yedo caturunie yibai ome badírecaringuéi; jeoga ca apésu udore, enga moi uté a sué yibai jne uje chacája pitoringai ome yu.
4Cachi yumajósõri chisi dabai ome yu jeta chojninga:
–Uyu u uje yujnué uté gai.–
Enga jé u ujetiga yetesórone udore ore a chachietáji yu iji jnumi jne ome yúringai cõrachuque.
5Mu ome yu, ga yanguretigai jogadi tupúsu bajnoraquédatéi uté; ga yáyipie a nína re gatuaque jne uje baqueta yu.
6A yirate yiradedie ome Pangarádejnai uté jne, uje yimo uté átegoningáne ome yu gu.
Currently Selected:
Sálmos 13: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
