Sálmos 122
122
Piradé aja dajei iji Jerusalén yui. Peduguéjnai David iradé u.
1Pininaquei irágu yu uje ore chojningame yu:
–Bo, ga yicagóji Pangarádejnai iguíjnai.–
2Yoquirídade qué déji bapiagoi ajei, Jerusalén á.
3Jerusalén uaté úringa pora gajnui u pidánique úringárique pipesute jeta jé chojmara pidai uté iji jnumi.
4Ga israélgosode ore uáguedie chicáji uaté, uje Pangarádejnai chojningame ore "yurasade;" ga páyipie u udire ome israélgosode ore jnese gu jeta ore chicáji uaté, ga ore chacãre Pangarádejnai uté i gai iji uaté.
5U gu uje piyaripíode déji uaté jetiga pajirique padode aja quedéjnane iji te, ga David, ájnape disi ejode uñane jé ore charidode u udore.
6Jecucha ajóchayo Dupade ajei údi ome pajesereringai to ome Jerusalén, ga uacajei jochaquéode chósi te:
–Jé tiógara jeta jé ca cuchárique chona gosi gu uje chijnorapise ua, Jerusalén á.
7Ga pajesereringai dérasi banama uaté ajei eruéode, jé aja jeta pajirique pejode gatuaque iji poragádedie udire ójodie jeta bajogasórone jé ca ore todo cucha dacatique yúrique iji uté.–
8Yijnoraquei u ome yijogasúode, yijorane ore uje pésu ga yósi tome ua:
–Yipésupú ga pajesereringai déji ua jne jõ, Jerusalén á.–
9Yijnoraquei ome Yocudupa Pangarádejnai uté iguíjna cuchábi u gu uje yucuei cucha arégode ome ua, Jerusalén á.
Currently Selected:
Sálmos 122: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
