Jecucha ajóchayo Dupade ajei údi ome pajesereringai to ome Jerusalén, ga uacajei jochaquéode chósi te:
–Jé tiógara jeta jé ca cuchárique chona gosi gu uje chijnorapise ua, Jerusalén á.
Ga pajesereringai dérasi banama uaté ajei eruéode, jé aja jeta pajirique pejode gatuaque iji poragádedie udire ójodie jeta bajogasórone jé ca ore todo cucha dacatique yúrique iji uté.–
Yijnoraquei u ome yijogasúode, yijorane ore uje pésu ga yósi tome ua:
–Yipésupú ga pajesereringai déji ua jne jõ, Jerusalén á.
