Sálmos 121
121
Piradé aja dajei iji Jerusalén yui.
1Yajire cucaranone udore ome yedodie. Ga yojninga:
–¿Ama yátajasónique tṍraji rique jne?–
2Yátajasṍri u Pangarádejnai uje ipesute gaté, jnumi ore jnese.
3Que uté juéga ujetiga barídai cho caru jne, ga bañerasṍri uté eteque moi.
4Cadójnacho to uje uté chañuru Israel guio, ga érãtique motique doi uté edóraque ome dedo caturunie.
5Pangarádejnai uté u bañerasõre cuchábi. Pangarádejnai u purute pañerasṍri uje déji bãrachua.
6Guedé iji diri a jé ca pésu baporitáringárique; jé aja guedoside iji dejai, uje a jé ca pésu baporitáringárique iji uté.
7Pangarádejnai a chusípise beo ome cucha noñángone jnese jne. Ga a uté chuse bacuecaringuei guio to jne.
8Pangarádejnai chuse beo aja baqui jé aja jeta esápo bajogadi rĩ, jé iji deréjnai udé jé aja siqueredie gatuaque iji baquei.
Currently Selected:
Sálmos 121: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
