Sálmos 120
120
Piradé aja dajei iji Jerusalén yui.
1Ujetiga cuchárique na yu aja jnumi, ga yutai Pangarádejnai uté jeta chajnai yu, ga yojninga:
2–Pangarádejná, ãraque yu ome pibijnanane uje purupatáringane tṍraji udore, jé aja parei uje paringaquéode gãrapi u uté.–
3Ga ¿guẽratique cucharase ome ua ya, pareque aringácachoquí á? Jeoga ¿jõrárique cucharase jeta pipesute ome ua?
4Docojo poidebe ome jõcaratáguebetic uje uaté eruei cariché uje pisíome ua, jé aja guegueraque ditaguéode uje tṍraji poria uaté uje i tu retáma.
5Yosṍri jóroque yu uje purása quedéjna yu iji pachamini uté uje i tu Mésec, uje udore ore icotade u dupa quedéjnane. Ga yugúsiji ore irengúi uje i tu Cedar.
6E iyajmaque uje yugúsiji udore ore ujade uje ore eteque pajesereringai.
7Yijnorapise pajesereringai; mu ujetiga yĩrarare, ga ore áyipie déji pocaningárique.
Currently Selected:
Sálmos 120: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
