Sálmos 111
111
1¡Acotáyo Pangarádejnai Dupade! Yisi uté gai jnese ome yáyipie iji ũrepísode ore ujade iji ayorébuode ore ajei.
2Cuchadaté Pangarádejnai ipesudode cucha, ga pésu danéningai ome uté ijnorasórone ore jeta ore chajire uté jmapié ome imaningone cucha udore.
3¡Urénga! Cucha uerate uté imaningone cucha ga picotacho ome udore, enga uté úringai ũré érãtique chise deruénique to.
4Uté pésu ga que pamurañácho uté átedatéode udore; Pangarádejnai uté paraguipise enga posõrasõre uté.
5Ga chisíome udore ore posode ome ore uje ore todo uté; jé aja uje que chamurase dáyipie quigode udore uje chisíome ore nanique.
6E chingo cutejmai detotiguejna aja darasade ore nanique ome damaningone cucha jeta udore ore cho dajnéngu pachaminone uñane ga gose uté.
7Uté imaningone cucha ome dajmainie ga ũrepíso ga que iyoguérique cusapo rĩ, jé aja uje que potigayaque uté áyipie pirosobádedie quitique.
8Érãtique uté áyipie pirosobádedie chécãre dáringáringui pirosobádei gotique iji deréjna pitade gatuac; uje ũrepísei udire ome úringanie pimanei gu jé aja uje érãtique iyoguérique cuse.
9Uté chimate darasade ore oredie jeta ore chise dáringáringo piquetacho ome re to. Ga uté chiroque dáyipie pirosobádedie aja ore jeta ca pamuráña udire iji pajénique ome uté uje uru quicho ome udore ore gatuaque. ¡Pangarádejnai uté i puyaguipise ga pirosobate!
10Payuquetotiguei garani jé upúsu Pangarádejnai uté ome úringai pirosobate. Ga áyuquetotingueráne u udore ore uje ore chucué Pangarádejnai uté ojningai payuquetotigué ome re jeta ore doi quigode. ¡Ga uté úringai picotaque érãtique chise deruénique ome dajnéone picotaquéo!
Currently Selected:
Sálmos 111: Ayore
Highlight
Copy
Compare
Share
Want to have your highlights saved across all your devices? Sign up or sign in
© 2021 Ethnos360
