Mak 2
2
1KU te cen ber lo Kapernaum akoldo, go koic Yecu ping ato bai. 2Ku koic juec aci gwer, ku acin te tek e t̤in luak t̤ok ya. Ku wet koic. 3Go ran nak col jot koic kangwan ku bike tong Yecu. 4Ku cin d̤ol yoke, goke luak ngain nom te de Yecu, ku te ci kek e wec, ke lue buok piny ke ke ran bec. 5Ku te ci Yecu ke ting puot̤ aci ye gam, ke yok ran bec, An wene, karaic ke puondu aci puol. 6Ku koic ke waragak aci n̤yuic, ku take ken̤im ku jamke, 7An yengu jam rane kela? alat N̤ialic; yenga leu e pel e karaic, ci e N̤ialic yetok? 8Ku n̤yic Yecu ke ci ken̤im tak kela, ku t̤iec ke, Yengu take wen̤im e kak? 9Ye keno puol, ban ran bec yok, An karaic ke puondu aci puol, ko ban luel, An jo rot, jot buongdu, ku cad̤a? 10Abak n̤yic wen Dit de ran yen ekin nong riel be karaic ke koic puol e piny nom (go ran bec yok) 11Yin e a yok, Jo rot, jot buongdu, ku lor pandu. 12Go rot jot, ku jot buongde, ku ler akenbai, ke ting koic ked̤ia. Go koic ked̤ia gai, ku lecke N̤ialic, ku jamke, An akecku kang ting kela.
13Go Yecu ber lo wer t̤ok, ku lo koic juec tong yen, ku wet koic. 14Ku te cet̤ Yecu, ke ting Lebi de Alpeot̤ an̤yuic te cine kang juar t̤in, ku jiam, An buot̤ acok. Go ro jot ku buot̤ ye. 15Go Yecu lo mit̤ pan e Lebi, go koic ke juer ku koic raic juec goke n̤yuic ke ke Yecu ku koickek puoic. Koic juec aci Yecu buot̤. 16Ku te ci koic ke waragak ke Parit̤ai Yecu ting amit̤ ke ke koic raic ku koic ke juer, goke koic puoic Yecu t̤iec, Yengu mit̤ yen ku dek ke ke koic ke juer ku koic raic? 17Ku te ci Yecu welken ping ke jam, An koic puol gwup aci yuic ran e wal, koic bec kek ayuic ye. An ci buo ba koic puat̤ puot̤ ben e col, koic raic kek acal.
18Ku koic puoic Jon ku Parit̤ai aci t̤iel. Go koic ben ku t̤iecke Yecu, Yengu t̤iel koic puoic Jon ku koic puoic Parit̤ai, ku koicku aci e t̤iel? 19Go Yecu ke yok, An bi koic ke t̤iek leu e t̤iel tʼangot ran e t̤iek ke to? Te to en t̤in koic aci leu e t̤iel. 20An akol abi ben, akol bine ke ran e t̤iek n̤yai, koic abi jal t̤iel. 21Acin ran bʼalan jot buop te ghor dʼalan ci d̤iop, dunga bʼalan t̤er ber retic, ku bi ghor dit. 22Ku acin ran bi mau puoic loi cier bon t̤eric, dunga abi bon retic, ku t̤ou mau ku bon. Mau puoic loi abi cier bon jotic.
23Akol e Tabat̤ go Yecu dum lo cat̤. Go koic puoic Yecu goke rab d̤ong. 24Go Parit̤ai t̤iec, Yengu luoike kaiya, aci puat̤ akol e Tabat̤. 25Go Yecu ke yok, An kecka ting waragakic luoi de Dabid nak cok ye ku koicke? 26Kec lo luang de N̤ialic to Abaiat̤a bain̤ de ka ke N̤ialic t̤in, ku cam kumon ke N̤ialic, ku muoic koic cat̤ ke ye? Acin ran do ye ke cam; e kumon ke bain̤ ke ka ke N̤ialic. 27Ku ber jam, An N̤ialic acʼakol e Tabat̤ cak etong koic, aci e koic etong akol e Tabat̤. 28Ku Wen Dit de ran e bain̤ de T̤abat̤.
Currently Selected:
Mak 2: CIEC1916
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society