رۆما 9
9
ئەوێن خودێ هەلبژارتین
1مەسیح شاهدە كو ئەز راستیێ دبێژم و درەوان ناكەم و وژدانا من ژی ب رێیا گیانێ پیرۆز شاهدەییێ بۆ ڤێ چەندێ ددەت كو 2خەمەكا گران و كۆڤانەكا بێ راوەستیان یا د دلێ من دا. 3خوزی نفرین ل من هاتبانە كرن و ئەز ژ مەسیحی بێبەهر ببام، ژ پێخەمەت برایێن من، هەڤمللەتێن من ل دویڤ لەشی، 4كو ئەو ژی ئیسرائیلینە. مافێن كوڕێن خودێ، مەزناهی، هەمی پەیمان، وەرگرتنا دەستووری، پەرستن#9:4 ئانكو خزمەتكرن د پەرستگەها ئورشەلیمێ دا و هەمی سۆز یێن وانن. 5بابكال یێن وانن و مەسیح ژی ل دویڤ لەشی ژ وان هاتیە، ئەوێ كو د سەر هەمی تشتان دایە و خودایێ هەروهەر هەژی پەسنێیە#9:5 پەسن: مەدح و سەنا. ئامین.
6لێ نە ب وێ رامانێ كو خودێ یێ ژ سۆزا خۆ لێڤەبووی، چنكو هەمی یێن ژ دویندەها ئیسرائیلی، نە ئیسرائیلینە. 7خۆ ئەو ژ دویندەها ئیبراهیمی ژی بن، ئەو هەمی نە زاڕۆكێن وینە، لێ: «دویندەها تە دێ ژ ئیسحاقی هێتە هژمارتن.»#9:7 دەستپێكرن 21:12 كو ئەڤە ئاخفتنا خودێیە ئاراستەی ئیبراهیم پێغەمبەری دكەت. 8ئانكو زاڕۆكێن خودێ، نە زاڕۆكێن لەشینە، لێ زاڕۆكێن سۆزێنە یێن ب دویندەھ دهێنە هژمارتن. 9چنكو پەیڤێن سۆزا خودێ ئەڤەنە: «ل ساڵا بهێت، ل ڤی دەمی ئەز دێ زڤڕمە نك تە و هنگی دێ سارایێ كوڕەك هەبیت.»#9:9 دەستپێكرن 18:14 10نە ب تنێ ئەڤە، لێ رەبەكا#9:10 رەبەكا هەڤژینا ئیسحاقیە ژی ژ مێرەكی ب دوو گیان كەفت، ژ بابێ مە ئیسحاقی. 11-12دەمێ كو هێشتا جێمك ژ دایك نەببوو و چ تشتێن باش و خراب نەكربوون، خودێ گۆتە رەبەكایێ: «یێ مەزن دێ بۆ یێ بچویك بەنیاتیێ كەت.»#9:11-12 دەستپێكرن 25:23 ئەڤ چەندە چێبوو، داكو مەبەستا خودێ ل دویڤ هەلبژارتنێ خۆجھ ببیت، نە ل دویڤ كریارێن مرۆڤان، لێ ل دویڤ گازیكرنا خودێ. 13هەروەكو هاتیە نڤیسین: «من حەز ژ یەعقوبی كر، لێ من كەرب ژ عیسۆی#9:13 عیسۆ برایێ یەعقوبیە ڤەبوون.»#9:13 مەلاخی 1:2-3
14ئەڤجا ئەم چ بێژین؟ ما بێدادی ل نك خودێ هەیە؟ حاشا! 15چنكو ئەو دبێژیتە مووسای:
«ئەز دلۆڤانیێ ب وی دبەم، یێ ئەز دلۆڤانیێ پێ دبەم
و دلێ خۆ ب وی دسوژم، یێ ئەز دلێ خۆ پێ دسوژم.»#9:15 دەركەفتن 33:19
16ئەڤجا ئەڤ چەندە نە ب حەز و نە ژی ب بزاڤا مرۆڤیە، لێ ژ خودێیە ئەوێ دلۆڤانیێ دبەت. 17چنكو نڤیسارا پیرۆز دبێژیتە فیرعەونی: «من بۆ ڤێ چەندێ تۆ پایەبەرز كری، دا هێزا خۆ ل سەر تە بدەمە ئاشكراكرن و دا ناڤێ من ل سەرانسەری جیهانێ بهێتە راگەهاندن.»#9:17 دەركەفتن 9:16 18هۆسا ئەو دلۆڤانیێ ب وی دبەت یێ وی بڤێت و وی سەرڕەق دكەت یێ وی بڤێت.
تۆڕەبوون و دلۆڤانیا خودێ
19ئەڤجا تۆ دێ بێژییە من: «ئێدی بۆچی خودێ گازندەیێ ژ مرۆڤی دكەت؟ ما كی دشێت بەرهنگاریا حەزا وی بكەت؟» 20لێ تۆ كی، هەی مرۆڤ، كو تۆ گەنگەشەیێ ل گەل خودێ دكەی؟ ما تشتێ ژ هەڕیێ هاتیە چێكرن دبێژیتە چێكەرێ خۆ: «تە بۆچی ئەز هۆسا چێكرم؟»#9:20 ئیشایا 29:16؛ 45:9 21ما گۆزكڤانی دەستهەلات ل سەر هەڕیێ نینە، كو ژ هەمان هەڕی ئامانەكی بۆ كارێن بەڕێز و ئامانەكی بۆ یێن بێڕێز چێكەت؟ 22ئەڤجا ما چیە ئەگەر خودێ، ژ بەر كو وی دڤێت تۆڕەبوونا خۆ ئاشكرا بكەت و هێزا خۆ دیار بكەت، ب بێهنفرەهیەكا درێژ هەدارا خۆ ل گەل وان ئامانێن هەژی تۆڕەبوونێ كێشا، یێن بۆ ژناڤچوونێ هاتینە ئامادەكرن؟ 23ما چیە ئەگەر وی ئەڤ چەندە كر؟ دا دەولەمەندەیا مەزناهیا خۆ ل سەر وان ئامانان دیار بكەت، یێن كو دلۆڤانیێ وەردگرن، ئەوێن پێشوەخت بۆ مەزناهیێ ئامادە كرین، 24خۆ ئەم ژی ئەوین، یێن وی گازی كرین، نە ب تنێ ژ ناڤ جوهیان، لێ ژ ناڤ مللەتێن دی ژی. 25هەروەكو ئەو د پەرتووكا هۆشێیەع پێغەمبەری دا دبێژیت:
«ئەوێن نە گەلێ من، ئەز دێ بێژمێ: ‹گەلێ من›»#9:25 هۆشێیەع 2:23
و ئەوا نە خۆشتڤیا من، دێ بێژمێ: ‹خۆشتڤیا من.›
26«و ل وی جهێ بۆ وان هاتیە گۆتن: ‹هوین نە گەلێ منن›،
ل وێرێ دێ ب: ‹كوڕێن خودایێ زیندی› هێنە بناڤكرن.»#9:26 هۆشێیەع 1:10
27ئیشایا پێغەمبەر ژی هۆسا دەربارەی ئیسرائیلێ دكەتە گازی:
«ئەگەر ژمارەیا زاڕۆكێن ئیسرائیل هندی خیزێ دەریایێ ژی بیت،
ب تنێ هندەك ژ وان دێ قورتال بن.
28چنكو خودان دێ زوی و ئێكجاركی بڕیارا خۆ یا سزادانێ ل سەر رویێ ئەردی ب جھ ئینیت.»#9:27-28 ئیشایا 10:22-23
29هەروەكو ئیشایای پێشوەخت گۆتی:
«ئەگەر خودانێ لەشكەران#9:29 خودانێ لەشكەران: ناڤەكە ژ ناڤێن خودێ و لەشكەرێن وی فریشتەنە. بۆ مە دویندەهەك نەهێلابا،
ئەم دا وەكو سەدۆمێ لێ هێین و وەكو عەمۆرایێ بین.»#9:29 ئیشایا 1:9؛ دەستپێكرن 19:1-25
بێباوەریا ئیسرائیل
30ئەڤجا ئەم چ بێژین؟ ئەو مللەتێن ل دویڤ راستداریێ نەچووین، گەهشتنە راستداریێ، ئەو راستداریا ژ باوەریێ دهێت. 31لێ گەلێ ئیسرائیل، ئەوێ ل دویڤ دەستووری بۆ راستداریێ بزاڤ دكر، نەگەهشتنە وێ چەندێ. 32بۆچی؟ چنكو ئەوان ئەڤ چەندە نە ب باوەریێ كر، لێ هەروەكو ب وان كریاران بیت یێن دەستوور دسەپینیت، ئەڤجا ئەو د بەرێ هەلنگفتنێ هەلنگفتن. 33هەروەكو هاتیە نڤیسین:
«ئەڤە ئەز یێ ل سییۆنێ بەرەكێ هەلنگفتنێ
و كەڤرەكێ كەفتنێ ددانم.
لێ یێ باوەریێ ب وی بینیت، شەرمزار نابیت.»#9:33 ئیشایا 8:14؛ 28:16؛ مەتتا 21:42؛ 2 پەترۆس 2:4-8
Currently Selected:
رۆما 9: BHD
Highlight
Share
Copy
Want to have your highlights saved across all your devices? Sign up or sign in
All rights reserved.
